೪. ಧಾತುಯಮಕಂ

೧. ಪಣ್ಣತ್ತಿವಾರೋ

(ಕ) ಉದ್ದೇಸೋ

೧. ಅಟ್ಠಾರಸ ಧಾತುಯೋ – ಚಕ್ಖುಧಾತು, ಸೋತಧಾತು, ಘಾನಧಾತು, ಜಿವ್ಹಾಧಾತು, ಕಾಯಧಾತು, ರೂಪಧಾತು, ಸದ್ದಧಾತು, ಗನ್ಧಧಾತು, ರಸಧಾತು, ಫೋಟ್ಠಬ್ಬಧಾತು, ಚಕ್ಖುವಿಞ್ಞಾಣಧಾತು, ಸೋತವಿಞ್ಞಾಣಧಾತು, ಘಾನವಿಞ್ಞಾಣಧಾತು, ಜಿವ್ಹಾವಿಞ್ಞಾಣಧಾತು, ಕಾಯವಿಞ್ಞಾಣಧಾತು, ಮನೋಧಾತು, ಮನೋವಿಞ್ಞಾಣಧಾತು, ಧಮ್ಮಧಾತು.

೧. ಪದಸೋಧನವಾರೋ

(ಕ) ಅನುಲೋಮಂ

೨. (ಕ) ಚಕ್ಖು ಚಕ್ಖುಧಾತು?

(ಖ) ಚಕ್ಖುಧಾತು ಚಕ್ಖು?

(ಕ) ಸೋತಂ ಸೋತಧಾತು?

(ಖ) ಸೋತಧಾತು ಸೋತಂ?…ಪೇ…

(ಕ) ಚಕ್ಖುವಿಞ್ಞಾಣಂ ಚಕ್ಖುವಿಞ್ಞಾಣಧಾತು?

(ಖ) ಚಕ್ಖುವಿಞ್ಞಾಣಧಾತು ಚಕ್ಖುವಿಞ್ಞಾಣಂ?…ಪೇ…

(ಕ) ಮನೋ ಮನೋಧಾತು?

(ಖ) ಮನೋಧಾತು ಮನೋ?

(ಕ) ಮನೋವಿಞ್ಞಾಣಂ ಮನೋವಿಞ್ಞಾಣಧಾತು?

(ಖ) ಮನೋವಿಞ್ಞಾಣಧಾತು ಮನೋವಿಞ್ಞಾಣಂ?

(ಕ) ಧಮ್ಮೋ ಧಮ್ಮಧಾತು?

(ಖ) ಧಮ್ಮಧಾತು ಧಮ್ಮೋ?

(ಖ) ಪಚ್ಚನೀಕಂ

೩. (ಕ) ನ ಚಕ್ಖು ನ ಚಕ್ಖುಧಾತು?

(ಖ) ನ ಚಕ್ಖುಧಾತು ನ ಚಕ್ಖು?

(ಕ) ನ ಸೋತಂ ನ ಸೋತಧಾತು?

(ಖ) ನ ಸೋತಧಾತು ನ ಸೋತಂ?…ಪೇ…

(ಕ) ನ ಚಕ್ಖುವಿಞ್ಞಾಣಂ ನ ಚಕ್ಖುವಿಞ್ಞಾಣಧಾತು?

(ಖ) ನ ಚಕ್ಖುವಿಞ್ಞಾಣಧಾತು ನ ಚಕ್ಖುವಿಞ್ಞಾಣಂ?…ಪೇ…

(ಕ) ನ ಮನೋ ನ ಮನೋಧಾತು?

(ಖ) ನ ಮನೋಧಾತು ನ ಮನೋ?

(ಕ) ನ ಮನೋವಿಞ್ಞಾಣಂ ನ ಮನೋವಿಞ್ಞಾಣಧಾತು?

(ಖ) ನ ಮನೋವಿಞ್ಞಾಣಧಾತು ನ ಮನೋವಿಞ್ಞಾಣಂ?

(ಕ) ನ ಧಮ್ಮೋ ನ ಧಮ್ಮಧಾತು?

(ಖ) ನ ಧಮ್ಮಧಾತು ನ ಧಮ್ಮೋ?

೨. ಪದಸೋಧನಮೂಲಚಕ್ಕವಾರೋ

(ಕ) ಅನುಲೋಮಂ

೪. (ಕ) ಚಕ್ಖು ಚಕ್ಖುಧಾತು?

(ಖ) ಧಾತೂ [ಧಾತು (ಸೀ. ಕ.) ಅಞ್ಞೇಹಿ ಯಮಕೇಹಿ ಸಂಸನ್ದಿತಬ್ಬಂ] ಸೋತಧಾತು?…ಪೇ…

(ಕ) ಚಕ್ಖು ಚಕ್ಖುಧಾತು?

(ಖ) ಧಾತೂ ಧಮ್ಮಧಾತು?

(ಯಥಾ ಆಯತನಯಮಕೇ ಚಕ್ಕಂ ಬನ್ಧಿತಂ ಏವಮಿಧ ಚಕ್ಕಂ ಬನ್ಧಿತಬ್ಬಂ.)

(ಖ) ಪಚ್ಚನೀಕಂ

೫. (ಕ) ನ ಚಕ್ಖು ನ ಚಕ್ಖುಧಾತು?

(ಖ) ನ ಧಾತೂ ನ ಸೋತಧಾತು?

(ಕ) ನ ಚಕ್ಖು ನ ಚಕ್ಖುಧಾತು?

(ಖ) ನ ಧಾತೂ ನ ಘಾನಧಾತು?…ಪೇ…

(ಕ) ನ ಚಕ್ಖು ನ ಚಕ್ಖುಧಾತು?

(ಖ) ನ ಧಾತೂ ನ ಧಮ್ಮಧಾತು?…ಪೇ…

(ಕ) ನ ಧಮ್ಮೋ ನ ಧಮ್ಮಧಾತು?

(ಖ) ನ ಧಾತೂ ನ ಚಕ್ಖುಧಾತು?…ಪೇ…

(ಕ) ನ ಧಮ್ಮೋ ನ ಧಮ್ಮಧಾತು?

(ಖ) ನ ಧಾತೂ ನ ಮನೋವಿಞ್ಞಾಣಧಾತು? (ಚಕ್ಕಂ ಬನ್ಧಿತಬ್ಬಂ).

೩. ಸುದ್ಧಧಾತುವಾರೋ

(ಕ) ಅನುಲೋಮಂ

೬. (ಕ) ಚಕ್ಖು ಧಾತು?

(ಖ) ಧಾತೂ ಚಕ್ಖು?

(ಕ) ಸೋತಂ ಧಾತು?

(ಖ) ಧಾತೂ ಸೋತಂ?

ಘಾನಂ ಧಾತು?…ಪೇ… ಜಿವ್ಹಾ ಧಾತು?… ಕಾಯೋ ಧಾತು?… ರೂಪಂ ಧಾತು?… ಸದ್ದೋ ಧಾತು?… ಗನ್ಧೋ ಧಾತು?… ರಸೋ ಧಾತು?… ಫೋಟ್ಠಬ್ಬೋ ಧಾತು?…

(ಕ) ಚಕ್ಖುವಿಞ್ಞಾಣಂ ಧಾತು?

(ಖ) ಧಾತೂ ಚಕ್ಖುವಿಞ್ಞಾಣಂ?

(ಕ) ಸೋತವಿಞ್ಞಾಣಂ ಧಾತು?

(ಖ) ಧಾತೂ ಸೋತವಿಞ್ಞಾಣಂ?

… ಘಾನವಿಞ್ಞಾಣಂ?…ಪೇ… ಜಿವ್ಹಾವಿಞ್ಞಾಣಂ?… ಕಾಯವಿಞ್ಞಾಣಂ?

(ಕ) ಮನೋ ಧಾತು?

(ಖ) ಧಾತೂ ಮನೋ?

(ಕ) ಮನೋವಿಞ್ಞಾಣಂ ಧಾತು?

(ಖ) ಧಾತೂ ಮನೋವಿಞ್ಞಾಣಂ?

(ಕ) ಧಮ್ಮೋ ಧಾತು?

(ಖ) ಧಾತೂ ಧಮ್ಮೋ?

(ಖ) ಪಚ್ಚನೀಕಂ

೭. (ಕ) ನ ಚಕ್ಖು ನ ಧಾತು?

(ಖ) ನ ಧಾತೂ ನ ಚಕ್ಖು?

(ಕ) ನ ಸೋತಂ ನ ಧಾತು?

(ಖ) ನ ಧಾತೂ ನ ಸೋತಂ?

… ನ ಘಾನಂ?… ನ ಜಿವ್ಹಾ?… ನ ಕಾಯೋ?… ನ ರೂಪಂ? … ನ ಸದ್ದೋ?… ನ ಗನ್ಧೋ?… ನ ರಸೋ?… ನ ಫೋಟ್ಠಬ್ಬೋ?

(ಕ) ನ ಚಕ್ಖುವಿಞ್ಞಾಣಂ ನ ಧಾತು?

(ಖ) ನ ಧಾತೂ ನ ಚಕ್ಖುವಿಞ್ಞಾಣಂ?

… ನ ಸೋತವಿಞ್ಞಾಣಂ?…ಪೇ… ನ ಘಾನವಿಞ್ಞಾಣಂ?… ನ ಜಿವ್ಹಾವಿಞ್ಞಾಣಂ?

(ಕ) ನ ಕಾಯವಿಞ್ಞಾಣಂ ನ ಧಾತು?

(ಖ) ನ ಧಾತೂ ನ ಕಾಯವಿಞ್ಞಾಣಂ?

(ಕ) ನ ಮನೋ ನ ಧಾತು?

(ಖ) ನ ಧಾತೂ ನ ಮನೋ?

(ಕ) ನ ಮನೋವಿಞ್ಞಾಣಂ ನ ಧಾತು?

(ಖ) ನ ಧಾತೂ ನ ಮನೋವಿಞ್ಞಾಣಂ?

(ಕ) ನ ಧಮ್ಮೋ ನ ಧಾತು?

(ಖ) ನ ಧಾತೂ ನ ಧಮ್ಮೋ?

೪. ಸುದ್ಧಧಾತುಮೂಲಚಕ್ಕವಾರೋ

(ಕ) ಅನುಲೋಮಂ

೮. (ಕ) ಚಕ್ಖು ಧಾತು?

(ಖ) ಧಾತೂ ಸೋತಂ?…ಪೇ…

(ಕ) ಚಕ್ಖು ಧಾತು?

(ಖ) ಧಾತೂ ಧಮ್ಮೋ?…ಪೇ…

(ಕ) ಧಮ್ಮೋ ಧಾತು?

(ಖ) ಧಾತೂ ಚಕ್ಖು?…ಪೇ…

(ಕ) ಧಮ್ಮೋ ಧಾತು?

(ಖ) ಧಾತೂ ಮನೋವಿಞ್ಞಾಣಂ? (ಚಕ್ಕಂ ಬನ್ಧಿತಬ್ಬಂ).

(ಖ) ಪಚ್ಚನೀಕಂ

೯. (ಕ) ನ ಚಕ್ಖು ನ ಧಾತು?

(ಖ) ನ ಧಾತೂ ನ ಸೋತಂ?

(ಕ) ನ ಚಕ್ಖು ನ ಧಾತು?

(ಖ) ನ ಧಾತೂ ನ ಘಾನಂ?…ಪೇ….

(ಕ) ನ ಚಕ್ಖು ನ ಧಾತು?

(ಖ) ನ ಧಾತೂ ನ ಧಮ್ಮೋ?…ಪೇ…

(ಕ) ನ ಧಮ್ಮೋ ನ ಧಾತು?

(ಖ) ನ ಧಾತೂ ನ ಚಕ್ಖು?…ಪೇ…

(ಕ) ನ ಧಮ್ಮೋ ನ ಧಾತು?

(ಖ) ನ ಧಾತೂ ನ ಮನೋವಿಞ್ಞಾಣಂ? (ಚಕ್ಕಂ ಬನ್ಧಿತಬ್ಬಂ).

ಪಣ್ಣತ್ತಿಉದ್ದೇಸವಾರೋ.

(ಖ) ನಿದ್ದೇಸೋ

೧. ಪದಸೋಧನವಾರೋ

(ಕ) ಅನುಲೋಮಂ

೧೦. (ಕ) ಚಕ್ಖು ಚಕ್ಖುಧಾತೂತಿ?

ದಿಬ್ಬಚಕ್ಖು ಪಞ್ಞಾಚಕ್ಖು ಚಕ್ಖು, ನ ಚಕ್ಖುಧಾತು. ಚಕ್ಖುಧಾತು ಚಕ್ಖು ಚೇವ ಚಕ್ಖುಧಾತು ಚ.

(ಖ) ಚಕ್ಖುಧಾತು ಚಕ್ಖೂತಿ? ಆಮನ್ತಾ.

(ಕ) ಸೋತಂ ಸೋತಧಾತೂತಿ?

ದಿಬ್ಬಸೋತಂ ತಣ್ಹಾಸೋತಂ ಸೋತಂ, ನ ಸೋತಧಾತು. ಸೋತಧಾತು ಸೋತಞ್ಚೇವ ಸೋತಧಾತು ಚ.

(ಖ) ಸೋತಧಾತು ಸೋತನ್ತಿ? ಆಮನ್ತಾ.

(ಕ) ಘಾನಂ ಘಾನಧಾತೂತಿ? ಆಮನ್ತಾ.

(ಖ) ಘಾನಧಾತು ಘಾನನ್ತಿ? ಆಮನ್ತಾ. (ಜಿವ್ಹಾಪಿ ಘಾನಧಾತುಸದಿಸಾ).

(ಕ) ಕಾಯೋ ಕಾಯಧಾತೂತಿ?

ಕಾಯಧಾತುಂ ಠಪೇತ್ವಾ ಅವಸೇಸೋ ಕಾಯೋ [ಅವಸೇಸೋ ಕಾಯೋ ಕಾಯೋ (ಸ್ಯಾ.)], ನ ಕಾಯಧಾತು. ಕಾಯಧಾತು ಕಾಯೋ ಚೇವ ಕಾಯಧಾತು ಚ.

(ಖ) ಕಾಯಧಾತು ಕಾಯೋತಿ? ಆಮನ್ತಾ.

(ಕ) ರೂಪಂ ರೂಪಧಾತೂತಿ?

ರೂಪಧಾತುಂ ಠಪೇತ್ವಾ ಅವಸೇಸಂ ರೂಪಂ, ನ ರೂಪಧಾತು. ರೂಪಧಾತು ರೂಪಞ್ಚೇವ ರೂಪಧಾತು ಚ.

(ಖ) ರೂಪಧಾತು ರೂಪನ್ತಿ? ಆಮನ್ತಾ. (ಸದ್ದೋ ಘಾನಸದಿಸೋ).

(ಕ) ಗನ್ಧೋ ಗನ್ಧಧಾತೂತಿ?

ಸೀಲಗನ್ಧೋ ಸಮಾಧಿಗನ್ಧೋ ಪಞ್ಞಾಗನ್ಧೋ ಗನ್ಧೋ, ನ ಗನ್ಧಧಾತು. ಗನ್ಧಧಾತು ಗನ್ಧೋ ಚೇವ ಗನ್ಧಧಾತು ಚ.

(ಖ) ಗನ್ಧಧಾತು ಗನ್ಧೋತಿ? ಆಮನ್ತಾ.

(ಕ) ರಸೋ ರಸಧಾತೂತಿ?

ಅತ್ಥರಸೋ ಧಮ್ಮರಸೋ ವಿಮುತ್ತಿರಸೋ ರಸೋ, ನ ರಸಧಾತು. ರಸಧಾತು ರಸೋ ಚೇವ ರಸಧಾತು ಚ.

(ಖ) ರಸಧಾತು ರಸೋತಿ? ಆಮನ್ತಾ. (ಫೋಟ್ಠಬ್ಬೋ ಘಾನಸದಿಸೋ).

(ಕ) ಚಕ್ಖುವಿಞ್ಞಾಣಂ ಚಕ್ಖುವಿಞ್ಞಾಣಧಾತೂತಿ? ಆಮನ್ತಾ.

(ಖ) ಚಕ್ಖುವಿಞ್ಞಾಣಧಾತು ಚಕ್ಖುವಿಞ್ಞಾಣನ್ತಿ? ಆಮನ್ತಾ.

ಸೋತವಿಞ್ಞಾಣಂ…ಪೇ… ಘಾನವಿಞ್ಞಾಣಂ… ಜಿವ್ಹಾವಿಞ್ಞಾಣಂ… ಕಾಯವಿಞ್ಞಾಣಂ….

(ಕ) ಮನೋ ಮನೋಧಾತೂತಿ?

ಮನೋಧಾತುಂ ಠಪೇತ್ವಾ ಅವಸೇಸೋ ಮನೋ, ನ ಮನೋಧಾತು. ಮನೋಧಾತು ಮನೋ ಚೇವ ಮನೋಧಾತು ಚ.

(ಖ) ಮನೋಧಾತು ಮನೋತಿ? ಆಮನ್ತಾ.

(ಕ) ಮನೋವಿಞ್ಞಾಣಂ ಮನೋವಿಞ್ಞಾಣಧಾತೂತಿ? ಆಮನ್ತಾ.

(ಖ) ಮನೋವಿಞ್ಞಾಣಧಾತು ಮನೋವಿಞ್ಞಾಣನ್ತಿ? ಆಮನ್ತಾ.

(ಕ) ಧಮ್ಮೋ ಧಮ್ಮಧಾತೂತಿ?

ಧಮ್ಮಧಾತುಂ ಠಪೇತ್ವಾ ಅವಸೇಸೋ ಧಮ್ಮೋ, ನ ಧಮ್ಮಧಾತು. ಧಮ್ಮಧಾತು ಧಮ್ಮೋ ಚೇವ ಧಮ್ಮಧಾತು ಚ.

(ಖ) ಧಮ್ಮಧಾತು ಧಮ್ಮೋತಿ? ಆಮನ್ತಾ.

(ಖ) ಪಚ್ಚನೀಕಂ

೧೧. (ಕ) ನ ಚಕ್ಖು ನ ಚಕ್ಖುಧಾತೂತಿ? ಆಮನ್ತಾ.

(ಖ) ನ ಚಕ್ಖುಧಾತು ನ ಚಕ್ಖೂತಿ?

ದಿಬ್ಬಚಕ್ಖು ಪಞ್ಞಾಚಕ್ಖು ನ ಚಕ್ಖುಧಾತು, ಚಕ್ಖು. ಚಕ್ಖುಞ್ಚ ಚಕ್ಖುಧಾತುಞ್ಚ ಠಪೇತ್ವಾ ಅವಸೇಸಂ ನ ಚೇವ ಚಕ್ಖು ನ ಚ ಚಕ್ಖುಧಾತು.

(ಕ) ನ ಸೋತಂ ನ ಸೋತಧಾತೂತಿ? ಆಮನ್ತಾ.

(ಖ) ನ ಸೋತಧಾತು ನ ಸೋತನ್ತಿ?

ದಿಬ್ಬಸೋತಂ ತಣ್ಹಾಸೋತಂ ನ ಸೋತಧಾತು, ಸೋತಂ. ಸೋತಞ್ಚ ಸೋತಧಾತುಞ್ಚ ಠಪೇತ್ವಾ ಅವಸೇಸಂ ನ ಚೇವ ಸೋತಂ ನ ಚ ಸೋತಧಾತು.

(ಕ) ನ ಘಾನಂ ನ ಘಾನಧಾತೂತಿ? ಆಮನ್ತಾ.

(ಖ) ನ ಘಾನಧಾತು ನ ಘಾನನ್ತಿ? ಆಮನ್ತಾ.

ನ ಜಿವ್ಹಾ… (ಸಂಖಿತ್ತಂ [ಯಂ ಸಂಖಿತ್ತಂ (ಸ್ಯಾ.)], ಉಭತೋ ಆಮನ್ತಾ).