ಅನುತ್ತರಪದಂ

ಹೇತು-ಅನನ್ತರಪಚ್ಚಯಾ

೯೦. ನಸರಣಂ ನಅನುತ್ತರಂ ಧಮ್ಮಂ ಪಚ್ಚಯಾ ಅರಣೋ ಅನುತ್ತರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ…ಪೇ… ಅವಿಗತೇ ಏಕಂ.

೯೧. ನಸರಣೋ ನಅನುತ್ತರೋ ಧಮ್ಮೋ ಅರಣಸ್ಸ ಅನುತ್ತರಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ. ಅನನ್ತರೇ ಏಕಂ, ಸಮನನ್ತರೇ ಏಕಂ, ಉಪನಿಸ್ಸಯೇ ದ್ವೇ, ಪುರೇಜಾತೇ ಏಕಂ, ಆಸೇವನೇ ಏಕಂ, ವಿಪ್ಪಯುತ್ತೇ ಏಕಂ, ಅತ್ಥಿಯಾ ಏಕಂ, ನತ್ಥಿಯಾ ಏಕಂ, ವಿಗತೇ ಏಕಂ, ಅವಿಗತೇ ಏಕಂ.

ಪಚ್ಚನೀಯುದ್ಧಾರೋ

೯೨. ನಸರಣೋ ನಅನುತ್ತರೋ ಧಮ್ಮೋ ಅರಣಸ್ಸ ಅನುತ್ತರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ.

ನಅರಣೋ ನಅನುತ್ತರೋ ಧಮ್ಮೋ ಅರಣಸ್ಸ ಅನುತ್ತರಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ. ನಹೇತುಯಾ ದ್ವೇ, ನಆರಮ್ಮಣೇ ದ್ವೇ…ಪೇ… ನಉಪನಿಸ್ಸಯೇ ಏಕಂ, ನಪುರೇಜಾತೇ ದ್ವೇ…ಪೇ… ನೋಅವಿಗತೇ ದ್ವೇ.

ಉಪನಿಸ್ಸಯಪಚ್ಚಯಾ ನಹೇತುಯಾ ದ್ವೇ. (ಸಂಖಿತ್ತಂ.)

ನಹೇತುಪಚ್ಚಯಾ ಉಪನಿಸ್ಸಯೇ ದ್ವೇ, ಪುರೇಜಾತೇ ಏಕಂ…ಪೇ… ಅತ್ಥಿಯಾ ಏಕಂ…ಪೇ… ಅವಿಗತೇ ಏಕಂ. (ಸಂಖಿತ್ತಂ.)

(ಯಥಾ ಕುಸಲತ್ತಿಕೇ ಪಞ್ಹಾವಾರಂ ಏವಂ ವಿತ್ಥಾರೇತಬ್ಬಂ.)

ಅನುಲೋಮದುಕತಿಕಪಟ್ಠಾನತೋ ಪಟ್ಠಾಯ ಯಾವ ಪರಿಯೋಸಾನಾ ತಿಂಸಮತ್ತೇಹಿ ಭಾಣವಾರೇಹಿ ಪಟ್ಠಾನಂ.

ಧಮ್ಮಪಚ್ಚನೀಯಾನುಲೋಮೇ ದುಕದುಕಪಟ್ಠಾನಂ ನಿಟ್ಠಿತಂ.

ಪಚ್ಚನೀಯಾನುಲೋಮಪಟ್ಠಾನಂ ನಿಟ್ಠಿತಂ.

ಪಟ್ಠಾನಪಕರಣಂ ನಿಟ್ಠಿತಂ.