೮೩-೧. ಪಿಟ್ಠಿದುಕ-ಹೇತುದುಕಂ

೭೯. ದಸ್ಸನೇನ ಪಹಾತಬ್ಬಂ ಹೇತುಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನದಸ್ಸನೇನ ಪಹಾತಬ್ಬಂ ಹೇತುಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ… ಹೇತುಯಾ ಚತ್ತಾರಿ.

ದಸ್ಸನೇನ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನನದಸ್ಸನೇನ ಪಹಾತಬ್ಬೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ನದಸ್ಸನೇನ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ… ಹೇತುಯಾ ದ್ವೇ.

೮೦. ಭಾವನಾಯ ಪಹಾತಬ್ಬಂ ಹೇತುಂ ಧಮ್ಮಂ ಪಟಿಚ್ಚ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. ನಭಾವನಾಯ ಪಹಾತಬ್ಬಂ ಹೇತುಂ ಧಮ್ಮಂ ಪಟಿಚ್ಚ ನಭಾವನಾಯ ಪಹಾತಬ್ಬೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ… ಹೇತುಯಾ ಚತ್ತಾರಿ.

ಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನನಭಾವನಾಯ ಪಹಾತಬ್ಬೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ನಭಾವನಾಯ ಪಹಾತಬ್ಬಂ ನಹೇತುಂ ಧಮ್ಮಂ ಪಟಿಚ್ಚ ನಭಾವನಾಯ ಪಹಾತಬ್ಬೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ… ಹೇತುಯಾ ದ್ವೇ.

೮೧. ದಸ್ಸನೇನ ಪಹಾತಬ್ಬಹೇತುಕಂ ಹೇತುಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನದಸ್ಸನೇನ ಪಹಾತಬ್ಬಹೇತುಕಂ ಹೇತುಂ ಧಮ್ಮಂ ಪಟಿಚ್ಚ ನನದಸ್ಸನೇನ ಪಹಾತಬ್ಬಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. (ಸಬ್ಬತ್ಥ ಪಞ್ಹೇ ಸಂಖಿತ್ತಂ.)

ದಸ್ಸನೇನ ಪಹಾತಬ್ಬಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನನದಸ್ಸನೇನ ಪಹಾತಬ್ಬಹೇತುಕೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನದಸ್ಸನೇನ ಪಹಾತಬ್ಬಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನದಸ್ಸನೇನ ಪಹಾತಬ್ಬಹೇತುಕೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ. (ಸಂಖಿತ್ತಂ.)