೫. ಸೇಕ್ಖಸುತ್ತವಣ್ಣನಾ

೮೬. ಪಞ್ಚಮೇ ಉಜುಮಗ್ಗಾನುಸಾರಿನೋತಿ ಉಜುಮಗ್ಗೋ ವುಚ್ಚತಿ ಅರಿಯಮಗ್ಗೋ, ತಂ ಅನುಸ್ಸರನ್ತಸ್ಸ ಪಟಿಪನ್ನಕಸ್ಸಾತಿ ಅತ್ಥೋ. ಖಯಸ್ಮಿಂ ಪಠಮಂ ಞಾಣನ್ತಿ ಪಠಮಮೇವ ಮಗ್ಗಞಾಣಂ ಉಪ್ಪಜ್ಜತಿ. ಮಗ್ಗೋ ಹಿ ಕಿಲೇಸಾನಂ ಖೇಪನತೋ ಖಯೋ ನಾಮ, ತಂಸಮ್ಪಯುತ್ತಂ ಞಾಣಂ ಖಯಸ್ಮಿಂ ಞಾಣಂ ನಾಮ. ತತೋ ಅಞ್ಞಾ ಅನನ್ತರಾತಿ ತತೋ ಚತುತ್ಥಮಗ್ಗಞಾಣತೋ ಅನನ್ತರಾ ಅಞ್ಞಾ ಉಪ್ಪಜ್ಜತಿ, ಅರಹತ್ತಫಲಂ ಉಪ್ಪಜ್ಜತೀತಿ ಅತ್ಥೋ. ಅಞ್ಞಾವಿಮುತ್ತಸ್ಸಾತಿ ಅರಹತ್ತಫಲವಿಮುತ್ತಿಯಾ ವಿಮುತ್ತಸ್ಸ. ಞಾಣಂ ವೇ ಹೋತೀತಿ ಪಚ್ಚವೇಕ್ಖಣಞಾಣಂ ಹೋತಿ. ಇತಿ ಸುತ್ತೇಪಿ ಗಾಥಾಸುಪಿ ಸತ್ತ ಸೇಖಾ ಕಥಿತಾ. ಅವಸಾನೇ ಪನ ಖೀಣಾಸವೋ ದಸ್ಸಿತೋತಿ.