ಧಮ್ಮಾನುಲೋಮಪಚ್ಚನೀಯೇ ದುಕದುಕಪಟ್ಠಾನಂ

೧-೧. ಹೇತುದುಕ-ಸಹೇತುಕದುಕಂ

೧. ಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಸಹೇತುಕಞ್ಚ ನಹೇತುಂ ಸಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಸಂಖಿತ್ತಂ.) ಹೇತುಯಾ ತೀಣಿ, ಆರಮ್ಮಣೇ ಏಕಂ…ಪೇ… ಅವಿಗತೇ ಪಞ್ಚ.

೨. ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ… (ಸಂಖಿತ್ತಂ.) ನಹೇತುಯಾ ಏಕಂ, ನಆರಮ್ಮಣೇ ತೀಣಿ…ಪೇ… ನೋವಿಗತೇ ತೀಣಿ.

(ಸಹಜಾತವಾರಮ್ಪಿ…ಪೇ… ಸಮ್ಪಯುತ್ತವಾರಮ್ಪಿ ಪಟಿಚ್ಚವಾರಸದಿಸಂ.)

ಹೇತು-ಆರಮ್ಮಣಪಚ್ಚಯಾ

೩. ಹೇತು ಸಹೇತುಕೋ ಧಮ್ಮೋ ನಹೇತುಸ್ಸ ನಸಹೇತುಕಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ. (೧)

ಹೇತು ಸಹೇತುಕೋ ಧಮ್ಮೋ ನಹೇತುಸ್ಸ ನಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಸಹೇತುಕೋ ಧಮ್ಮೋ ನನಹೇತುಸ್ಸ ನಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಹೇತು ಸಹೇತುಕೋ ಧಮ್ಮೋ ನಹೇತುಸ್ಸ ನಸಹೇತುಕಸ್ಸ ಚ ನನಹೇತುಸ್ಸ ನಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩)

ನಹೇತು ಸಹೇತುಕೋ ಧಮ್ಮೋ ನನಹೇತುಸ್ಸ ನಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಸಹೇತುಕೋ ಧಮ್ಮೋ ನಹೇತುಸ್ಸ ನಸಹೇತುಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಸಹೇತುಕೋ ಧಮ್ಮೋ ನಹೇತುಸ್ಸ ನಸಹೇತುಕಸ್ಸ ಚ ನನಹೇತುಸ್ಸ ನಸಹೇತುಕಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. (೩) (ಸಂಖಿತ್ತಂ.)

ಹೇತುಯಾ ಏಕಂ, ಆರಮ್ಮಣೇ ಛ, ಅಧಿಪತಿಯಾ ದ್ವೇ…ಪೇ… ಅವಿಗತೇ ಪಞ್ಚ. (ಪಞ್ಹಾವಾರಂ ವಿತ್ಥಾರೇತಬ್ಬಂ.)

೪. ಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. (ಸಂಖಿತ್ತಂ.) ಹೇತುಯಾ ಚತ್ತಾರಿ.

೧-೨. ಹೇತುದುಕ-ಹೇತುಸಮ್ಪಯುತ್ತದುಕಂ

೫. ಹೇತುಂ ಹೇತುಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಹೇತು ನಹೇತುಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. (ಸಹೇತುಕಸದಿಸಂ.)

ಹೇತುಂ ಹೇತುವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ನಹೇತು ನಹೇತುವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (೧)

ನಹೇತುಂ ಹೇತುವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ನನಹೇತು ನಹೇತುವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ. ಹೇತುಯಾ ಚತ್ತಾರಿ.

೧-೩-೫. ಹೇತುದುಕ-ಹೇತುಸಹೇತುಕಾದಿದುಕಾನಿ

೬. ಹೇತುಂ ಹೇತುಞ್ಚೇವ ಸಹೇತುಕಞ್ಚ ಧಮ್ಮಂ ಪಟಿಚ್ಚ ನಹೇತು ನಹೇತು ಚೇವ ನಅಹೇತುಕೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಹೇತುಂ ಸಹೇತುಕಞ್ಚೇವ ನ ಚ ಹೇತುಂ ಧಮ್ಮಂ ಪಟಿಚ್ಚ ನನಹೇತು ನಅಹೇತುಕೋ ಚೇವ ನನಹೇತು ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೭. ಹೇತುಂ ಹೇತುಞ್ಚೇವ ಹೇತುಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಹೇತು ನಹೇತು ಚೇವ ನಹೇತುವಿಪ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ನಹೇತುಂ ಹೇತುಸಮ್ಪಯುತ್ತಞ್ಚೇವ ನ ಚ ಹೇತುಂ ಧಮ್ಮಂ ಪಟಿಚ್ಚ ನನಹೇತು ನಹೇತುವಿಪ್ಪಯುತ್ತೋ ಚೇವ ನನಹೇತು ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೮. ನಹೇತುಂ ನಹೇತುಂ ಸಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಹೇತು ನಸಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಅಧಿಪತಿಯಾ ಏಕಂ.

ನಹೇತುಂ ನಹೇತುಂ ಅಹೇತುಕಂ ಧಮ್ಮಂ ಪಟಿಚ್ಚ ನಹೇತು ನಹೇತು ನಅಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೧-೬-೧೨. ಹೇತುದುಕ-ಚೂಳನ್ತರದುಕಾದಿ

೯. ನಹೇತು ಅಪ್ಪಚ್ಚಯೋ ಧಮ್ಮೋ ನನಹೇತುಸ್ಸ ನಅಪ್ಪಚ್ಚಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ… ನಹೇತು ಅಪ್ಪಚ್ಚಯೋ ಧಮ್ಮೋ ನಹೇತುಸ್ಸ ನಅಪ್ಪಚ್ಚಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಅಪ್ಪಚ್ಚಯೋ ಧಮ್ಮೋ ನಹೇತುಸ್ಸ ನಅಪ್ಪಚ್ಚಯಸ್ಸ ಚ ನನಹೇತುಸ್ಸ ನಅಪ್ಪಚ್ಚಯಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ…. (ಅಸಙ್ಖತಂ ಅಪ್ಪಚ್ಚಯಸದಿಸಂ.)

೧೦. ನಹೇತು ಸನಿದಸ್ಸನೋ ಧಮ್ಮೋ ನನಹೇತುಸ್ಸ ನಸನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಸನಿದಸ್ಸನೋ ಧಮ್ಮೋ ನಹೇತುಸ್ಸ ನಸನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ನಹೇತು ಸನಿದಸ್ಸನೋ ಧಮ್ಮೋ ನಹೇತುಸ್ಸ ನಸನಿದಸ್ಸನಸ್ಸ ಚ ನನಹೇತುಸ್ಸ ನಸನಿದಸ್ಸನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ. ಆರಮ್ಮಣೇ ತೀಣಿ.

ಹೇತುಂ ಅನಿದಸ್ಸನಂ ಧಮ್ಮಂ ಪಟಿಚ್ಚ ನಹೇತು ನಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧೧. ನಹೇತುಂ ಸಪ್ಪಟಿಘಂ ಧಮ್ಮಂ ಪಟಿಚ್ಚ ನಹೇತು ನಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಏಕಂ.

ಹೇತುಂ ಅಪ್ಪಟಿಘಂ ಧಮ್ಮಂ ಪಟಿಚ್ಚ ನಹೇತು ನಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧೨. ನಹೇತುಂ ರೂಪಿಂ ಧಮ್ಮಂ ಪಟಿಚ್ಚ ನನಹೇತು ನರೂಪೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ಹೇತುಂ ಅರೂಪಿಂ ಧಮ್ಮಂ ಪಟಿಚ್ಚ ನಹೇತು ನಅರೂಪೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧೩. ನಹೇತುಂ ಲೋಕಿಯಂ ಧಮ್ಮಂ ಪಚ್ಚಯಾ ನನಹೇತು ನಲೋಕಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ಹೇತುಂ ಲೋಕುತ್ತರಂ ಧಮ್ಮಂ ಪಟಿಚ್ಚ ನಹೇತು ನಲೋಕುತ್ತರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಲೋಕುತ್ತರಂ ಧಮ್ಮಂ ಪಟಿಚ್ಚ ನಹೇತು ನಲೋಕುತ್ತರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಲೋಕುತ್ತರಞ್ಚ ನಹೇತುಂ ಲೋಕುತ್ತರಞ್ಚ ಧಮ್ಮಂ ಪಟಿಚ್ಚ ನಹೇತು ನಲೋಕುತ್ತರೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ.

೧೪. ಹೇತುಂ ಕೇನಚಿ ವಿಞ್ಞೇಯ್ಯಂ ಧಮ್ಮಂ ಪಟಿಚ್ಚ ನಹೇತು ನಕೇನಚಿ ವಿಞ್ಞೇಯ್ಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

ಹೇತುಂ ನಕೇನಚಿ ವಿಞ್ಞೇಯ್ಯಂ ಧಮ್ಮಂ ಪಟಿಚ್ಚ ನಹೇತು ನನಕೇನಚಿ ವಿಞ್ಞೇಯ್ಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

೧-೧೩-೧೮. ಹೇತುದುಕ-ಆಸವಗೋಚ್ಛಕಂ

೧೫. ಹೇತುಂ ಆಸವಂ ಧಮ್ಮಂ ಪಟಿಚ್ಚ ನಹೇತು ನಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

ಹೇತುಂ ನೋಆಸವಂ ಧಮ್ಮಂ ಪಟಿಚ್ಚ ನನಹೇತು ನನೋಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

೧೬. ನಹೇತುಂ ಸಾಸವಂ ಧಮ್ಮಂ ಪಚ್ಚಯಾ ನನಹೇತು ನಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ಹೇತುಂ ಅನಾಸವಂ ಧಮ್ಮಂ ಪಟಿಚ್ಚ ನಹೇತು ನಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧೭. ಹೇತುಂ ಆಸವಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಹೇತು ನಆಸವಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

ಹೇತುಂ ಆಸವವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ನಹೇತು ನಆಸವವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧೮. ಹೇತುಂ ಆಸವಞ್ಚೇವ ಸಾಸವಞ್ಚ ಧಮ್ಮಂ ಪಟಿಚ್ಚ ನಹೇತು ನಆಸವೋ ಚೇವ ನಅನಾಸವೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

ಹೇತುಂ ಸಾಸವಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ನನಹೇತು ನಅನಾಸವೋ ಚೇವ ನನೋ ಚ ಆಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

೧೯. ಹೇತುಂ ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಧಮ್ಮಂ ಪಟಿಚ್ಚ ನಹೇತು ನಆಸವೋ ಚೇವ ನಆಸವವಿಪ್ಪಯುತ್ತೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಧಮ್ಮಂ ಪಟಿಚ್ಚ ನನಹೇತು ನಆಸವವಿಪ್ಪಯುತ್ತೋ ಚೇವ ನನೋಆಸವೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೦. ನಹೇತುಂ ಆಸವವಿಪ್ಪಯುತ್ತಂ ಸಾಸವಂ ಧಮ್ಮಂ ಪಚ್ಚಯಾ ನನಹೇತು ಆಸವವಿಪ್ಪಯುತ್ತೋ ನಸಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. (ಲೋಕಿಯಸದಿಸಂ.)

ಹೇತುಂ ಆಸವವಿಪ್ಪಯುತ್ತಂ ಅನಾಸವಂ ಧಮ್ಮಂ ಪಟಿಚ್ಚ ನಹೇತು ಆಸವವಿಪ್ಪಯುತ್ತೋ ನಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಆಸವವಿಪ್ಪಯುತ್ತಂ ಅನಾಸವಂ ಧಮ್ಮಂ ಪಟಿಚ್ಚ ನಹೇತು ಆಸವವಿಪ್ಪಯುತ್ತೋ ನಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಆಸವವಿಪ್ಪಯುತ್ತಂ ಅನಾಸವಞ್ಚ ನಹೇತುಂ ಆಸವವಿಪ್ಪಯುತ್ತಂ ಅನಾಸವಞ್ಚ ಧಮ್ಮಂ ಪಟಿಚ್ಚ ನಹೇತು ಆಸವವಿಪ್ಪಯುತ್ತೋ ನಅನಾಸವೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ.

೧-೧೯-೫೩. ಹೇತುದುಕ-ಸಞ್ಞೋಜನಾದಿಗೋಚ್ಛಕಂ

೨೧. ಹೇತುಂ ಸಞ್ಞೋಜನಂ ಧಮ್ಮಂ ಪಟಿಚ್ಚ ನಹೇತು ನೋಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೨. ಹೇತುಂ ಗನ್ಥಂ ಧಮ್ಮಂ ಪಟಿಚ್ಚ ನಹೇತು ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

೨೩. ಹೇತುಂ ಓಘಂ ಧಮ್ಮಂ ಪಟಿಚ್ಚ ನಹೇತು ನೋಓಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

೨೪. ಹೇತುಂ ಯೋಗಂ ಧಮ್ಮಂ ಪಟಿಚ್ಚ ನಹೇತು ನೋಯೋಗೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

೨೫. ಹೇತುಂ ನೀವರಣಂ ಧಮ್ಮಂ ಪಟಿಚ್ಚ ನಹೇತು ನೋನೀವರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೬. ನಹೇತುಂ ಪರಾಮಾಸಂ ಧಮ್ಮಂ ಪಟಿಚ್ಚ ನನಹೇತು ನೋಪರಾಮಾಸೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೧-೫೪-೮೧. ಹೇತುದುಕ-ಮಹನ್ತರದುಕಾದಿ

೨೭. ಹೇತುಂ ಸಾರಮ್ಮಣಂ ಧಮ್ಮಂ ಪಟಿಚ್ಚ ನಹೇತು ನಸಾರಮ್ಮಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ಅನಾರಮ್ಮಣಂ ಧಮ್ಮಂ ಪಟಿಚ್ಚ ನನಹೇತು ನಅನಾರಮ್ಮಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೮. ನಹೇತುಂ ಚಿತ್ತಂ ಧಮ್ಮಂ ಪಟಿಚ್ಚ ನನಹೇತು ನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ಹೇತುಂ ನೋಚಿತ್ತಂ ಧಮ್ಮಂ ಪಟಿಚ್ಚ ನಹೇತು ನನೋಚಿತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೨೯. ಹೇತುಂ ಚೇತಸಿಕಂ ಧಮ್ಮಂ ಪಟಿಚ್ಚ ನಹೇತು ನಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ಅಚೇತಸಿಕಂ ಧಮ್ಮಂ ಪಟಿಚ್ಚ ನನಹೇತು ನಅಚೇತಸಿಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೦. ಹೇತುಂ ಚಿತ್ತಸಮ್ಪಯುತ್ತಂ ಧಮ್ಮಂ ಪಟಿಚ್ಚ ನಹೇತು ನಚಿತ್ತಸಮ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ಚಿತ್ತವಿಪ್ಪಯುತ್ತಂ ಧಮ್ಮಂ ಪಟಿಚ್ಚ ನನಹೇತು ನಚಿತ್ತವಿಪ್ಪಯುತ್ತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೧. ಹೇತುಂ ಚಿತ್ತಸಂಸಟ್ಠಂ ಧಮ್ಮಂ ಪಟಿಚ್ಚ ನಹೇತು ನಚಿತ್ತಸಂಸಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ಚಿತ್ತವಿಸಂಸಟ್ಠಂ ಧಮ್ಮಂ ಪಟಿಚ್ಚ ನನಹೇತು ನಚಿತ್ತವಿಸಂಸಟ್ಠೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೨. ಹೇತುಂ ಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನಹೇತು ನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನೋಚಿತ್ತಸಮುಟ್ಠಾನಂ ಧಮ್ಮಂ ಪಟಿಚ್ಚ ನನಹೇತು ನನೋಚಿತ್ತಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೩. ಹೇತುಂ ಚಿತ್ತಸಹಭುಂ ಧಮ್ಮಂ ಪಟಿಚ್ಚ ನಹೇತು ನೋಚಿತ್ತಸಹಭೂ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನೋಚಿತ್ತಸಹಭುಂ ಧಮ್ಮಂ ಪಟಿಚ್ಚ ನನಹೇತು ನನೋಚಿತ್ತಸಹಭೂ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೪. ಹೇತುಂ ಚಿತ್ತಾನುಪರಿವತ್ತಿಂ ಧಮ್ಮಂ ಪಟಿಚ್ಚ ನಹೇತು ನೋಚಿತ್ತಾನುಪರಿವತ್ತೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನೋಚಿತ್ತಾನುಪರಿವತ್ತಿಂ ಧಮ್ಮಂ ಪಟಿಚ್ಚ ನನಹೇತು ನನೋಚಿತ್ತಾನುಪರಿವತ್ತೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೫. ಹೇತುಂ ಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಟಿಚ್ಚ ನಹೇತು ನೋಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನೋಚಿತ್ತಸಂಸಟ್ಠಸಮುಟ್ಠಾನಂ ಧಮ್ಮಂ ಪಟಿಚ್ಚ ನನಹೇತು ನನೋಚಿತ್ತಸಂಸಟ್ಠಸಮುಟ್ಠಾನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೬. ಹೇತುಂ ಚಿತ್ತಸಂಸಟ್ಠಸಮುಟ್ಠಾನಸಹಭುಂ ಧಮ್ಮಂ ಪಟಿಚ್ಚ ನಹೇತು ನೋಚಿತ್ತಸಂಸಟ್ಠಸಮುಟ್ಠಾನಸಹಭೂ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನೋಚಿತ್ತಸಂಸಟ್ಠಸಮುಟ್ಠಾನಸಹಭುಂ ಧಮ್ಮಂ ಪಟಿಚ್ಚ ನನಹೇತು ನನೋಚಿತ್ತಸಂಸಟ್ಠಸಮುಟ್ಠಾನಸಹಭೂ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩೭. ಹೇತುಂ ಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತಿಂ ಧಮ್ಮಂ ಪಟಿಚ್ಚ ನಹೇತು ನೋಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನೋಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತಿಂ ಧಮ್ಮಂ ಪಟಿಚ್ಚ ನನಹೇತು ನನೋಚಿತ್ತಸಂಸಟ್ಠಸಮುಟ್ಠಾನಾನುಪರಿವತ್ತೀ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ (ಸಂಖಿತ್ತಂ. ನಯವಸೇನ ವಿತ್ಥಾರೇತಬ್ಬಂ).

೧-೮೨-೯೮. ಹೇತುದುಕ-ದಸ್ಸನೇನಪಹಾತಬ್ಬದುಕಾದಿ

೩೮. ಹೇತುಂ ದಸ್ಸನೇನ ಪಹಾತಬ್ಬಂ ಧಮ್ಮಂ ಪಟಿಚ್ಚ ನಹೇತು ನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನದಸ್ಸನೇನ ಪಹಾತಬ್ಬಂ ಧಮ್ಮಂ ಪಚ್ಚಯಾ ನನಹೇತು ನನದಸ್ಸನೇನ ಪಹಾತಬ್ಬೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿಮೇವ.

೩೯. ಹೇತುಂ ದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನಹೇತು ನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ನಹೇತುಂ ನದಸ್ಸನೇನ ಪಹಾತಬ್ಬಹೇತುಕಂ ಧಮ್ಮಂ ಪಟಿಚ್ಚ ನನಹೇತು ನನದಸ್ಸನೇನ ಪಹಾತಬ್ಬಹೇತುಕೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಏಕಂ.

೧-೯೯. ಹೇತುದುಕ-ಸರಣದುಕಂ

೪೦. ಹೇತುಂ ಸರಣಂ ಧಮ್ಮಂ ಪಟಿಚ್ಚ ನಹೇತು ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಸರಣಂ ಧಮ್ಮಂ ಪಟಿಚ್ಚ ನಹೇತು ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಂ ಸರಣಞ್ಚ ನಹೇತುಂ ಸರಣಞ್ಚ ಧಮ್ಮಂ ಪಟಿಚ್ಚ ನಹೇತು ನಸರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ತೀಣಿ.

ನಹೇತುಂ ಅರಣಂ ಧಮ್ಮಂ ಪಚ್ಚಯಾ ನನಹೇತು ನಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಅರಣಂ ಧಮ್ಮಂ ಪಚ್ಚಯಾ ನಹೇತು ನಅರಣೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ನಹೇತುಂ ಅರಣಂ ಧಮ್ಮಂ ಪಚ್ಚಯಾ ನಹೇತು ನಅರಣೋ ಚ ನನಹೇತು ನಅರಣೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ. ಹೇತುಯಾ ತೀಣಿ.

೨-೧. ಸಹೇತುಕದುಕ-ಹೇತುದುಕಂ

೪೧. ಸಹೇತುಕಂ ಹೇತುಂ ಧಮ್ಮಂ ಪಟಿಚ್ಚ ನಸಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಅಹೇತುಕಂ ಹೇತುಂ ಧಮ್ಮಂ ಪಟಿಚ್ಚ ನಅಹೇತುಕೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ಛ.

ಸಹೇತುಕಂ ನಹೇತುಂ ಧಮ್ಮಂ ಪಟಿಚ್ಚ ನಅಹೇತುಕೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೩-೧. ಹೇತುಸಮ್ಪಯುತ್ತದುಕ-ಹೇತುದುಕಂ

೪೨. ಹೇತುಸಮ್ಪಯುತ್ತಂ ಹೇತುಂ ಧಮ್ಮಂ ಪಟಿಚ್ಚ ನಹೇತುಸಮ್ಪಯುತ್ತೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಹೇತುವಿಪ್ಪಯುತ್ತಂ ಹೇತುಂ ಧಮ್ಮಂ ಪಟಿಚ್ಚ ನಹೇತುವಿಪ್ಪಯುತ್ತೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ಛ.

ಹೇತುಸಮ್ಪಯುತ್ತಂ ನಹೇತುಂ ಧಮ್ಮಂ ಪಟಿಚ್ಚ ನಹೇತುವಿಪ್ಪಯುತ್ತೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೪-೧. ಹೇತುಸಹೇತುಕದುಕ-ಹೇತುದುಕಂ

೪೩. ಹೇತುಞ್ಚೇವ ಸಹೇತುಕಂ ಹೇತುಂ ಧಮ್ಮಂ ಪಟಿಚ್ಚ ನಹೇತು ಚೇವ ನಅಹೇತುಕೋ ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ಸಹೇತುಕಞ್ಚೇವ ನ ಚ ಹೇತುಂ ನಹೇತುಂ ಧಮ್ಮಂ ಪಟಿಚ್ಚ ನಅಹೇತುಕೋ ಚೇವ ನನ ಚ ಹೇತು ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೫-೧. ಹೇತುಹೇತುಸಮ್ಪಯುತ್ತದುಕ-ಹೇತುದುಕಂ

೪೪. ಹೇತುಞ್ಚೇವ ಹೇತುಸಮ್ಪಯುತ್ತಞ್ಚ ಹೇತುಂ ಧಮ್ಮಂ ಪಟಿಚ್ಚ ನಹೇತು ಚೇವ ನಹೇತುವಿಪ್ಪಯುತ್ತೋ ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ಹೇತುಸಮ್ಪಯುತ್ತಞ್ಚೇವ ನ ಚ ಹೇತುಂ ನಹೇತುಂ ಧಮ್ಮಂ ಪಟಿಚ್ಚ ನಹೇತುವಿಪ್ಪಯುತ್ತೋ ಚೇವ ನನ ಚ ಹೇತು ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೭-೧೩-೧. ಚೂಳನ್ತರದುಕಾದಿ-ಹೇತುದುಕಂ

೪೫. ಸಪ್ಪಚ್ಚಯಂ ಹೇತುಂ ಧಮ್ಮಂ ಪಟಿಚ್ಚ ನಅಪ್ಪಚ್ಚಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

ಸಪ್ಪಚ್ಚಯಂ ನಹೇತುಂ ಧಮ್ಮಂ ಪಟಿಚ್ಚ ನಅಪ್ಪಚ್ಚಯೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ. (ಸಙ್ಖತಂ ಸಪ್ಪಚ್ಚಯಸದಿಸಂ).

೪೬. ಅನಿದಸ್ಸನಂ ಹೇತುಂ ಧಮ್ಮಂ ಪಟಿಚ್ಚ ನಅನಿದಸ್ಸನೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ಅನಿದಸ್ಸನಂ ನಹೇತುಂ ಧಮ್ಮಂ ಪಟಿಚ್ಚ ನಸನಿದಸ್ಸನೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೪೭. ಅಪ್ಪಟಿಘಂ ಹೇತುಂ ಧಮ್ಮಂ ಪಟಿಚ್ಚ ನಅಪ್ಪಟಿಘೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ಅಪ್ಪಟಿಘಂ ನಹೇತುಂ ಧಮ್ಮಂ ಪಟಿಚ್ಚ ನಸಪ್ಪಟಿಘೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ಏಕಂ.

೪೮. ಅರೂಪಿಂ ಹೇತುಂ ಧಮ್ಮಂ ಪಟಿಚ್ಚ ನಅರೂಪೀ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

ರೂಪಿಂ ನಹೇತುಂ ಧಮ್ಮಂ ಪಟಿಚ್ಚ ನರೂಪೀ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

ಅರೂಪಿಂ ನಹೇತುಂ ಧಮ್ಮಂ ಪಟಿಚ್ಚ ನಅರೂಪೀ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ತೀಣಿ.

೪೯. ಲೋಕಿಯಂ ಹೇತುಂ ಧಮ್ಮಂ ಪಟಿಚ್ಚ ನಲೋಕುತ್ತರೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ಲೋಕುತ್ತರಂ ಹೇತುಂ ಧಮ್ಮಂ ಪಟಿಚ್ಚ ನಲೋಕುತ್ತರೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ಚತ್ತಾರಿ.

ಲೋಕಿಯಂ ನಹೇತುಂ ಧಮ್ಮಂ ಪಟಿಚ್ಚ ನಲೋಕುತ್ತರೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ಲೋಕುತ್ತರಂ ನಹೇತುಂ ಧಮ್ಮಂ ಪಟಿಚ್ಚ ನಲೋಕಿಯೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ ಏಕಂ… ಹೇತುಯಾ ದ್ವೇ.

೫೦. ಕೇನಚಿ ವಿಞ್ಞೇಯ್ಯಂ ಹೇತುಂ ಧಮ್ಮಂ ಪಟಿಚ್ಚ ನಕೇನಚಿ ವಿಞ್ಞೇಯ್ಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನಕೇನಚಿ ವಿಞ್ಞೇಯ್ಯಂ ಹೇತುಂ ಧಮ್ಮಂ ಪಟಿಚ್ಚ ನನಕೇನಚಿ ವಿಞ್ಞೇಯ್ಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಕೇನಚಿ ವಿಞ್ಞೇಯ್ಯಂ ಹೇತುಞ್ಚ ನಕೇನಚಿ ವಿಞ್ಞೇಯ್ಯಂ ಹೇತುಞ್ಚ ಧಮ್ಮಂ ಪಟಿಚ್ಚ ನಕೇನಚಿ ವಿಞ್ಞೇಯ್ಯೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

ಕೇನಚಿ ವಿಞ್ಞೇಯ್ಯಂ ನಹೇತುಂ ಧಮ್ಮಂ ಪಟಿಚ್ಚ ನಕೇನಚಿ ವಿಞ್ಞೇಯ್ಯೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ನವ.

೧೪-೧. ಆಸವದುಕ-ಹೇತುದುಕಂ

೫೧. ಆಸವಂ ಹೇತುಂ ಧಮ್ಮಂ ಪಟಿಚ್ಚ ನೋಆಸವೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ನೋಆಸವಂ ಹೇತುಂ ಧಮ್ಮಂ ಪಟಿಚ್ಚ ನನೋಆಸವೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ಆಸವಂ ಹೇತುಞ್ಚ ನೋಆಸವಂ ಹೇತುಞ್ಚ ಧಮ್ಮಂ ಪಟಿಚ್ಚ ನೋಆಸವೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ (ಸಬ್ಬತ್ಥ ಪಞ್ಚ.)

ನೋಆಸವಂ ನಹೇತುಂ ಧಮ್ಮಂ ಪಟಿಚ್ಚ ನನೋಆಸವೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

೧೫-೧. ಸಾಸವದುಕ-ಹೇತುದುಕಂ

೫೨. ಸಾಸವಂ ಹೇತುಂ ಧಮ್ಮಂ ಪಟಿಚ್ಚ ನಅನಾಸವೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ಅನಾಸವಂ ಹೇತುಂ ಧಮ್ಮಂ ಪಟಿಚ್ಚ ನಅನಾಸವೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ಚತ್ತಾರಿ. (ಲೋಕಿಯದುಕಸದಿಸಂ.)

೧೬-೧. ಆಸವಸಮ್ಪಯುತ್ತದುಕ-ಹೇತುದುಕಂ

೫೩. ಆಸವಸಮ್ಪಯುತ್ತಂ ಹೇತುಂ ಧಮ್ಮಂ ಪಟಿಚ್ಚ ನಆಸವಸಮ್ಪಯುತ್ತೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಆಸವವಿಪ್ಪಯುತ್ತಂ ಹೇತುಂ ಧಮ್ಮಂ ಪಟಿಚ್ಚ ನಆಸವವಿಪ್ಪಯುತ್ತೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಆಸವಸಮ್ಪಯುತ್ತಂ ಹೇತುಞ್ಚ ಆಸವವಿಪ್ಪಯುತ್ತಂ ಹೇತುಞ್ಚ ಧಮ್ಮಂ ಪಟಿಚ್ಚ ನಆಸವಸಮ್ಪಯುತ್ತೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ನವ.

ಆಸವಸಮ್ಪಯುತ್ತಂ ನಹೇತುಂ ಧಮ್ಮಂ ಪಟಿಚ್ಚ ನಆಸವಸಮ್ಪಯುತ್ತೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಆಸವವಿಪ್ಪಯುತ್ತಂ ನಹೇತುಂ ಧಮ್ಮಂ ಪಟಿಚ್ಚ ನಆಸವಸಮ್ಪಯುತ್ತೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ… ಹೇತುಯಾ ಚತ್ತಾರಿ.

೧೭-೧. ಆಸವಸಾಸವದುಕ-ಹೇತುದುಕಂ

೫೪. ಆಸವಞ್ಚೇವ ಸಾಸವಞ್ಚ ಹೇತುಂ ಧಮ್ಮಂ ಪಟಿಚ್ಚ ನಆಸವೋ ಚೇವ ನಅನಾಸವೋ ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಸಾಸವಞ್ಚೇವ ನೋ ಚ ಆಸವಂ ಹೇತುಂ ಧಮ್ಮಂ ಪಟಿಚ್ಚ ನಆಸವೋ ಚೇವ ನಅನಾಸವೋ ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಏಕಂ.

ಆಸವಞ್ಚೇವ ಸಾಸವಂ ಹೇತುಞ್ಚ ಸಾಸವಞ್ಚೇವ ನೋ ಚ ಆಸವಂ ಹೇತುಞ್ಚ ಧಮ್ಮಂ ಪಟಿಚ್ಚ ನಆಸವೋ ಚೇವ ನಅನಾಸವೋ ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ… ಹೇತುಯಾ ಪಞ್ಚ.

ಆಸವಞ್ಚೇವ ಸಾಸವಞ್ಚ ನಹೇತುಂ ಧಮ್ಮಂ ಪಟಿಚ್ಚ ನಅನಾಸವೋ ಚೇವ ನನೋಆಸವೋ ಚ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ಹೇತುಯಾ ಪಞ್ಚ.

೧೮-೧. ಆಸವಆಸವಸಮ್ಪಯುತ್ತದುಕ-ಹೇತುದುಕಂ

೫೫. ಆಸವಞ್ಚೇವ ಆಸವಸಮ್ಪಯುತ್ತಞ್ಚ ಹೇತುಂ ಧಮ್ಮಂ ಪಟಿಚ್ಚ ನಆಸವೋ ಚೇವ ನಆಸವವಿಪ್ಪಯುತ್ತೋ ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ.

ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ಹೇತುಂ ಧಮ್ಮಂ ಪಟಿಚ್ಚ ನಆಸವೋ ಚೇವ ನಆಸವವಿಪ್ಪಯುತ್ತೋ ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ… ಹೇತುಯಾ ಚತ್ತಾರಿ.

ಆಸವಞ್ಚೇವ ಆಸವಸಮ್ಪಯುತ್ತಞ್ಚ ನಹೇತುಂ ಧಮ್ಮಂ ಪಟಿಚ್ಚ ನಆಸವವಿಪ್ಪಯುತ್ತೋ ಚೇವ ನನೋ ಚ ಆಸವೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ಆಸವಸಮ್ಪಯುತ್ತಞ್ಚೇವ ನೋ ಚ ಆಸವಂ ನಹೇತುಂ ಧಮ್ಮಂ ಪಟಿಚ್ಚ ನಆಸವವಿಪ್ಪಯುತ್ತೋ ಚೇವ ನನೋ ಚ ಆಸವೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ಚತ್ತಾರಿ.

೧೯-೧. ಆಸವವಿಪ್ಪಯುತ್ತಸಾಸವದುಕ-ಹೇತುದುಕಂ

೫೬. ಆಸವವಿಪ್ಪಯುತ್ತಂ ಸಾಸವಂ ಹೇತುಂ ಧಮ್ಮಂ ಪಟಿಚ್ಚ ಆಸವವಿಪ್ಪಯುತ್ತೋ ನಅನಾಸವೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಏಕಂ.

ಆಸವವಿಪ್ಪಯುತ್ತಂ ಅನಾಸವಂ ಹೇತುಂ ಧಮ್ಮಂ ಪಟಿಚ್ಚ ಆಸವವಿಪ್ಪಯುತ್ತೋ ನಅನಾಸವೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ… ಹೇತುಯಾ ಚತ್ತಾರಿ.

ಆಸವವಿಪ್ಪಯುತ್ತಂ ಸಾಸವಂ ನಹೇತುಂ ಧಮ್ಮಂ ಪಟಿಚ್ಚ ಆಸವವಿಪ್ಪಯುತ್ತೋ ನಅನಾಸವೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಆಸವವಿಪ್ಪಯುತ್ತಂ ಅನಾಸವಂ ನಹೇತುಂ ಧಮ್ಮಂ ಪಟಿಚ್ಚ ಆಸವವಿಪ್ಪಯುತ್ತೋ ನಸಾಸವೋ ನನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ. ಹೇತುಯಾ ದ್ವೇ.

೨೦-೫೪-೧. ಸಞ್ಞೋಜನಗೋಚ್ಛಕಾದಿ-ಹೇತುದುಕಂ

೫೭. ಸಞ್ಞೋಜನಂ ಹೇತುಂ ಧಮ್ಮಂ ಪಟಿಚ್ಚ ನೋಸಞ್ಞೋಜನೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

೫೮. ಗನ್ಥಂ ಹೇತುಂ ಧಮ್ಮಂ ಪಟಿಚ್ಚ ನೋಗನ್ಥೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.

೫೯. ಓಘಂ ಹೇತುಂ ಧಮ್ಮಂ ಪಟಿಚ್ಚ ನೋಓಘೋ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ.