೧೩-೨೨. ಕೇನಚಿವಿಞ್ಞೇಯ್ಯದುಕ-ಸನಿದಸ್ಸನತ್ತಿಕಂ

೯೩. ನಕೇನಚಿ ವಿಞ್ಞೇಯ್ಯಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ಕೇನಚಿ ವಿಞ್ಞೇಯ್ಯೋ ಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕೇನಚಿ ವಿಞ್ಞೇಯ್ಯಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ಕೇನಚಿ ನವಿಞ್ಞೇಯ್ಯೋ ಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕೇನಚಿ ವಿಞ್ಞೇಯ್ಯಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ಕೇನಚಿ ವಿಞ್ಞೇಯ್ಯೋ ಸನಿದಸ್ಸನಸಪ್ಪಟಿಘೋ ಚ ಕೇನಚಿ ನವಿಞ್ಞೇಯ್ಯೋ ಸನಿದಸ್ಸನಸಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩)

ನಕೇನಚಿ ನವಿಞ್ಞೇಯ್ಯಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ… ತೀಣಿಯೇವ.

ನಕೇನಚಿ ವಿಞ್ಞೇಯ್ಯಂ ನಸನಿದಸ್ಸನಸಪ್ಪಟಿಘಞ್ಚ ನಕೇನಚಿ ನವಿಞ್ಞೇಯ್ಯಂ ನಸನಿದಸ್ಸನಸಪ್ಪಟಿಘಞ್ಚ ಧಮ್ಮಂ ಪಟಿಚ್ಚ… ತೀಣಿಯೇವ. (ಸಬ್ಬತ್ಥ ನವ.)

ನಕೇನಚಿ ವಿಞ್ಞೇಯ್ಯಂ ನಅನಿದಸ್ಸನಸಪ್ಪಟಿಘಸ್ಸ ಪುರಿಮಸದಿಸಂ ನವಪಞ್ಹಂ ಕಾತಬ್ಬಂ. ನಕೇನಚಿ ವಿಞ್ಞೇಯ್ಯಂ ನಅನಿದಸ್ಸನಅಪ್ಪಟಿಘಮೂಲಸ್ಸ ನವಪಞ್ಹಮೇವ. ಹೇತುಯಾ ನವ, ಅಧಿಪತಿಯಾ ನವ…ಪೇ… ಅವಿಗತೇ ನವ.