೯. ಚಙ್ಕಮಸುತ್ತವಣ್ಣನಾ

೨೯. ನವಮೇ ಅದ್ಧಾನಕ್ಖಮೋ ಹೋತೀತಿ ದೂರಂ ಅದ್ಧಾನಮಗ್ಗಂ ಗಚ್ಛನ್ತೋ ಖಮತಿ, ಅಧಿವಾಸೇತುಂ ಸಕ್ಕೋತಿ. ಪಧಾನಕ್ಖಮೋತಿ ವೀರಿಯಕ್ಖಮೋ. ಚಙ್ಕಮಾಧಿಗತೋ ಸಮಾಧೀತಿ ಚಙ್ಕಮಂ ಅಧಿಟ್ಠಹನ್ತೇನ ಅಧಿಗತೋ ಅಟ್ಠನ್ನಂ ಸಮಾಪತ್ತೀನಂ ಅಞ್ಞತರಸಮಾಧಿ. ಚಿರಟ್ಠಿತಿಕೋ ಹೋತೀತಿ ಚಿರಂ ತಿಟ್ಠತಿ. ಠಿತಕೇನ ಗಹಿತನಿಮಿತ್ತಞ್ಹಿ ನಿಸಿನ್ನಸ್ಸ ನಸ್ಸತಿ, ನಿಸಿನ್ನೇನ ಗಹಿತನಿಮಿತ್ತಂ ನಿಪನ್ನಸ್ಸ. ಚಙ್ಕಮಂ ಅಧಿಟ್ಠಹನ್ತೇನ ಚಲಿತಾರಮ್ಮಣೇ ಗಹಿತನಿಮಿತ್ತಂ ಪನ ಠಿತಸ್ಸಪಿ ನಿಸಿನ್ನಸ್ಸಪಿ ನಿಪನ್ನಸ್ಸಪಿ ನ ನಸ್ಸತೀತಿ.