೨-೫-೨೨. ಸಹೇತುಕಾದಿದುಕಾನಿ-ಸನಿದಸ್ಸನತ್ತಿಕಂ

೮೬. ನಸಹೇತುಕಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ಅಹೇತುಕೋ ಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ನಅಹೇತುಕಂ ನಸನಿದಸ್ಸನಸಪ್ಪಟಿಘಂ ಧಮ್ಮಂ ಪಟಿಚ್ಚ ಅಹೇತುಕೋ ಸನಿದಸ್ಸನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ. ಗಣಿತಕೇನ ತೀಣಿ ಪಞ್ಹಾ.

(ನಸಹೇತುಕನಅನಿದಸ್ಸನಸಪ್ಪಟಿಘಮೂಲೇಪಿ ತೀಣಿಯೇವ.)

ನಸಹೇತುಕಂ ನಅನಿದಸ್ಸನಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಹೇತುಕೋ ಅನಿದಸ್ಸನಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

(ನಹೇತುಸಮ್ಪಯುತ್ತಂ ನಸನಿದಸ್ಸನಸಪ್ಪಟಿಘಂ ಸಹೇತುಕದುಕಸದಿಸಂ. ತೀಣಿ ಪಞ್ಹಾ. ಹೇತುಸಹೇತುಕದುಕೇ ಚ ಹೇತುಹೇತುಸಮ್ಪಯುತ್ತದುಕೇ ಚ ಪಞ್ಹಾ ನೋ ಲಬ್ಭತಿ.)