ಧಮ್ಮಪಚ್ಚನೀಯಾನುಲೋಮೇ ದುಕತಿಕಪಟ್ಠಾನಂ

೧-೧. ಹೇತುದುಕ-ಕುಸಲತ್ತಿಕಂ

೧. ನಹೇತುಂ ನಕುಸಲಂ ಧಮ್ಮಂ ಪಚ್ಚಯಾ ಹೇತು ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಕುಸಲಂ ಧಮ್ಮಂ ಪಚ್ಚಯಾ ನಹೇತು ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಕುಸಲಂ ಧಮ್ಮಂ ಪಚ್ಚಯಾ ಹೇತು ಕುಸಲೋ ಚ ನಹೇತು ಕುಸಲೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ.

ನಹೇತುಂ ನಅಕುಸಲಂ ಧಮ್ಮಂ ಪಚ್ಚಯಾ ಹೇತು ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨. ನಹೇತುಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನಹೇತು ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನಹೇತುಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನಹೇತು ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಅಬ್ಯಾಕತಞ್ಚ ನನಹೇತುಂ ನಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ನಹೇತು ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ.

೨-೪-೧. ಸಹೇತುಕಾದಿದುಕಾನಿ-ಕುಸಲತ್ತಿಕಂ

೩. ನಸಹೇತುಕಂ ನಕುಸಲಂ ಧಮ್ಮಂ ಪಚ್ಚಯಾ ಸಹೇತುಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಸಹೇತುಕಂ ನಅಕುಸಲಂ ಧಮ್ಮಂ ಪಚ್ಚಯಾ ಸಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೪. ನಸಹೇತುಕಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಅಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಹೇತುಕಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಅಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸಹೇತುಕಂ ನಅಬ್ಯಾಕತಞ್ಚ ನಅಹೇತುಕಂ ನಅಬ್ಯಾಕತಞ್ಚ ಧಮ್ಮಂ ಪಟಿಚ್ಚ ಅಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೫. ನಹೇತುಸಮ್ಪಯುತ್ತಂ ನಕುಸಲಂ ಧಮ್ಮಂ ಪಚ್ಚಯಾ….

೬. ನಹೇತು ಚೇವ ನಅಹೇತುಕೋ ಚ ನಕುಸಲೋ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಚೇವ ನಅಹೇತುಕೋ ಚ ನಕುಸಲೋ ಧಮ್ಮೋ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಚೇವ ನಅಹೇತುಕೋ ಚ ನಕುಸಲೋ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಕುಸಲಸ್ಸ ಚ ಸಹೇತುಕಸ್ಸ ಚೇವ ನ ಚ ಹೇತುಸ್ಸ ಕುಸಲಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ತೀಣಿ.

ನಅಹೇತುಕೋ ಚೇವ ನನ ಚ ಹೇತು ನಕುಸಲೋ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ನಹೇತು ಚೇವ ನಅಹೇತುಕೋ ನಕುಸಲೋ ಚ ನಅಹೇತುಕೋ ಚೇವ ನನಹೇತು ನಕುಸಲೋ ಚ ಧಮ್ಮಾ ಹೇತುಸ್ಸ ಚೇವ ಸಹೇತುಕಸ್ಸ ಚ ಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ. (ಸಬ್ಬತ್ಥ ನವ ಪಞ್ಹಾ.)

೭. ನಹೇತು ಚೇವ ನಅಹೇತುಕೋ ಚ ನಅಕುಸಲೋ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ, ನವ ಪಞ್ಹಾ).

ನಹೇತು ಚೇವ ನಅಹೇತುಕೋ ಚ ನಅಬ್ಯಾಕತೋ ಧಮ್ಮೋ ಹೇತುಸ್ಸ ಚೇವ ಸಹೇತುಕಸ್ಸ ಚ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ. (ನವ ಪಞ್ಹಾ.)

೫-೧. ಹೇತುಹೇತುಸಮ್ಪಯುತ್ತದುಕ-ಕುಸಲತ್ತಿಕಂ

೮. ನಹೇತು ಚೇವ ನಹೇತುವಿಪ್ಪಯುತ್ತೋ ಚ ನಕುಸಲೋ ಧಮ್ಮೋ ಹೇತುಸ್ಸ ಚೇವ ಹೇತುಸಮ್ಪಯುತ್ತಸ್ಸ ಚ ಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ, ನವ ಪಞ್ಹಾ ಕಾತಬ್ಬಾ).

ನಹೇತು ಚೇವ ನಹೇತುವಿಪ್ಪಯುತ್ತೋ ಚ ನಅಕುಸಲೋ ಧಮ್ಮೋ ಹೇತುಸ್ಸ ಚೇವ ಹೇತುಸಮ್ಪಯುತ್ತಸ್ಸ ಚ ಅಕುಸಲಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ, ನವ ಪಞ್ಹಾ ಕಾತಬ್ಬಾ).

ನಹೇತು ಚೇವ ನಹೇತುವಿಪ್ಪಯುತ್ತೋ ಚ ನಅಬ್ಯಾಕತೋ ಧಮ್ಮೋ ಹೇತುಸ್ಸ ಚೇವ ಹೇತುಸಮ್ಪಯುತ್ತಸ್ಸ ಚ ಅಬ್ಯಾಕತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ. (ನವ ಪಞ್ಹಾ ಕಾತಬ್ಬಾ.)

೬-೧. ನಹೇತುಸಹೇತುಕದುಕ-ಕುಸಲತ್ತಿಕಂ

೯. ನಹೇತುಂ ನಸಹೇತುಕಂ ನಕುಸಲಂ ಧಮ್ಮಂ ಪಚ್ಚಯಾ ನಹೇತು ಸಹೇತುಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಹೇತುಂ ನಸಹೇತುಕಂ ನಅಕುಸಲಂ ಧಮ್ಮಂ ಪಚ್ಚಯಾ ನಹೇತು ಸಹೇತುಕೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಹೇತುಂ ನಅಹೇತುಕಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನಹೇತು ಅಹೇತುಕೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೭-೧೩-೧. ಚೂಳನ್ತರದುಕಾನಿ-ಕುಸಲತ್ತಿಕಂ

೧೦. ನಅಪ್ಪಚ್ಚಯಂ ನಕುಸಲಂ ಧಮ್ಮಂ ಪಚ್ಚಯಾ ಸಪ್ಪಚ್ಚಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಅಪ್ಪಚ್ಚಯಂ ನಅಕುಸಲಂ ಧಮ್ಮಂ ಪಚ್ಚಯಾ ಸಪ್ಪಚ್ಚಯೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಅಪ್ಪಚ್ಚಯಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಸಪ್ಪಚ್ಚಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೧೧. ನಅಸಙ್ಖತಂ…ಪೇ… (ಸಪ್ಪಚ್ಚಯದುಕಸದಿಸಂ).

೧೨. ನಸನಿದಸ್ಸನಂ ನಕುಸಲಂ ಧಮ್ಮಂ ಪಚ್ಚಯಾ ಅನಿದಸ್ಸನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಸನಿದಸ್ಸನಂ ನಅಕುಸಲಂ ಧಮ್ಮಂ ಪಚ್ಚಯಾ ಅನಿದಸ್ಸನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಸನಿದಸ್ಸನಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಸನಿದಸ್ಸನೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಅನಿದಸ್ಸನೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಸನಿದಸ್ಸನಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಸನಿದಸ್ಸನೋ ಅಬ್ಯಾಕತೋ ಚ ಅನಿದಸ್ಸನೋ ಅಬ್ಯಾಕತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. (೩) …ಹೇತುಯಾ ತೀಣಿ.

೧೩. ನಸಪ್ಪಟಿಘಂ ನಕುಸಲಂ ಧಮ್ಮಂ ಪಚ್ಚಯಾ ಅಪ್ಪಟಿಘೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

೧೪. ನಅರೂಪಿಂ ನಕುಸಲಂ ಧಮ್ಮಂ ಪಚ್ಚಯಾ ಅರೂಪೀ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಅರೂಪಿಂ ನಅಕುಸಲಂ ಧಮ್ಮಂ ಪಚ್ಚಯಾ ಅರೂಪೀ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನರೂಪಿಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ರೂಪೀ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೧೫. ನಲೋಕುತ್ತರಂ ನಕುಸಲಂ ಧಮ್ಮಂ ಪಚ್ಚಯಾ ಲೋಕಿಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಲೋಕುತ್ತರಂ ನಕುಸಲಂ ಧಮ್ಮಂ ಪಚ್ಚಯಾ ಲೋಕುತ್ತರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

ನಲೋಕುತ್ತರಂ ನಅಕುಸಲಂ ಧಮ್ಮಂ ಪಚ್ಚಯಾ ಲೋಕಿಯೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಲೋಕಿಯಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಲೋಕಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಲೋಕುತ್ತರಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಲೋಕಿಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೧೬. ನಕೇನಚಿ ವಿಞ್ಞೇಯ್ಯಂ ನಕುಸಲಂ ಧಮ್ಮಂ ಪಚ್ಚಯಾ ಕೇನಚಿ ವಿಞ್ಞೇಯ್ಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಕೇನಚಿ ನವಿಞ್ಞೇಯ್ಯಂ ನಕುಸಲಂ ಧಮ್ಮಂ ಪಚ್ಚಯಾ ಕೇನಚಿ ನವಿಞ್ಞೇಯ್ಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಕೇನಚಿ ವಿಞ್ಞೇಯ್ಯಂ ನಕುಸಲಞ್ಚ ನಕೇನಚಿ ನವಿಞ್ಞೇಯ್ಯಂ ನಕುಸಲಞ್ಚ ಧಮ್ಮಂ ಪಚ್ಚಯಾ ಕೇನಚಿ ವಿಞ್ಞೇಯ್ಯೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. (ಸಬ್ಬತ್ಥ ನವ.)

ನಕೇನಚಿ ವಿಞ್ಞೇಯ್ಯಂ ನಅಕುಸಲಂ ಧಮ್ಮಂ ಪಚ್ಚಯಾ ಕೇನಚಿ ವಿಞ್ಞೇಯ್ಯೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಕೇನಚಿ ನವಿಞ್ಞೇಯ್ಯಂ ನಅಕುಸಲಂ ಧಮ್ಮಂ ಪಚ್ಚಯಾ ಕೇನಚಿ ನವಿಞ್ಞೇಯ್ಯೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

ನಕೇನಚಿ ವಿಞ್ಞೇಯ್ಯಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಕೇನಚಿ ವಿಞ್ಞೇಯ್ಯೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

೧೪-೧. ಆಸವದುಕ-ಕುಸಲತ್ತಿಕಂ

೧೭. ನಆಸವಂ ನಕುಸಲಂ ಧಮ್ಮಂ ಪಚ್ಚಯಾ ನೋಆಸವೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಆಸವಂ ನಅಕುಸಲಂ ಧಮ್ಮಂ ಪಚ್ಚಯಾ ಆಸವೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಆಸವಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನೋಆಸವೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನೋಆಸವಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನೋಆಸವೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ದುಕಮೂಲಕಂ ಏಕಂ.)… ಹೇತುಯಾ ತೀಣಿ.

೧೫-೧. ಸಾಸವದುಕ-ಕುಸಲತ್ತಿಕಂ

೧೮. ನಅನಾಸವಂ ನಕುಸಲಂ ಧಮ್ಮಂ ಪಚ್ಚಯಾ ಅನಾಸವೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನಾಸವಂ ನಕುಸಲಂ ಧಮ್ಮಂ ಪಚ್ಚಯಾ ಸಾಸವೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

ನಅನಾಸವಂ ನಅಕುಸಲಂ ಧಮ್ಮಂ ಪಚ್ಚಯಾ ಸಾಸವೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೧೬-೧. ಆಸವಸಮ್ಪಯುತ್ತದುಕ-ಕುಸಲತ್ತಿಕಂ

೧೯. ನಆಸವಸಮ್ಪಯುತ್ತಂ ನಕುಸಲಂ ಧಮ್ಮಂ ಪಚ್ಚಯಾ ಆಸವವಿಪ್ಪಯುತ್ತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಆಸವಸಮ್ಪಯುತ್ತಂ ನಅಕುಸಲಂ ಧಮ್ಮಂ ಪಚ್ಚಯಾ ಆಸವಸಮ್ಪಯುತ್ತೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಆಸವಸಮ್ಪಯುತ್ತಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಆಸವವಿಪ್ಪಯುತ್ತೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧೭-೧. ಆಸವಸಾಸವದುಕ-ಕುಸಲತ್ತಿಕಂ

೨೦. ನಆಸವಞ್ಚೇವ ನಅನಾಸವಞ್ಚ ನಕುಸಲಂ ಧಮ್ಮಂ ಪಚ್ಚಯಾ ಸಾಸವೋ ಚೇವ ನೋಆಸವೋ ಚ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಆಸವಞ್ಚೇವ ನಅನಾಸವಞ್ಚ ನಅಕುಸಲಂ ಧಮ್ಮಂ ಪಚ್ಚಯಾ ಆಸವೋ ಚೇವ ಸಾಸವೋ ಚ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಆಸವಞ್ಚೇವ ನಅನಾಸವಞ್ಚ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಸಾಸವೋ ಚೇವ ನೋ ಚ ಆಸವೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

(ಆಸವಆಸವಸಮ್ಪಯುತ್ತದುಕಂ ನತ್ಥಿ.)

೧೯-೧. ಆಸವವಿಪ್ಪಯುತ್ತಸಾಸವದುಕ-ಕುಸಲತ್ತಿಕಂ

೨೧. ಆಸವವಿಪ್ಪಯುತ್ತಂ ನಅನಾಸವಂ ನಕುಸಲಂ ಧಮ್ಮಂ ಪಚ್ಚಯಾ ಆಸವವಿಪ್ಪಯುತ್ತೋ ಅನಾಸವೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಆಸವವಿಪ್ಪಯುತ್ತಂ ನಅನಾಸವಂ ನಕುಸಲಂ ಧಮ್ಮಂ ಪಚ್ಚಯಾ ಆಸವವಿಪ್ಪಯುತ್ತೋ ಸಾಸವೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

ಆಸವವಿಪ್ಪಯುತ್ತಂ ನಅನಾಸವಂ ನಅಕುಸಲಂ ಧಮ್ಮಂ ಪಚ್ಚಯಾ ಆಸವವಿಪ್ಪಯುತ್ತೋ ಸಾಸವೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ಆಸವವಿಪ್ಪಯುತ್ತಂ ನಸಾಸವಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಆಸವವಿಪ್ಪಯುತ್ತೋ ಸಾಸವೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಆಸವವಿಪ್ಪಯುತ್ತಂ ನಅನಾಸವಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಆಸವವಿಪ್ಪಯುತ್ತೋ ಸಾಸವೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೨೦-೫೪-೧. ಸಞ್ಞೋಜನಾದಿಛಗೋಚ್ಛಕಾನಿ-ಕುಸಲತ್ತಿಕಂ

೨೨. ನಸಞ್ಞೋಜನಂ ನಅಕುಸಲಂ ಧಮ್ಮಂ ಪಚ್ಚಯಾ ಸಞ್ಞೋಜನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೩. ನಗನ್ಥಂ ನಅಕುಸಲಂ ಧಮ್ಮಂ ಪಚ್ಚಯಾ ಗನ್ಥೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೪. ನಓಘಂ ನಅಕುಸಲಂ ಧಮ್ಮಂ ಪಚ್ಚಯಾ ಓಘೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೫. ನಯೋಗಂ ನಅಕುಸಲಂ ಧಮ್ಮಂ ಪಚ್ಚಯಾ ಯೋಗೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೬. ನನೀವರಣಂ ನಅಕುಸಲಂ ಧಮ್ಮಂ ಪಚ್ಚಯಾ ನೀವರಣೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೭. ನಪರಾಮಾಸಂ ನಅಕುಸಲಂ ಧಮ್ಮಂ ಪಚ್ಚಯಾ ಪರಾಮಾಸೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೫೫-೬೮-೧. ಮಹನ್ತರದುಕಾನಿ-ಕುಸಲತ್ತಿಕಂ

೨೮. ನಸಾರಮ್ಮಣಂ ನಕುಸಲಂ ಧಮ್ಮಂ ಪಚ್ಚಯಾ ಸಾರಮ್ಮಣೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಸಾರಮ್ಮಣಂ ನಅಕುಸಲಂ ಧಮ್ಮಂ ಪಚ್ಚಯಾ ಸಾರಮ್ಮಣೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಅನಾರಮ್ಮಣಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಅನಾರಮ್ಮಣೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೨೯. ನೋಚಿತ್ತಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ. (ನಅಕುಸಲೇ ತೀಣಿ. ನಅಬ್ಯಾಕತೇ ತೀಣಿ. ಸಂಖಿತ್ತಂ.)

೩೦. ನಚೇತಸಿಕಂ ನಕುಸಲಂ ಧಮ್ಮಂ ಪಚ್ಚಯಾ ಚೇತಸಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೧. ನಚಿತ್ತಸಮ್ಪಯುತ್ತಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತಸಮ್ಪಯುತ್ತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೩೨. ನಚಿತ್ತಸಂಸಟ್ಠಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೩೩. ನಚಿತ್ತಸಮುಟ್ಠಾನಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತಸಮುಟ್ಠಾನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೪. ನಚಿತ್ತಸಹಭುಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತಸಹಭೂ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೫. ನಚಿತ್ತಾನುಪರಿವತ್ತಿಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತಾನುಪರಿವತ್ತೀ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೬. ನಚಿತ್ತಸಂಸಟ್ಠಸಮುಟ್ಠಾನಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೭. ನಚಿತ್ತಸಂಸಟ್ಠಸಮುಟ್ಠಾನಸಹಭುಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನಸಹಭೂ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೮. ನಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತಿಂ ನಕುಸಲಂ ಧಮ್ಮಂ ಪಚ್ಚಯಾ ಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತೀ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೯. ನಅಜ್ಝತ್ತಿಕಂ ನಕುಸಲಂ ಧಮ್ಮಂ ಪಚ್ಚಯಾ ಅಜ್ಝತ್ತಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೪೦. ನನೋಉಪಾದಾ ನಕುಸಲಂ ಧಮ್ಮಂ ಪಚ್ಚಯಾ ನೋಉಪಾದಾ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೪೧. ನಅನುಪಾದಿನ್ನಂ ನಕುಸಲಂ ಧಮ್ಮಂ ಪಚ್ಚಯಾ ಅನುಪಾದಿನ್ನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೬೯-೭೪-೧. ಉಪಾದಾನದುಕಾದಿ-ಕುಸಲತ್ತಿಕಂ

೪೨. ನಉಪಾದಾನಂ ನಅಕುಸಲಂ ಧಮ್ಮಂ ಪಚ್ಚಯಾ ಉಪಾದಾನೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೭೫-೮೨-೧. ಕಿಲೇಸದುಕಾದಿ-ಕುಸಲತ್ತಿಕಂ

೪೩. ನಕಿಲೇಸಂ ನಅಕುಸಲಂ ಧಮ್ಮಂ ಪಚ್ಚಯಾ ಕಿಲೇಸೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೮೩-೧೦೦-೧. ಪಿಟ್ಠಿದುಕಾನಿ-ಕುಸಲತ್ತಿಕಂ

೪೪. ನದಸ್ಸನೇನ ಪಹಾತಬ್ಬಂ ನಕುಸಲಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನದಸ್ಸನೇನ ಪಹಾತಬ್ಬಂ ನಅಕುಸಲಂ ಧಮ್ಮಂ ಪಚ್ಚಯಾ ದಸ್ಸನೇನ ಪಹಾತಬ್ಬೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನದಸ್ಸನೇನ ಪಹಾತಬ್ಬಂ ನಅಕುಸಲಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

ನದಸ್ಸನೇನ ಪಹಾತಬ್ಬಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನದಸ್ಸನೇನ ಪಹಾತಬ್ಬಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೪೫. ನಭಾವನಾಯ ಪಹಾತಬ್ಬಂ ನಕುಸಲಂ ಧಮ್ಮಂ ಪಚ್ಚಯಾ ನಭಾವನಾಯ ಪಹಾತಬ್ಬೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೪೬. ನದಸ್ಸನೇನ ಪಹಾತಬ್ಬಹೇತುಕಂ ನಕುಸಲಂ ಧಮ್ಮಂ ಪಚ್ಚಯಾ ನದಸ್ಸನೇನ ಪಹಾತಬ್ಬಹೇತುಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೪೭. ನಭಾವನಾಯ ಪಹಾತಬ್ಬಹೇತುಕಂ ನಕುಸಲಂ ಧಮ್ಮಂ ಪಚ್ಚಯಾ ನಭಾವನಾಯ ಪಹಾತಬ್ಬಹೇತುಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೪೮. ನಸವಿತಕ್ಕಂ ನಕುಸಲಂ ಧಮ್ಮಂ ಪಚ್ಚಯಾ ಸವಿತಕ್ಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೪೯. ನಸವಿಚಾರಂ ನಕುಸಲಂ ಧಮ್ಮಂ ಪಚ್ಚಯಾ ಸವಿಚಾರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೫೦. ನಸಪ್ಪೀತಿಕಂ ನಕುಸಲಂ ಧಮ್ಮಂ ಪಚ್ಚಯಾ ಸಪ್ಪೀತಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೫೧. ನಪೀತಿಸಹಗತಂ ನಕುಸಲಂ ಧಮ್ಮಂ ಪಚ್ಚಯಾ ಪೀತಿಸಹಗತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೫೨. ನಸುಖಸಹಗತಂ ನಕುಸಲಂ ಧಮ್ಮಂ ಪಚ್ಚಯಾ ಸುಖಸಹಗತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೫೩. ನಉಪೇಕ್ಖಾಸಹಗತಂ ನಕುಸಲಂ ಧಮ್ಮಂ ಪಚ್ಚಯಾ ಉಪೇಕ್ಖಾಸಹಗತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೫೪. ನನಕಾಮಾವಚರಂ ನಕುಸಲಂ ಧಮ್ಮಂ ಪಚ್ಚಯಾ ನಕಾಮಾವಚರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನಕಾಮಾವಚರಂ ನಕುಸಲಂ ಧಮ್ಮಂ ಪಚ್ಚಯಾ ಕಾಮಾವಚರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೫೫. ನರೂಪಾವಚರಂ ನಕುಸಲಂ ಧಮ್ಮಂ ಪಚ್ಚಯಾ ರೂಪಾವಚರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನರೂಪಾವಚರಂ ನಕುಸಲಂ ಧಮ್ಮಂ ಪಚ್ಚಯಾ ನರೂಪಾವಚರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೫೬. ನಅರೂಪಾವಚರಂ ನಕುಸಲಂ ಧಮ್ಮಂ ಪಚ್ಚಯಾ ಅರೂಪಾವಚರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅರೂಪಾವಚರಂ ನಕುಸಲಂ ಧಮ್ಮಂ ಪಚ್ಚಯಾ ನಅರೂಪಾವಚರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೫೭. ನಅಪರಿಯಾಪನ್ನಂ ನಕುಸಲಂ ಧಮ್ಮಂ ಪಚ್ಚಯಾ ಅಪರಿಯಾಪನ್ನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅಪರಿಯಾಪನ್ನಂ ನಕುಸಲಂ ಧಮ್ಮಂ ಪಚ್ಚಯಾ ಪರಿಯಾಪನ್ನೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೫೮. ನನಿಯ್ಯಾನಿಕಂ ನಕುಸಲಂ ಧಮ್ಮಂ ಪಚ್ಚಯಾ ನಿಯ್ಯಾನಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನಿಯ್ಯಾನಿಕಂ ನಕುಸಲಂ ಧಮ್ಮಂ ಪಚ್ಚಯಾ ನಅನಿಯ್ಯಾನಿಕೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೫೯. ನನಿಯತಂ ನಕುಸಲಂ ಧಮ್ಮಂ ಪಚ್ಚಯಾ ನಿಯತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನಿಯತಂ ನಕುಸಲಂ ಧಮ್ಮಂ ಪಚ್ಚಯಾ ಅನಿಯತೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೬೦. ನಅನುತ್ತರಂ ನಕುಸಲಂ ಧಮ್ಮಂ ಪಚ್ಚಯಾ ಅನುತ್ತರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅನುತ್ತರಂ ನಕುಸಲಂ ಧಮ್ಮಂ ಪಚ್ಚಯಾ ಸಉತ್ತರೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೬೧. ನಸರಣಂ ನಕುಸಲಂ ಧಮ್ಮಂ ಪಚ್ಚಯಾ ಅರಣೋ ಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಸರಣಂ ನಅಕುಸಲಂ ಧಮ್ಮಂ ಪಚ್ಚಯಾ ಸರಣೋ ಅಕುಸಲೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಸರಣಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಅರಣೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಅರಣಂ ನಅಬ್ಯಾಕತಂ ಧಮ್ಮಂ ಪಟಿಚ್ಚ ಅರಣೋ ಅಬ್ಯಾಕತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೧-೨. ಹೇತುದುಕ-ವೇದನಾತ್ತಿಕಂ

೬೨. ನಹೇತುಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ನಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಚ ನಹೇತು ಸುಖಾಯ ವೇದನಾಯ ಸಮ್ಪಯುತ್ತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ. ನಹೇತು ನದುಕ್ಖಾಯ ವೇದನಾಯ ಸಮ್ಪಯುತ್ತಮೂಲಂ ತೀಣಿಯೇವ.

ನಹೇತುಂ ನಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಂ ಧಮ್ಮಂ ಪಟಿಚ್ಚ ಹೇತು ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧-೩. ಹೇತುದುಕ-ವಿಪಾಕತ್ತಿಕಂ

೬೩. ನಹೇತುಂ ನವಿಪಾಕಂ ಧಮ್ಮಂ ಪಟಿಚ್ಚ ಹೇತು ವಿಪಾಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನವಿಪಾಕಧಮ್ಮಧಮ್ಮಂ ಪಚ್ಚಯಾ ಹೇತು ವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನನೇವವಿಪಾಕನವಿಪಾಕಧಮ್ಮಧಮ್ಮಂ ಪಟಿಚ್ಚ ನಹೇತು ನೇವವಿಪಾಕನವಿಪಾಕಧಮ್ಮಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧-೪. ಹೇತುದುಕ-ಉಪಾದಿನ್ನತ್ತಿಕಂ

೬೪. ನಹೇತು ನಉಪಾದಿನ್ನುಪಾದಾನಿಯೋ ಧಮ್ಮೋ ಹೇತುಸ್ಸ ಉಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ನಉಪಾದಿನ್ನುಪಾದಾನಿಯೋ ಧಮ್ಮೋ ನಹೇತುಸ್ಸ ಉಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ನಉಪಾದಿನ್ನುಪಾದಾನಿಯೋ ಧಮ್ಮೋ ಹೇತುಸ್ಸ ಉಪಾದಿನ್ನುಪಾದಾನಿಯಸ್ಸ ಚ ನಹೇತುಸ್ಸ ಉಪಾದಿನ್ನುಪಾದಾನಿಯಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ನನಹೇತು ನಉಪಾದಿನ್ನುಪಾದಾನಿಯೋ ಧಮ್ಮೋ ನಹೇತುಸ್ಸ ಉಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ.

ನಹೇತು ನಉಪಾದಿನ್ನುಪಾದಾನಿಯೋ ಚ ನನಹೇತು ನಉಪಾದಿನ್ನುಪಾದಾನಿಯೋ ಚ ಧಮ್ಮಾ ಹೇತುಸ್ಸ ಉಪಾದಿನ್ನುಪಾದಾನಿಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ. (ನವ ಪಞ್ಹಾ ಸಂಖಿತ್ತಂ.)

ನಹೇತುಂ ನಅನುಪಾದಿನ್ನುಪಾದಾನಿಯಂ ಧಮ್ಮಂ ಪಚ್ಚಯಾ ಹೇತು ಅನುಪಾದಿನ್ನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಅನುಪಾದಿನ್ನಅನುಪಾದಾನಿಯಂ ಧಮ್ಮಂ ಪಚ್ಚಯಾ ಹೇತು ಅನುಪಾದಿನ್ನಅನುಪಾದಾನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧-೫. ಹೇತುದುಕ-ಸಂಕಿಲಿಟ್ಠತ್ತಿಕಂ

೬೫. ನಹೇತುಂ ನಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಚ್ಚಯಾ ಹೇತು ಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಅಸಂಕಿಲಿಟ್ಠಸಂಕಿಲೇಸಿಕಂ ಧಮ್ಮಂ ಪಟಿಚ್ಚ ನಹೇತು ಅಸಂಕಿಲಿಟ್ಠಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಅಸಂಕಿಲಿಟ್ಠಅಸಂಕಿಲೇಸಿಕಂ ಧಮ್ಮಂ ಪಚ್ಚಯಾ ಹೇತು ಅಸಂಕಿಲಿಟ್ಠಅಸಂಕಿಲೇಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧-೬. ಹೇತುದುಕ-ವಿತಕ್ಕತ್ತಿಕಂ

೬೬. ನಹೇತುಂ ನಸವಿತಕ್ಕಸವಿಚಾರಂ ಧಮ್ಮಂ ಪಟಿಚ್ಚ ಹೇತು ಸವಿತಕ್ಕಸವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಅವಿತಕ್ಕವಿಚಾರಮತ್ತಂ ಧಮ್ಮಂ ಪಟಿಚ್ಚ ಹೇತು ಅವಿತಕ್ಕವಿಚಾರಮತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಅವಿತಕ್ಕಅವಿಚಾರಂ ಧಮ್ಮಂ ಪಟಿಚ್ಚ ನಹೇತು ಅವಿತಕ್ಕಅವಿಚಾರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧-೭. ಹೇತುದುಕ-ಪೀತಿತ್ತಿಕಂ

೬೭. ನಹೇತುಂ ನಪೀತಿಸಹಗತಂ ಧಮ್ಮಂ ಪಟಿಚ್ಚ ಹೇತು ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಸುಖಸಹಗತಂ ಧಮ್ಮಂ ಪಟಿಚ್ಚ ಹೇತು ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಹೇತು ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧-೮. ಹೇತುದುಕ-ದಸ್ಸನತ್ತಿಕಂ

೬೮. ನಹೇತುಂ ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ಹೇತು ದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಭಾವನಾಯ ಪಹಾತಬ್ಬಂ ಧಮ್ಮಂ ಪಚ್ಚಯಾ ಹೇತು ಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೬೯. ನಹೇತುಂ ನನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನಹೇತು ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನಹೇತುಂ ನನೇವದಸ್ಸನೇನ ನಭಾವನಾಯ ಪಹಾತಬ್ಬಂ ಧಮ್ಮಂ ಪಟಿಚ್ಚ ನಹೇತು ನೇವದಸ್ಸನೇನ ನಭಾವನಾಯ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ದುಕಮೂಲಂ ಏಕಂ ಸಂಖಿತ್ತಂ, ಸಬ್ಬತ್ಥ ತೀಣಿ.)

೧-೯. ಹೇತುದುಕ-ದಸ್ಸನಹೇತುತ್ತಿಕಂ

೭೦. ನನಹೇತುಂ ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನಹೇತು ದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನನಹೇತುಂ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನಹೇತು ಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೭೧. ನಹೇತುಂ ನನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನಹೇತು ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನನಹೇತುಂ ನನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನಹೇತು ನೇವದಸ್ಸನೇನ ನಭಾವನಾಯ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಗಣಿತಕೇನ ತೀಣಿ.

೧-೧೦. ಹೇತುದುಕ-ಆಚಯಗಾಮಿತ್ತಿಕಂ

೭೨. ನಹೇತುಂ ನಆಚಯಗಾಮಿಂ ಧಮ್ಮಂ ಪಚ್ಚಯಾ ಹೇತು ಆಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನಅಪಚಯಗಾಮಿಂ ಧಮ್ಮಂ ಪಚ್ಚಯಾ ಹೇತು ಅಪಚಯಗಾಮೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.