೧೦. ರೂಪಾರೂಪಧಾತುಪರಿಯಾಪನ್ನಕಥಾವಣ್ಣನಾ

೭೭೧-೭೭೫. ಇದಾನಿ ರೂಪರಾಗೋ ರೂಪಧಾತುಪರಿಯಾಪನ್ನೋ ಅರೂಪರಾಗೋ ಅರೂಪಧಾತುಪರಿಯಾಪನ್ನೋತಿ ಕಥಾ ನಾಮ ಹೋತಿ. ತತ್ಥ ಯಸ್ಮಾ ಕಾಮರಾಗೋ ಕಾಮಧಾತುಪರಿಯಾಪನ್ನೋ, ತಸ್ಮಾ ರೂಪರಾಗಾರೂಪರಾಗೇಹಿಪಿ ರೂಪಧಾತುಅರೂಪಧಾತುಪರಿಯಾಪನ್ನೇಹಿ ಭವಿತಬ್ಬನ್ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಅನ್ಧಕಾನಂ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ. ಸೇಸಂ ಹೇಟ್ಠಾ ವುತ್ತನಯೇನೇವ ವೇದಿತಬ್ಬಂ. ಕೇವಲಞ್ಹಿ ತತ್ಥ ‘‘ರೂಪಧಾತುಂ ಅನುಸೇತಿ, ಅರೂಪಧಾತುಂ ಅನುಸೇತೀ’’ತಿ ಪದಂ ವಿಸೇಸೋ. ಸಾ ಚ ಲದ್ಧಿ ಅನ್ಧಕಾನಞ್ಚೇವ ಸಮ್ಮಿತಿಯಾನಞ್ಚ. ಅಯಂ ಅನ್ಧಕಾನಂಯೇವಾತಿ.

ರೂಪರಾಗೋ ರೂಪಧಾತುಪರಿಯಾಪನ್ನೋ ಅರೂಪರಾಗೋ ಅರೂಪಧಾತುಪರಿಯಾಪನ್ನೋತಿಕಥಾವಣ್ಣನಾ.

ರೂಪಾರೂಪಧಾತುಪರಿಯಾಪನ್ನಕಥಾವಣ್ಣನಾ.

ಸೋಳಸಮೋ ವಗ್ಗೋ.