ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ಅಭಿಧಮ್ಮಪಿಟಕೇ

ಪಟ್ಠಾನಪಾಳಿ

(ಪಞ್ಚಮೋ ಭಾಗೋ)

ಧಮ್ಮಾನುಲೋಮೇ ತಿಕತಿಕಪಟ್ಠಾನಂ

೧-೧. ಕುಸಲತ್ತಿಕ-ವೇದನಾತ್ತಿಕಂ

೧. ಸುಖಾಯವೇದನಾಯಸಮ್ಪಯುತ್ತಪದಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೧. ಕುಸಲಂ ಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಕುಸಲೋ ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಕುಸಲೋ ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨. ಹೇತುಯಾ ತೀಣಿ, ಆರಮ್ಮಣೇ ತೀಣಿ…ಪೇ… ಅವಿಗತೇ ತೀಣಿ. (ಸಂಖಿತ್ತಂ…ಪೇ… ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೩. ಕುಸಲೋ ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಕುಸಲಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಕುಸಲೋ ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಅಕುಸಲಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಅಬ್ಯಾಕತಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಕುಸಲೋ ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಕುಸಲಸ್ಸ ಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (ಸಂಖಿತ್ತಂ.)

೪. ಹೇತುಯಾ ತೀಣಿ, ಆರಮ್ಮಣೇ ನವ. (ಸಂಖಿತ್ತಂ.)

(ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)

೨. ದುಕ್ಖಾಯವೇದನಾಯಸಮ್ಪಯುತ್ತಪದಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತು-ಆರಮ್ಮಣಪಚ್ಚಯಾ

೫. ಅಕುಸಲಂ ದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಕುಸಲೋ ದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಕುಸಲೋ ದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧)

ಅಬ್ಯಾಕತಂ ದುಕ್ಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ. (೧) (ಸಂಖಿತ್ತಂ.)

೬. ಹೇತುಯಾ ಏಕಂ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ. (ಸಂಖಿತ್ತಂ.) (ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೭. ಅಕುಸಲೋ ದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಅಕುಸಲಸ್ಸ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಕುಸಲೋ ದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಅಕುಸಲಸ್ಸ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ದುಕ್ಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಅಕುಸಲಸ್ಸ ದುಕ್ಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೮. ಹೇತುಯಾ ಏಕಂ, ಆರಮ್ಮಣೇ ದ್ವೇ. (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)

೩. ಅದುಕ್ಖಮಸುಖವೇದನಾಯಸಮ್ಪಯುತ್ತಪದಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೯. ಕುಸಲಂ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಕುಸಲೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಕುಸಲೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

೧೦. ಹೇತುಯಾ ತೀಣಿ, ಆರಮ್ಮಣೇ ತೀಣಿ…ಪೇ… ಅವಿಗತೇ ತೀಣಿ. (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ).

೧೧. ಕುಸಲೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಕುಸಲಸ್ಸ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಕುಸಲೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಅಕುಸಲಸ್ಸ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಅಬ್ಯಾಕತಸ್ಸ ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೧೨. ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ಸತ್ತ, ಅನನ್ತರೇ ಸತ್ತ…ಪೇ… ಉಪನಿಸ್ಸಯೇ ನವ, ಅವಿಗತೇ ತೀಣಿ. (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)

೧-೨. ಕುಸಲತ್ತಿಕ-ವಿಪಾಕತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೧೩. ಅಬ್ಯಾಕತಂ ವಿಪಾಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.)

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೧೪. ಕುಸಲಂ ವಿಪಾಕಧಮ್ಮಧಮ್ಮಂ ಪಟಿಚ್ಚ ಕುಸಲೋ ವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ವಿಪಾಕಧಮ್ಮಧಮ್ಮಂ ಪಟಿಚ್ಚ ಅಕುಸಲೋ ವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ದ್ವೇ, ಆರಮ್ಮಣೇ ದ್ವೇ…ಪೇ… ಅವಿಗತೇ ದ್ವೇ. (ಸಂಖಿತ್ತಂ.)

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೧೫. ಕುಸಲೋ ವಿಪಾಕಧಮ್ಮಧಮ್ಮೋ ಕುಸಲಸ್ಸ ವಿಪಾಕಧಮ್ಮಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಕುಸಲೋ ವಿಪಾಕಧಮ್ಮಧಮ್ಮೋ ಅಕುಸಲಸ್ಸ ವಿಪಾಕಧಮ್ಮಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಕುಸಲೋ ವಿಪಾಕಧಮ್ಮಧಮ್ಮೋ ಕುಸಲಸ್ಸ ವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಕುಸಲೋ ವಿಪಾಕಧಮ್ಮಧಮ್ಮೋ ಅಕುಸಲಸ್ಸ ವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨)

ಅಕುಸಲೋ ವಿಪಾಕಧಮ್ಮಧಮ್ಮೋ ಅಕುಸಲಸ್ಸ ವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಅಕುಸಲೋ ವಿಪಾಕಧಮ್ಮಧಮ್ಮೋ ಕುಸಲಸ್ಸ ವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೨) (ಸಂಖಿತ್ತಂ.)

೧೬. ಹೇತುಯಾ ದ್ವೇ, ಆರಮ್ಮಣೇ ಚತ್ತಾರಿ, ಅಧಿಪತಿಯಾ ತೀಣಿ, ಅನನ್ತರೇ ದ್ವೇ…ಪೇ… ಸಹಜಾತೇ ದ್ವೇ, ಉಪನಿಸ್ಸಯೇ ಚತ್ತಾರಿ…ಪೇ… ಅವಿಗತೇ ದ್ವೇ. (ಸಂಖಿತ್ತಂ. ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)

೧೭. ಅಬ್ಯಾಕತಂ ನೇವವಿಪಾಕನವಿಪಾಕಧಮ್ಮಧಮ್ಮಂ ಪಟಿಚ್ಚ ಅಬ್ಯಾಕತೋ ನೇವವಿಪಾಕನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.)

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೧-೩. ಕುಸಲತ್ತಿಕ-ಉಪಾದಿನ್ನತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೧೮. ಅಬ್ಯಾಕತಂ ಉಪಾದಿನ್ನುಪಾದಾನಿಯಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಉಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.)

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೧೯. ಕುಸಲಂ ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಟಿಚ್ಚ ಕುಸಲೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಕುಸಲಂ ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಟಿಚ್ಚ ಅಕುಸಲೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಅನುಪಾದಿನ್ನುಪಾದಾನಿಯಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಅನುಪಾದಿನ್ನುಪಾದಾನಿಯಞ್ಚ ಅಬ್ಯಾಕತಂ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಅನುಪಾದಿನ್ನುಪಾದಾನಿಯಞ್ಚ ಅಬ್ಯಾಕತಂ ಅನುಪಾದಿನ್ನುಪಾದಾನಿಯಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೨೦. ಹೇತುಯಾ ನವ, ಅವಿಗತೇ ನವ. (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೨೧. ಕುಸಲೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಕುಸಲಸ್ಸ ಅನುಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಅಕುಸಲಸ್ಸ ಅನುಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಅಬ್ಯಾಕತಸ್ಸ ಅನುಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

೨೨. ಕುಸಲೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಕುಸಲಸ್ಸ ಅನುಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಕುಸಲೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಅಕುಸಲಸ್ಸ ಅನುಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ಅಬ್ಯಾಕತೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಅಬ್ಯಾಕತಸ್ಸ ಅನುಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ. (ಸಂಖಿತ್ತಂ.)

೨೩. ಹೇತುಯಾ ಸತ್ತ, ಆರಮ್ಮಣೇ ನವ, ಅವಿಗತೇ ಏಕಾದಸ. (ಸಂಖಿತ್ತಂ.)

(ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)

೨೪. ಕುಸಲಂ ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಟಿಚ್ಚ ಕುಸಲೋ ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ದ್ವೇ, ಅವಿಗತೇ ದ್ವೇ. (ಸಂಖಿತ್ತಂ, ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ಸಬ್ಬತ್ಥ ವಿತ್ಥಾರೋ.)

೧-೪. ಕುಸಲತ್ತಿಕ-ಸಂಕಿಲಿಟ್ಠತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೨೫. ಅಕುಸಲಂ ಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಅಕುಸಲೋ ಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.)

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೨೬. ಕುಸಲಂ ಅಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಕುಸಲೋ ಅಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಅಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಅಸಂಕಿಲಿಟ್ಠಸಂಕಿಲೇಸಿಕಞ್ಚ ಅಬ್ಯಾಕತಂ ಅಸಂಕಿಲಿಟ್ಠಸಂಕಿಲೇಸಿಕಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

೨೭. ಹೇತುಯಾ ಪಞ್ಚ, ಅವಿಗತೇ ಪಞ್ಚ. (ಸಂಖಿತ್ತಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೋ.)

೨೮. ಕುಸಲಂ ಅಸಂಕಿಲಿಟ್ಠಅಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಕುಸಲೋ ಅಸಂಕಿಲಿಟ್ಠಅಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅಸಂಕಿಲಿಟ್ಠಅಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅಸಂಕಿಲಿಟ್ಠಅಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ದ್ವೇ…ಪೇ… ಅವಿಗತೇ ದ್ವೇ. (ಸಂಖಿತ್ತಂ. ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೇತಬ್ಬಂ.)

೧-೫. ಕುಸಲತ್ತಿಕ-ವಿತಕ್ಕತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೨೯. ಕುಸಲಂ ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಕುಸಲೋ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅಕುಸಲೋ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ತೀಣಿ, ಆರಮ್ಮಣೇ ತೀಣಿ, ಅವಿಗತೇ ತೀಣಿ. (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

೩೦. ಕುಸಲೋ ಸವಿತಕ್ಕಸವಿಚಾರೋ ಧಮ್ಮೋ ಕುಸಲಸ್ಸ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಕುಸಲೋ ಸವಿತಕ್ಕಸವಿಚಾರೋ ಧಮ್ಮೋ ಅಕುಸಲಸ್ಸ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಸವಿತಕ್ಕಸವಿಚಾರೋ ಧಮ್ಮೋ ಅಬ್ಯಾಕತಸ್ಸ ಸವಿತಕ್ಕಸವಿಚಾರಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

೩೧. ಹೇತುಯಾ ತೀಣಿ, ಆರಮ್ಮಣೇ ನವ, ಅವಿಗತೇ ತೀಣಿ. (ಸಂಖಿತ್ತಂ.) (ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ).

೩೨. ಕುಸಲಂ ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಕುಸಲೋ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ದ್ವೇ, ಅವಿಗತೇ ದ್ವೇ. (ಸಂಖಿತ್ತಂ.)

(ಸಹಜಾತವಾರೇಪಿ…ಪೇ… ಸಮ್ಪಯುತ್ತವಾರೇಪಿ ಪಞ್ಹಾವಾರೇಪಿ ಸಬ್ಬತ್ಥ ವಿತ್ಥಾರೋ.)

೩೩. ಕುಸಲಂ ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಕುಸಲೋ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಕುಸಲಂ ಅವಿತಕ್ಕಅವಿಚಾರಞ್ಚ ಅಬ್ಯಾಕತಂ ಅವಿತಕ್ಕಅವಿಚಾರಞ್ಚ ಧಮ್ಮಂ ಪಟಿಚ್ಚ ಅಬ್ಯಾಕತೋ ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ಪಞ್ಚ, ಆರಮ್ಮಣೇ ದ್ವೇ, ಅವಿಗತೇ ಪಞ್ಚ. (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ.)

೧-೬. ಕುಸಲತ್ತಿಕ-ಪೀತಿತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

ಹೇತುಪಚ್ಚಯೋ

೩೪. ಕುಸಲಂ ಪೀತಿಸಹಗತಂ ಧಮ್ಮಂ ಪಟಿಚ್ಚ ಕುಸಲೋ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಪೀತಿಸಹಗತಂ ಧಮ್ಮಂ ಪಟಿಚ್ಚ ಅಕುಸಲೋ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಪೀತಿಸಹಗತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

೩೫. ಕುಸಲೋ ಪೀತಿಸಹಗತೋ ಧಮ್ಮೋ ಕುಸಲಸ್ಸ ಪೀತಿಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಕುಸಲೋ ಪೀತಿಸಹಗತೋ ಧಮ್ಮೋ ಅಕುಸಲಸ್ಸ ಪೀತಿಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಅಬ್ಯಾಕತೋ ಪೀತಿಸಹಗತೋ ಧಮ್ಮೋ ಅಬ್ಯಾಕತಸ್ಸ ಪೀತಿಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧) (ಸಂಖಿತ್ತಂ.)

ಹೇತುಯಾ ತೀಣಿ, ಆರಮ್ಮಣೇ ನವ, ಅಧಿಪತಿಯಾ ಸತ್ತ, ಅನನ್ತರೇ ಪಞ್ಚ ಅವಿಗತೇ ತೀಣಿ. (ಸಂಖಿತ್ತಂ.)

(ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)

೩೬. ಕುಸಲಂ ಸುಖಸಹಗತಂ ಧಮ್ಮಂ ಪಟಿಚ್ಚ ಕುಸಲೋ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಸುಖಸಹಗತಂ ಧಮ್ಮಂ ಪಟಿಚ್ಚ ಅಕುಸಲೋ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಸುಖಸಹಗತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ತೀಣಿ, ಆರಮ್ಮಣೇ ತೀಣಿ, ಅವಿಗತೇ ತೀಣಿ. (ಸಂಖಿತ್ತಂ. ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ.)

೩೭. ಕುಸಲಂ ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಕುಸಲೋ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಕುಸಲಂ ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಅಕುಸಲೋ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ಅಬ್ಯಾಕತಂ ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ತೀಣಿ, ಅವಿಗತೇ ತೀಣಿ. (ಸಂಖಿತ್ತಂ.)

(ಸಹಜಾತವಾರಮ್ಪಿ…ಪೇ… ಪಞ್ಹಾವಾರಮ್ಪಿ ವಿತ್ಥಾರೇತಬ್ಬಂ.)

೧-೭. ಕುಸಲತ್ತಿಕ-ದಸ್ಸನತ್ತಿಕಂ

೧-೭. ಪಟಿಚ್ಚವಾರಾದಿ

ಪಚ್ಚಯಚತುಕ್ಕಂ

೩೮. ಅಕುಸಲಂ ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ಅಕುಸಲೋ ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.)

ಹೇತುಯಾ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.)

(ಸಹಜಾತವಾರೇಪಿ…ಪೇ… ಪಞ್ಹಾವಾರೇಪಿ ಸಬ್ಬತ್ಥ ಏಕಂ.)

೩೯. ಅಕುಸಲಂ ಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಅಕುಸಲೋ ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧) (ಸಂಖಿತ್ತಂ.)

ಹೇತುಯಾ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.)

೪೦. ಕುಸಲಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಕುಸಲೋ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಬ್ಯಾಕತಂ ನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ಅಬ್ಯಾಕತೋ ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)