(೩) ತಿಸ್ಸೋ ಅಕುಸಲಸಞ್ಞಾ

೯೧೧. ತತ್ಥ ಕತಮಾ ತಿಸ್ಸೋ ಅಕುಸಲಸಞ್ಞಾ? ಕಾಮಸಞ್ಞಾ, ಬ್ಯಾಪಾದಸಞ್ಞಾ, ವಿಹಿಂಸಾಸಞ್ಞಾ.

(ಕ) ತತ್ಥ ಕತಮಾ ಕಾಮಸಞ್ಞಾ? ಕಾಮಪಟಿಸಂಯುತ್ತಾ ಸಞ್ಞಾ ಸಞ್ಜಾನನಾ ಸಞ್ಜಾನಿತತ್ತಂ – ಅಯಂ ವುಚ್ಚತಿ ‘‘ಕಾಮಸಞ್ಞಾ’’.

(ಖ) ತತ್ಥ ಕತಮಾ ಬ್ಯಾಪಾದಸಞ್ಞಾ? ಬ್ಯಾಪಾದಪಟಿಸಂಯುತ್ತಾ ಸಞ್ಞಾ ಸಞ್ಜಾನನಾ ಸಞ್ಜಾನಿತತ್ತಂ – ಅಯಂ ವುಚ್ಚತಿ ‘‘ಬ್ಯಾಪಾದಸಞ್ಞಾ’’.

(ಗ) ತತ್ಥ ಕತಮಾ ವಿಹಿಂಸಾಸಞ್ಞಾ? ವಿಹಿಂಸಾಪಟಿಸಂಯುತ್ತಾ ಸಞ್ಞಾ ಸಞ್ಜಾನನಾ ಸಞ್ಜಾನಿತತ್ತಂ – ಅಯಂ ವುಚ್ಚತಿ ‘‘ವಿಹಿಂಸಾಸಞ್ಞಾ’’. ಇಮಾ ತಿಸ್ಸೋ ಅಕುಸಲಸಞ್ಞಾ.