೨೨-೮೩. ಸನಿದಸ್ಸನತ್ತಿಕ-ಪಿಟ್ಠಿದುಕಂ

೯೦. ನಸನಿದಸ್ಸನಸಪ್ಪಟಿಘಂ ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ….

ಹೇತುಯಾ ತಿಂಸ, ಆರಮ್ಮಣೇ ನವ…ಪೇ… ಅಞ್ಞಮಞ್ಞೇ ಪಞ್ಚವೀಸ…ಪೇ… ಅವಿಗತೇ ತಿಂಸ. (ಪಿಟ್ಠಿದುಕಂ ವಿತ್ಥಾರೇತಬ್ಬಂ.)

೯೧. ನಸನಿದಸ್ಸನಸಪ್ಪಟಿಘಂ ನಸರಣಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಸರಣಂ ಧಮ್ಮಂ ಪಟಿಚ್ಚ ನಅನಿದಸ್ಸನಸಪ್ಪಟಿಘೋ ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಸರಣಂ ಧಮ್ಮಂ ಪಟಿಚ್ಚ ನಅನಿದಸ್ಸನಅಪ್ಪಟಿಘೋ ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…ಪೇ… ಛ.

ನಅನಿದಸ್ಸನಸಪ್ಪಟಿಘಂ ನಸರಣಂ ಧಮ್ಮಂ ಪಟಿಚ್ಚ ನಅನಿದಸ್ಸನಸಪ್ಪಟಿಘೋ ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನಿದಸ್ಸನಸಪ್ಪಟಿಘಂ ನಸರಣಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…ಪೇ… ಛ.

ನಅನಿದಸ್ಸನಅಪ್ಪಟಿಘಂ ನಸರಣಂ ಧಮ್ಮಂ ಪಟಿಚ್ಚ ನಅನಿದಸ್ಸನಅಪ್ಪಟಿಘೋ ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ.

ನಸನಿದಸ್ಸನಸಪ್ಪಟಿಘಂ ನಸರಣಞ್ಚ ನಅನಿದಸ್ಸನಅಪ್ಪಟಿಘಂ ನಸರಣಞ್ಚ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ.

ನಸನಿದಸ್ಸನಸಪ್ಪಟಿಘಂ ನಸರಣಞ್ಚ ನಅನಿದಸ್ಸನಸಪ್ಪಟಿಘಂ ನಸರಣಞ್ಚ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ.

ಹೇತುಯಾ ತಿಂಸ, ಆರಮ್ಮಣೇ ನವ…ಪೇ… ಅವಿಗತೇ ತಿಂಸ. (ಸಬ್ಬತ್ಥ ವಿತ್ಥಾರೋ.)

೯೨. ನಸನಿದಸ್ಸನಸಪ್ಪಟಿಘಂ ನಅರಣಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಅರಣಂ ಧಮ್ಮಂ ಪಟಿಚ್ಚ ನಅನಿದಸ್ಸನಸಪ್ಪಟಿಘೋ ನಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಅರಣಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಅರಣೋ ಚ ನಅನಿದಸ್ಸನಸಪ್ಪಟಿಘೋ ನಅರಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

೯೩. ನಅನಿದಸ್ಸನಸಪ್ಪಟಿಘಂ ನಅರಣಂ ಧಮ್ಮಂ ಪಟಿಚ್ಚ ನಅನಿದಸ್ಸನಸಪ್ಪಟಿಘೋ ನಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನಿದಸ್ಸನಸಪ್ಪಟಿಘಂ ನಅರಣಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನಿದಸ್ಸನಸಪ್ಪಟಿಘಂ ನಅರಣಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಅರಣೋ ಚ ನಅನಿದಸ್ಸನಸಪ್ಪಟಿಘೋ ನಅರಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

೯೪. ನಸನಿದಸ್ಸನಸಪ್ಪಟಿಘಂ ನಅರಣಞ್ಚ ನಅನಿದಸ್ಸನಸಪ್ಪಟಿಘಂ ನಅರಣಞ್ಚ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಅರಣಞ್ಚ ನಅನಿದಸ್ಸನಸಪ್ಪಟಿಘಂ ನಅರಣಞ್ಚ ಧಮ್ಮಂ ಪಟಿಚ್ಚ ನಅನಿದಸ್ಸನಸಪ್ಪಟಿಘೋ ನಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಅರಣಞ್ಚ ನಅನಿದಸ್ಸನಸಪ್ಪಟಿಘಂ ನಅರಣಞ್ಚ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಅರಣೋ ಚ ನಅನಿದಸ್ಸನಸಪ್ಪಟಿಘೋ ನಅರಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) (ಸಂಖಿತ್ತಂ.)

ಹೇತುಯಾ ನವ, ಆರಮ್ಮಣೇ ನವ…ಪೇ… ಅವಿಗತೇ ನವ. (ಸಹಜಾತವಾರೇಪಿ ಪಚ್ಚಯವಾರೇಪಿ ನಿಸ್ಸಯವಾರೇಪಿ ಸಂಸಟ್ಠವಾರೇಪಿ ಸಮ್ಪಯುತ್ತವಾರೇಪಿ ಸಬ್ಬತ್ಥ ನವ.)

ಧಮ್ಮಪಚ್ಚನೀಯೇ ತಿಕದುಕಪಟ್ಠಾನಂ ನಿಟ್ಠಿತಂ.