೧೦೦. ಸರಣದುಕಂ

೧-೭. ಪಟಿಚ್ಚವಾರಾದಿ

೫೫. ನಸರಣಂ ಧಮ್ಮಂ ಪಟಿಚ್ಚ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ನಅರಣಂ ಧಮ್ಮಂ ಪಟಿಚ್ಚ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಸರಣಞ್ಚ ನಅರಣಞ್ಚ ಧಮ್ಮಂ ಪಟಿಚ್ಚ ಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ. ಹೇತುಯಾ ಪಞ್ಚ, ಆರಮ್ಮಣೇ ದ್ವೇ…ಪೇ… ಅವಿಗತೇ ಪಞ್ಚ.

ಪಚ್ಚನೀಯಂ

ನಹೇತುಪಚ್ಚಯೋ

೫೬. ನಸರಣಂ ಧಮ್ಮಂ ಪಟಿಚ್ಚ ಅರಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ. ನಅರಣಂ ಧಮ್ಮಂ ಪಟಿಚ್ಚ ಸರಣೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ (ಸಂಖಿತ್ತಂ).

ನಹೇತುಯಾ ದ್ವೇ, ನಆರಮ್ಮಣೇ ತೀಣಿ…ಪೇ… ನೋವಿಗತೇ ತೀಣಿ.

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

ಹೇತು-ಆರಮ್ಮಣಪಚ್ಚಯಾ

೫೭. ನಸರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ನಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ನಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. ನಅರಣೋ ಧಮ್ಮೋ ಸರಣಸ್ಸ ಚ ಅರಣಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೩)

೫೮. ನಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಸರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ದ್ವೇ.

ನಅರಣೋ ಧಮ್ಮೋ ಅರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಅರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ದ್ವೇ.

೫೯. ಹೇತುಯಾ ಚತ್ತಾರಿ, ಆರಮ್ಮಣೇ ಚತ್ತಾರಿ…ಪೇ… ಅವಿಗತೇ ಸತ್ತ.

ಪಚ್ಚನೀಯುದ್ಧಾರೋ

೬೦. ನಸರಣೋ ಧಮ್ಮೋ ಸರಣಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ, ಉಪನಿಸ್ಸಯಪಚ್ಚಯೇನ ಪಚ್ಚಯೋ, ಪುರೇಜಾತಪಚ್ಚಯೇನ ಪಚ್ಚಯೋ (ಸಂಖಿತ್ತಂ).

ನಹೇತುಯಾ ಸತ್ತ, ನಆರಮ್ಮಣೇ ಸತ್ತ…ಪೇ… ನೋಅವಿಗತೇ ಚತ್ತಾರಿ.

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಮ್ಪಿ ಪಚ್ಚನೀಯಮ್ಪಿ ಅನುಲೋಮಪಚ್ಚನೀಯಮ್ಪಿ ಪಚ್ಚನೀಯಾನುಲೋಮಮ್ಪಿ ಗಣಿತಂ, ಏವಂ ಗಣೇತಬ್ಬಂ.)

ಧಮ್ಮಪಚ್ಚನೀಯಾನುಲೋಮೇ ದುಕಪಟ್ಠಾನಂ ನಿಟ್ಠಿತಂ.