೩. ಸುದ್ಧಧಾತುವಾರೋ

(ಕ) ಅನುಲೋಮಂ

೧೪. (ಕ) ಚಕ್ಖು ಧಾತೂತಿ? ಆಮನ್ತಾ.

(ಖ) ಧಾತೂ ಚಕ್ಖುಧಾತೂತಿ?

ಚಕ್ಖುಧಾತು ಧಾತು ಚೇವ ಚಕ್ಖುಧಾತು ಚ. ಅವಸೇಸಾ ಧಾತೂ ನ ಚಕ್ಖುಧಾತು.

ಸೋತಂ ಧಾತೂತಿ? ಆಮನ್ತಾ.

ಘಾನಂ…ಪೇ… ಜಿವ್ಹಾ… ಕಾಯೋ… ರೂಪಂ… ಸದ್ದೋ… ಗನ್ಧೋ… ರಸೋ… ಫೋಟ್ಠಬ್ಬೋ….

(ಕ) ಚಕ್ಖುವಿಞ್ಞಾಣಂ ಧಾತೂತಿ? ಆಮನ್ತಾ.

(ಖ) ಧಾತೂ ಚಕ್ಖುವಿಞ್ಞಾಣಧಾತೂತಿ?

ಚಕ್ಖುವಿಞ್ಞಾಣಧಾತು ಧಾತು ಚೇವ ಚಕ್ಖುವಿಞ್ಞಾಣಧಾತು ಚ. ಅವಸೇಸಾ ಧಾತೂ ನ ಚಕ್ಖುವಿಞ್ಞಾಣಧಾತು. ಸೋತವಿಞ್ಞಾಣಂ…ಪೇ… ಘಾನವಿಞ್ಞಾಣಂ… ಜಿವ್ಹಾವಿಞ್ಞಾಣಂ… ಕಾಯವಿಞ್ಞಾಣಂ….

(ಕ) ಮನೋ ಧಾತೂತಿ? ಆಮನ್ತಾ.

(ಖ) ಧಾತೂ ಮನೋಧಾತೂತಿ?

ಮನೋಧಾತು ಧಾತು ಚೇವ ಮನೋಧಾತು ಚ. ಅವಸೇಸಾ ಧಾತೂ ನ ಮನೋಧಾತು.

(ಕ) ಮನೋವಿಞ್ಞಾಣಂ ಧಾತೂತಿ? ಆಮನ್ತಾ.

(ಖ) ಧಾತೂ ಮನೋವಿಞ್ಞಾಣಧಾತೂತಿ?

ಮನೋವಿಞ್ಞಾಣಧಾತು ಧಾತು ಚೇವ ಮನೋವಿಞ್ಞಾಣಧಾತು ಚ. ಅವಸೇಸಾ ಧಾತೂ ನ ಮನೋವಿಞ್ಞಾಣಧಾತು.

(ಕ) ಧಮ್ಮೋ ಧಾತೂತಿ? ಆಮನ್ತಾ.

(ಖ) ಧಾತೂ ಧಮ್ಮಧಾತೂತಿ?

ಧಮ್ಮಧಾತು ಧಾತು ಚೇವ ಧಮ್ಮಧಾತು ಚ. ಅವಸೇಸಾ ಧಾತೂ ನ ಧಮ್ಮಧಾತು.

(ಖ) ಪಚ್ಚನೀಕಂ

೧೫. (ಕ) ನ ಚಕ್ಖು ನ ಧಾತೂತಿ?

ಚಕ್ಖುಂ ಠಪೇತ್ವಾ ಅವಸೇಸಾ ಧಾತೂ ನ ಚಕ್ಖು, ಧಾತು. ಚಕ್ಖುಞ್ಚ ಧಾತುಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಕ್ಖು ನ ಚ ಧಾತೂ.

(ಖ) ನ ಧಾತೂ ನ ಚಕ್ಖೂತಿ? ಆಮನ್ತಾ.

ನ ಸೋತಂ ನ ಧಾತೂತಿ?

ಸೋತಂ ಠಪೇತ್ವಾ…ಪೇ… ಘಾನಂ ಠಪೇತ್ವಾ…ಪೇ… ಜಿವ್ಹ ಠಪೇತ್ವಾ…ಪೇ….

(ಕ) ನ ಕಾಯೋ ನ ಧಾತೂತಿ? ಆಮನ್ತಾ.

(ಖ) ನ ಧಾತೂ ನ ಕಾಯಧಾತೂತಿ? ಆಮನ್ತಾ.

ನ ರೂಪಂ ನ ಧಾತೂತಿ?

ರೂಪಂ ಠಪೇತ್ವಾ…ಪೇ… ಸದ್ದಂ… ಗನ್ಧಂ… ರಸಂ… ಫೋಟ್ಠಬ್ಬಂ… ಚಕ್ಖುವಿಞ್ಞಾಣಂ…ಪೇ… ಮನೋವಿಞ್ಞಾಣಂ ಠಪೇತ್ವಾ…ಪೇ….

(ಕ) ನ ಧಮ್ಮೋ ನ ಧಾತೂತಿ? ಆಮನ್ತಾ.

(ಖ) ನ ಧಾತೂ ನ ಧಮ್ಮಧಾತೂತಿ? ಆಮನ್ತಾ.