೪. ಸುದ್ಧಧಾತುಮೂಲಚಕ್ಕವಾರೋ

(ಕ) ಅನುಲೋಮಂ

೧೬. (ಕ) ಚಕ್ಖು ಧಾತೂತಿ? ಆಮನ್ತಾ.

(ಖ) ಧಾತೂ ಸೋತಧಾತೂತಿ?

ಸೋತಧಾತು ಧಾತು ಚೇವ ಸೋತಧಾತು ಚ. ಅವಸೇಸಾ ಧಾತೂ ನ ಸೋತಧಾತು.

ಚಕ್ಖು ಧಾತೂತಿ? ಆಮನ್ತಾ.

ಧಾತೂ ಘಾನಧಾತು…ಪೇ… ಧಾತೂ ಧಮ್ಮಧಾತೂತಿ?

ಧಮ್ಮಧಾತು ಧಾತು ಚೇವ ಧಮ್ಮಧಾತು ಚ. ಅವಸೇಸಾ ಧಾತೂ ನ ಧಮ್ಮಧಾತು. (ಚಕ್ಕಂ ಬನ್ಧಿತಬ್ಬಂ).

(ಖ) ಪಚ್ಚನೀಕಂ

೧೭. (ಕ) ನ ಚಕ್ಖು ನ ಧಾತೂತಿ?

ಚಕ್ಖುಂ ಠಪೇತ್ವಾ ಅವಸೇಸಾ ಧಾತೂ ನ ಚಕ್ಖುಧಾತು. ಚಕ್ಖುಞ್ಚ ಧಾತುಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಕ್ಖು ನ ಚ ಧಾತು.

(ಖ) ನ ಧಾತೂ ನ ಸೋತಧಾತೂತಿ? ಆಮನ್ತಾ.

ನ ಚಕ್ಖು ನ ಧಾತೂತಿ?

ಚಕ್ಖುಂ ಠಪೇತ್ವಾ ಅವಸೇಸಾ ಧಾತೂ ನ ಚಕ್ಖು, ಧಾತು. ಚಕ್ಖು ಚ ಧಾತುಞ್ಚ ಠಪೇತ್ವಾ ಅವಸೇಸಾ ನ ಚೇವ ಚಕ್ಖು ನ ಚ ಧಾತು. ನ ಧಾತೂ ನ ಘಾನಧಾತು…ಪೇ… ನ ಧಾತೂ ನ ಧಮ್ಮಧಾತೂತಿ? ಆಮನ್ತಾ.

(ಕ) ನ ಧಮ್ಮೋ ನ ಧಾತೂತಿ? ಆಮನ್ತಾ.

(ಖ) ನ ಧಾತೂ ನ ಚಕ್ಖುಧಾತೂತಿ? ಆಮನ್ತಾ.

ನ ಧಮ್ಮೋ ನ ಧಾತೂತಿ? ಆಮನ್ತಾ.

ನ ಧಾತೂ ನ ಸೋತಧಾತು…ಪೇ… ನ ಧಾತೂ ನ ಮನೋವಿಞ್ಞಾಣಧಾತೂತಿ? ಆಮನ್ತಾ. (ಚಕ್ಕಂ ಬನ್ಧಿತಬ್ಬಂ).

(ಯಥಾ ಆಯತನಯಮಕಸ್ಸ ಪಣ್ಣತ್ತಿ ಏವಂ ಧಾತುಯಮಕಸ್ಸ ಪಣ್ಣತ್ತಿ ವಿತ್ಥಾರೇತಬ್ಬಾ)

ಪಣ್ಣತ್ತಿನಿದ್ದೇಸವಾರೋ.