೯. ದುತಿಯನಕುಹನಸುತ್ತವಣ್ಣನಾ

೩೬. ನವಮೇ ಅಭಿಞ್ಞತ್ಥನ್ತಿ ಕುಸಲಾದಿವಿಭಾಗೇನ ಖನ್ಧಾದಿವಿಭಾಗೇನ ಚ ಸಬ್ಬಧಮ್ಮೇ ಅಭಿವಿಸಿಟ್ಠೇನ ಞಾಣೇನ ಅವಿಪರೀತತೋ ಜಾನನತ್ಥಂ. ಪರಿಞ್ಞತ್ಥನ್ತಿ ತೇಭೂಮಕಧಮ್ಮೇ ‘‘ಇದಂ ದುಕ್ಖ’’ನ್ತಿಆದಿನಾ ಪರಿಜಾನನತ್ಥಂ ಸಮತಿಕ್ಕಮನತ್ಥಞ್ಚ. ತತ್ಥ ಅಭಿಞ್ಞೇಯ್ಯಅಭಿಜಾನನಾ ಚತುಸಚ್ಚವಿಸಯಾ. ಪರಿಞ್ಞೇಯ್ಯಪರಿಜಾನನಾ ಪನ ಯದಿಪಿ ದುಕ್ಖಸಚ್ಚವಿಸಯಾ, ಪಹಾನಸಚ್ಛಿಕಿರಿಯಾಭಾವನಾಭಿಸಮಯೇಹಿ ಪನ ವಿನಾ ನ ಪವತ್ತತೀತಿ ಪಹಾನಾದಯೋಪಿ ಇಧ ಗಹಿತಾತಿ ವೇದಿತಬ್ಬಂ. ಸೇಸಂ ಅನನ್ತರಸುತ್ತೇ ವುತ್ತತ್ಥಮೇವ.

ನವಮಸುತ್ತವಣ್ಣನಾ ನಿಟ್ಠಿತಾ.