೩-೯. ಮರಣಸ್ಸತಿಸುತ್ತದ್ವಯಾದಿವಣ್ಣನಾ

೭೩-೭೯. ತತಿಯೇ ಭಾವೇಥ ನೋತಿ ಭಾವೇಥ ನು. ಸಾಸನನ್ತಿ ಅನುಸಿಟ್ಠಿ. ಆಸವಾನಂ ಖಯಾಯಾತಿ ಅರಹತ್ತಫಲತ್ಥಾಯ. ಚತುತ್ಥೇ ಪತಿಹಿತಾಯಾತಿ ಪಟಿಪನ್ನಾಯ. ಸೋ ಮಮಸ್ಸ ಅನ್ತರಾಯೋತಿ ಸೋ ಮಮ ಜೀವಿತನ್ತರಾಯೋಪಿ, ಪುಥುಜ್ಜನಕಾಲಕಿರಿಯಂ ಕರೋನ್ತಸ್ಸ ಸಗ್ಗನ್ತರಾಯೋಪಿ ಮಗ್ಗನ್ತರಾಯೋಪಿ ಅಸ್ಸ. ಸತ್ಥಕಾ ವಾ ಮೇ ವಾತಾತಿ ಸತ್ಥಂ ವಿಯ ಅಙ್ಗಮಙ್ಗಾನಿ ಕನ್ತನ್ತೀತಿ ಸತ್ಥಕಾ. ಪಞ್ಚಮಾದೀನಿ ವುತ್ತನಯಾನೇವ. ನವಮೇ ಸಂಸಗ್ಗಾರಾಮತಾತಿ ಪಞ್ಚವಿಧೇ ಸಂಸಗ್ಗೇ ಆರಾಮತಾ.