(೮) ೩. ಸನಿಮಿತ್ತವಗ್ಗವಣ್ಣನಾ

೭೮-೭೯. ತತಿಯಸ್ಸ ಪಠಮೇ ಸನಿಮಿತ್ತಾತಿ ಸಕಾರಣಾ. ದುತಿಯಾದೀಸುಪಿ ಏಸೇವ ನಯೋ. ನಿದಾನಂ ಹೇತು ಸಙ್ಖಾರೋ ಪಚ್ಚಯೋ ರೂಪನ್ತಿ ಸಬ್ಬಾನಿಪಿ ಹಿ ಏತಾನಿ ಕಾರಣವೇವಚನಾನೇವ.

೮೪. ಸತ್ತಮೇ ಸವೇದನಾತಿ ಪಚ್ಚಯಭೂತಾಯ ಸಮ್ಪಯುತ್ತವೇದನಾಯ ಸತಿಯೇವ ಉಪ್ಪಜ್ಜನ್ತಿ, ನಾಸತೀತಿ ಅತ್ಥೋ. ಅಟ್ಠಮನವಮೇಸುಪಿ ಏಸೇವ ನಯೋ.

೮೭. ದಸಮೇ ಸಙ್ಖತಾರಮ್ಮಣಾತಿ ಪಚ್ಚಯನಿಬ್ಬತ್ತಂ ಸಙ್ಖತಧಮ್ಮಂ ಆರಮ್ಮಣಂ ಕತ್ವಾವ ಉಪ್ಪಜ್ಜನ್ತಿ. ನೋ ಅಸಙ್ಖತಾರಮ್ಮಣಾತಿ ಅಸಙ್ಖತಂ ಪನ ನಿಬ್ಬಾನಂ ಆರಬ್ಭ ನ ಉಪ್ಪಜ್ಜನ್ತಿ. ನ ಹೋನ್ತೀತಿ ಮಗ್ಗಕ್ಖಣೇ ನ ಹೋನ್ತಿ ನಾಮ, ಫಲೇ ಪತ್ತೇ ನಾಹೇಸುನ್ತಿ. ಏವಮೇತೇಸು ದಸಸುಪಿ ಠಾನೇಸು ಯಾವ ಅರಹತ್ತಾ ದೇಸನಾ ದೇಸಿತಾತಿ.

ಸನಿಮಿತ್ತವಗ್ಗೋ ತತಿಯೋ.