೧-೩. ತಿಸ್ಸೋಪಿ ಅನುಸಯಕಥಾವಣ್ಣನಾ

೬೦೫-೬೧೩. ಇದಾನಿ ಅನುಸಯಾ ಅಬ್ಯಾಕತಾ, ಅಹೇತುಕಾ, ಚಿತ್ತವಿಪ್ಪಯುತ್ತಾತಿ ತಿಸ್ಸೋಪಿ ಅನುಸಯಕಥಾ ನಾಮ ಹೋನ್ತಿ. ತತ್ಥ ಯಸ್ಮಾ ಪುಥುಜ್ಜನೋ ಕುಸಲಾಬ್ಯಾಕತೇ ಚಿತ್ತೇ ವತ್ತಮಾನೇ ‘‘ಸಾನುಸಯೋ’’ತಿ ವತ್ತಬ್ಬೋ, ಯೋ ಚಸ್ಸ ತಸ್ಮಿಂ ಖಣೇ ಹೇತು, ನ ತೇನ ಹೇತುನಾ ಅನುಸಯಾ ಸಹೇತುಕಾ, ನ ತೇನ ಚಿತ್ತೇನ ಸಮ್ಪಯುತ್ತಾ, ತಸ್ಮಾ ‘‘ತೇ ಅಬ್ಯಾಕತಾ, ಅಹೇತುಕಾ, ಚಿತ್ತವಿಪ್ಪಯುತ್ತಾ’’ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಮಹಾಸಂಘಿಕಾನಞ್ಚೇವ ಸಮ್ಮಿತಿಯಾನಞ್ಚ; ತೇ ಸನ್ಧಾಯ ತೀಸುಪಿ ಕಥಾಸು ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ. ಸೇಸಂ ಹೇಟ್ಠಾ ವುತ್ತನಯತ್ತಾ ಸಕ್ಕಾ ಪಾಳಿಮಗ್ಗೇನೇವ ಜಾನಿತುನ್ತಿ, ತಸ್ಮಾ ನ ವಿತ್ಥಾರಿತನ್ತಿ.

ತಿಸ್ಸೋಪಿ ಅನುಸಯಕಥಾವಣ್ಣನಾ.