ಧಮ್ಮಪಚ್ಚನೀಯೇ ತಿಕತಿಕಪಟ್ಠಾನಂ

೧-೧. ಕುಸಲತ್ತಿಕ-ವೇದನಾತ್ತಿಕಂ

೧-೭. ಪಟಿಚ್ಚವಾರಾದಿ

ಹೇತುಪಚ್ಚಯೋ

೧. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

೨. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

೩. ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೬)

೪. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

೫. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಬ್ಯಾಕತೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

೬. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಕುಸಲಂ ನಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ನಅಕುಸಲೋ ನಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) (ಸಂಖಿತ್ತಂ.)

ಹೇತುಯಾ ಏಕೂನತಿಂಸ, ಆರಮ್ಮಣೇ ಚತುವೀಸ…ಪೇ… ಅವಿಗತೇ ಏಕೂನತಿಂಸ. (ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ವಿತ್ಥಾರೋ.)

ದುಕ್ಖಾಯವೇದನಾಯಸಮ್ಪಯುತ್ತಪದಂ

ಹೇತುಪಚ್ಚಯೋ

೭. ನಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಚ ನಅಬ್ಯಾಕತೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಚ ನಅಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

ನಅಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಅಬ್ಯಾಕತಂ ನದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ.

ನಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನದುಕ್ಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಅಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನದುಕ್ಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಞ್ಚ ನಅಕುಸಲಂ ನದುಕ್ಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. (ಸಂಖಿತ್ತಂ.)

ಹೇತುಯಾ ಏಕೂನತಿಂಸ…ಪೇ… ಅವಿಗತೇ ಏಕೂನತಿಂಸ. (ಸಬ್ಬತ್ಥ ವಿತ್ಥಾರೇತಬ್ಬಂ.)

ತತಿಯಪದಂ

ಹೇತುಪಚ್ಚಯೋ

೮. ನಕುಸಲಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಕುಸಲೋ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಅಕುಸಲಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಕುಸಲೋ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಅಬ್ಯಾಕತಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ.

ನಕುಸಲಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಅಕುಸಲಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಬ್ಯಾಕತಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಕುಸಲಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಞ್ಚ ನಅಕುಸಲಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. (ಸಂಖಿತ್ತಂ.)

ಹೇತುಯಾ ಏಕೂನತಿಂಸ…ಪೇ… ಅವಿಗತೇ ಏಕೂನತಿಂಸ. (ಸಬ್ಬತ್ಥ ವಿತ್ಥಾರೋ.)

೧-೨. ಕುಸಲತ್ತಿಕ-ವಿಪಾಕತ್ತಿಕಂ

೯. ನಕುಸಲಂ ನವಿಪಾಕಂ ಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನವಿಪಾಕಂ ಧಮ್ಮಂ ಪಟಿಚ್ಚ ನಅಕುಸಲೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನವಿಪಾಕಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನವಿಪಾಕಂ ಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕೋ ಚ ನಅಬ್ಯಾಕತೋ ನವಿಪಾಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಕುಸಲಂ ನವಿಪಾಕಂ ಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕೋ ಚ ನಅಕುಸಲೋ ನವಿಪಾಕೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

ನಅಕುಸಲಂ ನವಿಪಾಕಂ ಧಮ್ಮಂ ಪಟಿಚ್ಚ ನಅಕುಸಲೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಅಬ್ಯಾಕತಂ ನವಿಪಾಕಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ.

ನಕುಸಲಂ ನವಿಪಾಕಞ್ಚ ನಅಬ್ಯಾಕತಂ ನವಿಪಾಕಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಅಕುಸಲಂ ನವಿಪಾಕಞ್ಚ ನಅಬ್ಯಾಕತಂ ನವಿಪಾಕಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಕುಸಲಂ ನವಿಪಾಕಞ್ಚ ನಅಕುಸಲಂ ನವಿಪಾಕಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. (ಸಂಖಿತ್ತಂ.)

ಹೇತುಯಾ ಏಕೂನತಿಂಸ…ಪೇ… ಅವಿಗತೇ ಏಕೂನತಿಂಸ. (ಸಬ್ಬತ್ಥ ವಿತ್ಥಾರೋ.)

೧೦. ನಕುಸಲಂ ನವಿಪಾಕಧಮ್ಮಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನವಿಪಾಕಧಮ್ಮಧಮ್ಮಂ ಪಟಿಚ್ಚ ನಅಕುಸಲೋ ನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನವಿಪಾಕಧಮ್ಮಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕಧಮ್ಮಧಮ್ಮೋ ಚ ನಅಕುಸಲೋ ನವಿಪಾಕಧಮ್ಮಧಮ್ಮೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಅಕುಸಲಂ ನವಿಪಾಕಧಮ್ಮಧಮ್ಮಂ ಪಟಿಚ್ಚ ನಅಕುಸಲೋ ನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನವಿಪಾಕಧಮ್ಮಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನವಿಪಾಕಧಮ್ಮಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕಧಮ್ಮಧಮ್ಮೋ ಚ ನಅಕುಸಲೋ ನವಿಪಾಕಧಮ್ಮಧಮ್ಮೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಕುಸಲಂ ನವಿಪಾಕಧಮ್ಮಧಮ್ಮಞ್ಚ ನಅಕುಸಲಂ ನವಿಪಾಕಧಮ್ಮಧಮ್ಮಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನವಿಪಾಕಧಮ್ಮಧಮ್ಮಞ್ಚ ನಅಕುಸಲಂ ನವಿಪಾಕಧಮ್ಮಧಮ್ಮಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನವಿಪಾಕಧಮ್ಮಧಮ್ಮಞ್ಚ ನಅಕುಸಲಂ ನವಿಪಾಕಧಮ್ಮಧಮ್ಮಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನವಿಪಾಕಧಮ್ಮಧಮ್ಮೋ ಚ ನಅಕುಸಲೋ ನವಿಪಾಕಧಮ್ಮಧಮ್ಮೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) (ಸಂಖಿತ್ತಂ).

ಹೇತುಯಾ ನವ…ಪೇ… ಅವಿಗತೇ ನವ. (ಸಬ್ಬತ್ಥ ನವ.)

೧೧. ನಕುಸಲಂ ನನೇವವಿಪಾಕನವಿಪಾಕಧಮ್ಮಧಮ್ಮಂ ಪಟಿಚ್ಚ ನಕುಸಲೋ ನನೇವವಿಪಾಕನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

೧-೩. ಕುಸಲತ್ತಿಕ-ಉಪಾದಿನ್ನತ್ತಿಕಂ

೧೨. ನಕುಸಲಂ ನಉಪಾದಿನ್ನುಪಾದಾನಿಯಂ ಧಮ್ಮಂ ಪಟಿಚ್ಚ….

೧೩. ನಕುಸಲಂ ನಅನುಪಾದಿನ್ನುಪಾದಾನಿಯಂ ಧಮ್ಮಂ ಪಟಿಚ್ಚ….

೧೪. ನಕುಸಲಂ ನಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಟಿಚ್ಚ….

೧-೪. ಕುಸಲತ್ತಿಕ-ಸಂಕಿಲಿಟ್ಠತ್ತಿಕಂ

೧೫. ನಕುಸಲಂ ನಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ….

೧೬. ನಕುಸಲಂ ನಅಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ….

೧೭. ನಕುಸಲಂ ನಅಸಂಕಿಲಿಟ್ಠಅಸಂಕಿಲೇಸಿಕಂ ಧಮ್ಮಂ ಪಟಿಚ್ಚ….

೧-೫. ಕುಸಲತ್ತಿಕ-ವಿತಕ್ಕತ್ತಿಕಂ

೧೮. ನಕುಸಲಂ ನಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ….

೧೯. ನಕುಸಲಂ ನಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ….

೨೦. ನಕುಸಲಂ ನಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ….

೧-೬. ಕುಸಲತ್ತಿಕ-ಪೀತಿತ್ತಿಕಂ

೨೧. ನಕುಸಲಂ ನಪೀತಿಸಹಗತಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಸುಖಸಹಗತಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ….

೧-೭-೧೨. ಕುಸಲತ್ತಿಕ-ದಸ್ಸನಾದಿತ್ತಿಕಾನಿ

೨೨. ನಕುಸಲಂ ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ….

ನಕುಸಲಂ ನನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ….

೨೩. ನಕುಸಲಂ ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ….

ನಕುಸಲಂ ನನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ….

೨೪. ನಕುಸಲಂ ನಆಚಯಗಾಮಿಂ ಧಮ್ಮಂ ಪಟಿಚ್ಚ….

ನಕುಸಲಂ ನಅಪಚಯಗಾಮಿಂ ಧಮ್ಮಂ ಪಟಿಚ್ಚ….

ನಕುಸಲಂ ನನೇವಾಚಯಗಾಮಿನಾಪಚಯಗಾಮಿಂ ಧಮ್ಮಂ ಪಟಿಚ್ಚ….

೨೫. ನಕುಸಲಂ ನಸೇಕ್ಖಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಅಸೇಕ್ಖಂ ಧಮ್ಮಂ ಪಟಿಚ್ಚ….

ನಕುಸಲಂ ನನೇವಸೇಕ್ಖನಾಸೇಕ್ಖಂ ಧಮ್ಮಂ ಪಟಿಚ್ಚ….

೨೬. ನಕುಸಲಂ ನಪರಿತ್ತಂ ಧಮ್ಮಂ ಪಟಿಚ್ಚ….

ನಕುಸಲಂ ನಮಹಗ್ಗತಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಅಪ್ಪಮಾಣಂ ಧಮ್ಮಂ ಪಟಿಚ್ಚ….

೨೭. ನಕುಸಲಂ ನಪರಿತ್ತಾರಮ್ಮಣಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಮಹಗ್ಗತಾರಮ್ಮಣಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಅಪ್ಪಮಾಣಾರಮ್ಮಣಂ ಧಮ್ಮಂ ಪಟಿಚ್ಚ….

೧-೧೩-೨೦. ಕುಸಲತ್ತಿಕ-ಹೀನಾದಿತ್ತಿಕಾನಿ

೨೮. ನಕುಸಲಂ ನಹೀನಂ ಧಮ್ಮಂ ಪಟಿಚ್ಚ….

ನಕುಸಲಂ ನಮಜ್ಝಿಮಂ ಧಮ್ಮಂ ಪಟಿಚ್ಚ…;

ನಕುಸಲಂ ನಪಣೀತಂ ಧಮ್ಮಂ ಪಟಿಚ್ಚ…;

೨೯. ನಕುಸಲಂ ನಮಿಚ್ಛತ್ತನಿಯತಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಸಮ್ಮತ್ತನಿಯತಂ ಧಮ್ಮಂ ಪಟಿಚ್ಚ….

ನಕುಸಲಂ ನಅನಿಯತಂ ಧಮ್ಮಂ ಪಟಿಚ್ಚ…;

೩೦. ನಕುಸಲಂ ನಮಗ್ಗಾರಮ್ಮಣಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಮಗ್ಗಹೇತುಕಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಮಗ್ಗಾಧಿಪತಿಂ ಧಮ್ಮಂ ಪಟಿಚ್ಚ….

೩೧. ನಕುಸಲಂ ನಅನುಪ್ಪನ್ನಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಉಪ್ಪಾದಿಂ ಧಮ್ಮಂ ಪಟಿಚ್ಚ….

೩೨. ನಕುಸಲಂ ನಅತೀತಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಅನಾಗತಂ ಧಮ್ಮಂ ಪಟಿಚ್ಚ….

೩೩. ನಕುಸಲಂ ನಅತೀತಾರಮ್ಮಣಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಅನಾಗತಾರಮ್ಮಣಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಪಚ್ಚುಪ್ಪನ್ನಾರಮ್ಮಣಂ ಧಮ್ಮಂ ಪಟಿಚ್ಚ….

೩೪. ನಕುಸಲಂ ನಅಜ್ಝತ್ತಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಬಹಿದ್ಧಾ ಧಮ್ಮಂ ಪಟಿಚ್ಚ….

೩೫. ನಕುಸಲಂ ನಅಜ್ಝತ್ತಾರಮ್ಮಣಂ ಧಮ್ಮಂ ಪಟಿಚ್ಚ…ಪೇ… ನಕುಸಲಂ ನಬಹಿದ್ಧಾರಮ್ಮಣಂ ಧಮ್ಮಂ ಪಟಿಚ್ಚ….

೧-೨೧. ಕುಸಲತ್ತಿಕ-ಸನಿದಸ್ಸನತ್ತಿಕಂ

೩೬. ನಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಚ ನಅಬ್ಯಾಕತೋ ನಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

ನಅಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಚ ನಅಬ್ಯಾಕತೋ ನಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಅಕುಸಲಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೫)

ನಅಬ್ಯಾಕತಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಬ್ಯಾಕತೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಬ್ಯಾಕತಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಬ್ಯಾಕತಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಬ್ಯಾಕತಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಚ ನಅಬ್ಯಾಕತೋ ನಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಅಬ್ಯಾಕತಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಚ ನಅಬ್ಯಾಕತೋ ನಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ನಅಬ್ಯಾಕತಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೬)

ನಕುಸಲಂ ನಸನಿದಸ್ಸನಸಪ್ಪಟಿಘಞ್ಚ ನಅಬ್ಯಾಕತಂ ನಸನಿದಸ್ಸನಸಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಅಕುಸಲಂ ನಸನಿದಸ್ಸನಸಪ್ಪಟಿಘಞ್ಚ ನಅಬ್ಯಾಕತಂ ನಸನಿದಸ್ಸನಸಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಪಞ್ಚ.

ನಕುಸಲಂ ನಸನಿದಸ್ಸನಸಪ್ಪಟಿಘಞ್ಚ ನಅಕುಸಲಂ ನಸನಿದಸ್ಸನಸಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸನಿದಸ್ಸನಸಪ್ಪಟಿಘಞ್ಚ ನಅಕುಸಲಂ ನಸನಿದಸ್ಸನಸಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕುಸಲಂ ನಸನಿದಸ್ಸನಸಪ್ಪಟಿಘಞ್ಚ ನಅಕುಸಲಂ ನಸನಿದಸ್ಸನಸಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ನಕುಸಲೋ ನಸನಿದಸ್ಸನಸಪ್ಪಟಿಘೋ ಚ ನಅಕುಸಲೋ ನಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) (ಸಂಖಿತ್ತಂ.)

ಹೇತುಯಾ ಏಕೂನತಿಂಸ…ಪೇ… ಅವಿಗತೇ ಏಕೂನತಿಂಸ. (ಸಬ್ಬತ್ಥ ವಿತ್ಥಾರೋ.)

೩೭. ನಕುಸಲಂ ನಅನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಅನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕೂನತಿಂಸ…ಪೇ… ಅವಿಗತೇ ಏಕೂನತಿಂಸ. (ಸಬ್ಬತ್ಥ ವಿತ್ಥಾರೋ.)

೩೮. ನಕುಸಲಂ ನಅನಿದಸ್ಸನಅಪ್ಪಟಿಘಂ ಧಮ್ಮಂ ಪಟಿಚ್ಚ ನಕುಸಲೋ ನಅನಿದಸ್ಸನಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ನವ…ಪೇ… (ಸಬ್ಬತ್ಥ ವಿತ್ಥಾರೋ).

೨-೧. ವೇದನಾತ್ತಿಕ-ಕುಸಲತ್ತಿಕಂ

೩೯. ನಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ…ಪೇ… ಸತ್ತ.

ನದುಕ್ಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನದುಕ್ಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನದುಕ್ಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನದುಕ್ಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ…ಪೇ… ಸತ್ತ.

ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ…ಪೇ… ಸತ್ತ.

೪೦. ನಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ…ಪೇ… ಸತ್ತ.

ನದುಕ್ಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನದುಕ್ಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನದುಕ್ಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನದುಕ್ಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…ಪೇ… ಸತ್ತ. (ಸಂಖಿತ್ತಂ.)

ಹೇತುಯಾ ಏಕೂನಪಞ್ಞಾಸ, ಆರಮ್ಮಣೇ ಏಕೂನಪಞ್ಞಾಸ…ಪೇ… ಅವಿಗತೇ ಏಕೂನಪಞ್ಞಾಸ.

೪೧. ನಸುಖಾಯ ವೇದನಾಯ ಸಮ್ಪಯುತ್ತಂ ನಅಕುಸಲಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…. (ಸಂಖಿತ್ತಂ.) ಹೇತುಯಾ ಏಕೂನಪಞ್ಞಾಸ.

೪೨. ನಸುಖಾಯ ವೇದನಾಯ ಸಮ್ಪಯುತ್ತಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.) ಹೇತುಯಾ ಅಟ್ಠಚತ್ತಾಲೀಸ. (ಸಬ್ಬತ್ಥ ವಿತ್ಥಾರೋ.)

೨-೨. ವೇದನಾತ್ತಿಕ-ವಿಪಾಕತ್ತಿಕಂ

೪೩. ನಸುಖಾಯ ವೇದನಾಯ ಸಮ್ಪಯುತ್ತಂ ನವಿಪಾಕಂ ಧಮ್ಮಂ ಪಟಿಚ್ಚ ನಸುಖಾಯ ವೇದನಾಯ ಸಮ್ಪಯುತ್ತೋ ನವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕೂನಪಞ್ಞಾಸ…ಪೇ… ಅವಿಗತೇ ಏಕೂನಪಞ್ಞಾಸ. (ಸಂಖಿತ್ತಂ.)

೩-೧. ವಿಪಾಕತ್ತಿಕ-ಕುಸಲತ್ತಿಕಂ

೪೪. ನವಿಪಾಕಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನವಿಪಾಕಧಮ್ಮಧಮ್ಮಂ ನಅಕುಸಲಂ ಧಮ್ಮಂ ಪಟಿಚ್ಚ….

ನನೇವವಿಪಾಕನವಿಪಾಕಧಮ್ಮಧಮ್ಮಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ….

೪-೧. ಉಪಾದಿನ್ನತ್ತಿಕ-ಕುಸಲತ್ತಿಕಂ

೪೫. ನಉಪಾದಿನ್ನುಪಾದಾನಿಯಂ ನಕುಸಲಂ [ಇತೋ ಪಟ್ಠಾಯ ಯಾವ ಅಜ್ಝತ್ತಾರಮ್ಮಣತ್ತಿಕಾ ಸಬ್ಬಪೋತ್ಥಕೇಸು ಅಕುಸಲಾಬ್ಯಾಕತಪದಾನಿ ನ ದಿಸ್ಸನ್ತಿ, ವೇದನಾತ್ತಿಕ ಸನಿದಸ್ಸನತ್ತಿಕೇಸು ವಿಯ ನನು ತೇಹಿಪಿ ಭವಿತಬ್ಬಂ] ಧಮ್ಮಂ ಪಟಿಚ್ಚ…ಪೇ… ನಅನುಪಾದಿನ್ನುಪಾದಾನಿಯಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅನುಪಾದಿನ್ನಅನುಪಾದಾನಿಯಂ ನಕುಸಲಂ ಧಮ್ಮಂ ಪಟಿಚ್ಚ….

೫-೧. ಸಂಕಿಲಿಟ್ಠತ್ತಿಕ-ಕುಸಲತ್ತಿಕಂ

೪೬. ನಸಂಕಿಲಿಟ್ಠಸಂಕಿಲೇಸಿಕಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅಸಂಕಿಲಿಟ್ಠಸಂಕಿಲೇಸಿಕಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅಸಂಕಿಲಿಟ್ಠಅಸಂಕಿಲೇಸಿಕಂ ನಕುಸಲಂ ಧಮ್ಮಂ ಪಟಿಚ್ಚ….

೬-೨೧-೧. ವಿತಕ್ಕಾದಿತ್ತಿಕಾನಿ-ಕುಸಲತ್ತಿಕಂ

೪೭. ನಸವಿತಕ್ಕಸವಿಚಾರಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅವಿತಕ್ಕವಿಚಾರಮತ್ತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅವಿತಕ್ಕಅವಿಚಾರಂ ನಕುಸಲಂ ಧಮ್ಮಂ ಪಟಿಚ್ಚ….

೪೮. ನಪೀತಿಸಹಗತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಸುಖಸಹಗತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಉಪೇಕ್ಖಾಸಹಗತಂ ನಕುಸಲಂ ಧಮ್ಮಂ ಪಟಿಚ್ಚ….

೪೯. ನದಸ್ಸನೇನ ಪಹಾತಬ್ಬಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಭಾವನಾಯ ಪಹಾತಬ್ಬಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನನೇವದಸ್ಸನೇನ ನಭಾವನಾಯ ಪಹಾತಬ್ಬಂ ನಕುಸಲಂ ಧಮ್ಮಂ ಪಟಿಚ್ಚ….

೫೦. ನದಸ್ಸನೇನ ಪಹಾತಬ್ಬಹೇತುಕಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಭಾವನಾಯ ಪಹಾತಬ್ಬಹೇತುಕಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ನಕುಸಲಂ ಧಮ್ಮಂ ಪಟಿಚ್ಚ….

೫೧. ನಆಚಯಗಾಮಿಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅಪಚಯಗಾಮಿಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನನೇವಾಚಯಗಾಮಿನಾಪಚಯಗಾಮಿಂ ನಕುಸಲಂ ಧಮ್ಮಂ ಪಟಿಚ್ಚ….

೫೨. ನಸೇಕ್ಖಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅಸೇಕ್ಖಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನನೇವಾಸೇಕ್ಖನಾಸೇಕ್ಖಂ ನಕುಸಲಂ ಧಮ್ಮಂ ಪಟಿಚ್ಚ….

೫೩. ನಪರಿತ್ತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಮಹಗ್ಗತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅಪ್ಪಮಾಣಂ ನಕುಸಲಂ ಧಮ್ಮಂ ಪಟಿಚ್ಚ….

೫೪. ನಪರಿತ್ತಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಮಹಗ್ಗತಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅಪ್ಪಮಾಣಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ….

೫೫. ನಹೀನಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಮಜ್ಝಿಮಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಪಣೀತಂ ನಕುಸಲಂ ಧಮ್ಮಂ ಪಟಿಚ್ಚ….

೫೬. ನಮಿಚ್ಛತ್ತನಿಯತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಸಮ್ಮತ್ತನಿಯತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅನಿಯತಂ ನಕುಸಲಂ ಧಮ್ಮಂ ಪಟಿಚ್ಚ….

೫೭. ನಮಗ್ಗಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಮಗ್ಗಹೇತುಕಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಮಗ್ಗಾಧಿಪತಿಂ ನಕುಸಲಂ ಧಮ್ಮಂ ಪಟಿಚ್ಚ….

೫೮. ನಅನುಪ್ಪನ್ನಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಉಪ್ಪಾದಿಂ ನಕುಸಲಂ ಧಮ್ಮಂ ಪಟಿಚ್ಚ….

೫೯. ನಅತೀತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅನಾಗತಂ ನಕುಸಲಂ ಧಮ್ಮಂ ಪಟಿಚ್ಚ….

೬೦. ನಅತೀತಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಅನಾಗತಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಪಚ್ಚುಪ್ಪನ್ನಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ….

೬೧. ನಅಜ್ಝತ್ತಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಬಹಿದ್ಧಾ ನಕುಸಲಂ ಧಮ್ಮಂ ಪಟಿಚ್ಚ….

೬೨. ನಅಜ್ಝತ್ತಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ…ಪೇ… ನಬಹಿದ್ಧಾರಮ್ಮಣಂ ನಕುಸಲಂ ಧಮ್ಮಂ ಪಟಿಚ್ಚ….

೨೨-೧. ಸನಿದಸ್ಸನತ್ತಿಕ-ಕುಸಲತ್ತಿಕಂ

೬೩. ನಸನಿದಸ್ಸನಸಪ್ಪಟಿಘಂ ನಕುಸಲಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಕುಸಲಂ ಧಮ್ಮಂ ಪಟಿಚ್ಚ ನಅನಿದಸ್ಸನಸಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಸಪ್ಪಟಿಘಂ ನಕುಸಲಂ ಧಮ್ಮಂ ಪಟಿಚ್ಚ ನಅನಿದಸ್ಸನಅಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…ಪೇ… ಛ.

ನಅನಿದಸ್ಸನಸಪ್ಪಟಿಘಂ ನಕುಸಲಂ ಧಮ್ಮಂ ಪಟಿಚ್ಚ ನಅನಿದಸ್ಸನಸಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನಿದಸ್ಸನಸಪ್ಪಟಿಘಂ ನಕುಸಲಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನಿದಸ್ಸನಸಪ್ಪಟಿಘಂ ನಕುಸಲಂ ಧಮ್ಮಂ ಪಟಿಚ್ಚ ನಅನಿದಸ್ಸನಅಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ…ಪೇ… ಛ.

ನಅನಿದಸ್ಸನಅಪ್ಪಟಿಘಂ ನಕುಸಲಂ ಧಮ್ಮಂ ಪಟಿಚ್ಚ ನಅನಿದಸ್ಸನಅಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ.

ನಸನಿದಸ್ಸನಸಪ್ಪಟಿಘಂ ನಕುಸಲಞ್ಚ ನಅನಿದಸ್ಸನಅಪ್ಪಟಿಘಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ.

ನಅನಿದಸ್ಸನಸಪ್ಪಟಿಘಂ ನಕುಸಲಞ್ಚ ನಅನಿದಸ್ಸನಅಪ್ಪಟಿಘಂ ನಕುಸಲಞ್ಚ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಛ (ಸಂಖಿತ್ತಂ). ಹೇತುಯಾ ತಿಂಸ, ಆರಮ್ಮಣೇ ನವ…ಪೇ… ಅವಿಗತೇ ತಿಂಸ. (ಸಬ್ಬತ್ಥ ವಿತ್ಥಾರೋ.)

೬೪. ನಸನಿದಸ್ಸನಸಪ್ಪಟಿಘಂ ನಅಕುಸಲಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತಿಂಸ, ಆರಮ್ಮಣೇ ನವ…ಪೇ… ಅವಿಗತೇ ತಿಂಸ. (ಸಬ್ಬತ್ಥ ವಿತ್ಥಾರೋ.)

೬೫. ನಸನಿದಸ್ಸನಸಪ್ಪಟಿಘಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನಸನಿದಸ್ಸನಸಪ್ಪಟಿಘೋ ನಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ಹೇತುಯಾ. ನವ (ಸಬ್ಬತ್ಥ ನವ.)

೨೨-೨-೨೧. ಸನಿದಸ್ಸನತ್ತಿಕ-ವೇದನಾದಿತ್ತಿಕಾನಿ

೬೬. ನಸನಿದಸ್ಸನಸಪ್ಪಟಿಘಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ… ಹೇತುಯಾ ತಿಂಸ.

ನಸನಿದಸ್ಸನಸಪ್ಪಟಿಘಂ ನದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ… ಹೇತುಯಾ ತಿಂಸ.

ನಸನಿದಸ್ಸನಸಪ್ಪಟಿಘಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ… ಹೇತುಯಾ ತಿಂಸ.

೬೭. ನಸನಿದಸ್ಸನಸಪ್ಪಟಿಘಂ ನವಿಪಾಕಂ ಧಮ್ಮಂ ಪಟಿಚ್ಚ…ಪೇ… ನಸನಿದಸ್ಸನಸಪ್ಪಟಿಘಂ ನವಿಪಾಕಧಮ್ಮಧಮ್ಮಂ ಪಟಿಚ್ಚ… ಹೇತುಯಾ ತಿಂಸ.

ನಸನಿದಸ್ಸನಸಪ್ಪಟಿಘಂ ನನೇವವಿಪಾಕನವಿಪಾಕಧಮ್ಮಧಮ್ಮಂ ಪಟಿಚ್ಚ… ಹೇತುಯಾ ನವ.

೬೮. ನಸನಿದಸ್ಸನಸಪ್ಪಟಿಘಂ ನಉಪಾದಿನ್ನುಪಾದಾನಿಯಂ ಧಮ್ಮಂ ಪಟಿಚ್ಚ…ಪೇ….

ನಸನಿದಸ್ಸನಸಪ್ಪಟಿಘಂ ನಅನುಪಾದಿನ್ನುಪಾದಾನಿಯಂ ಧಮ್ಮಂ ಪಟಿಚ್ಚ…ಪೇ….

ನಸನಿದಸ್ಸನಸಪ್ಪಟಿಘಂ ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಟಿಚ್ಚ… ಹೇತುಯಾ ತಿಂಸ.

೬೯. ನಸನಿದಸ್ಸನಸಪ್ಪಟಿಘಂ ನಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ… ಹೇತುಯಾ ತಿಂಸ.

ನಸನಿದಸ್ಸನಸಪ್ಪಟಿಘಂ ನಅಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ…ಪೇ….

ನಸನಿದಸ್ಸನಸಪ್ಪಟಿಘಂ ನಅಸಂಕಿಲಿಟ್ಠಅಸಂಕಿಲೇಸಿಕಂ ಧಮ್ಮಂ ಪಟಿಚ್ಚ… ಹೇತುಯಾ ತಿಂಸ.