೧. ವಿಭಙ್ಗವಾರೋ
ಹೇತುಪಚ್ಚಯೋ
೬೯. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಸಮ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಸಮ್ಪಯುತ್ತಾ ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಹೇತು ಲೋಭಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತೋ ಹೇತು ಪಟಿಘಸ್ಸ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಸಮ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಹೇತು ಸಮ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತೋ ಹೇತು ಸಮ್ಪಯುತ್ತಕಾನಂ ಖನ್ಧಾನಂ ಪಟಿಘಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)
೭೦. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥವಿಪ್ಪಯುತ್ತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತೋ ಲೋಭೋ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಘಂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತೋ ಲೋಭೋ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಘಂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೨)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತೋ ಲೋಭೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಘಂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)
೭೧. ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಹೇತು ಚ ಲೋಭೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತೋ ಹೇತು ಚ ಪಟಿಘಞ್ಚ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ. (೧)
ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಹೇತು ಚ ಲೋಭೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತೋ ಹೇತು ಚ ಪಟಿಘಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)
ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಹೇತು ಚ ಲೋಭೋ ಚ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತೋ ಹೇತು ಚ ಪಟಿಘಞ್ಚ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)
ಆರಮ್ಮಣಪಚ್ಚಯೋ
೭೨. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಗನ್ಥಸಮ್ಪಯುತ್ತೇ ಖನ್ಧೇ ಆರಬ್ಭ ಗನ್ಥಸಮ್ಪಯುತ್ತಕಾ ಖನ್ಧಾ ಉಪ್ಪಜ್ಜನ್ತಿ. (ತೀಸುಪಿ ಮೂಲಾ ಪುಚ್ಛಿತಬ್ಬಾ) ಗನ್ಥಸಮ್ಪಯುತ್ತೇ ಖನ್ಧೇ ಆರಬ್ಭ ಗನ್ಥವಿಪ್ಪಯುತ್ತಾ ಖನ್ಧಾ ಉಪ್ಪಜ್ಜನ್ತಿ, ಗನ್ಥಸಮ್ಪಯುತ್ತೇ ಖನ್ಧೇ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ, ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಉಪ್ಪಜ್ಜನ್ತಿ. (೩)
೭೩. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ ಪಚ್ಚವೇಕ್ಖತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಗನ್ಥವಿಪ್ಪಯುತ್ತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ಚಕ್ಖುಂ…ಪೇ… ವತ್ಥುಂ ಗನ್ಥವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಪಟಿಘಞ್ಚ ಅನಿಚ್ಚತೋ…ಪೇ… ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥವಿಪ್ಪಯುತ್ತೋ ರಾಗೋ ಉಪ್ಪಜ್ಜತಿ, ವಿಚಿಕಿಚ್ಛಾ…ಪೇ… ಉದ್ಧಚ್ಚಂ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ಗನ್ಥವಿಪ್ಪಯುತ್ತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಗನ್ಥವಿಪ್ಪಯುತ್ತಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ…ಪೇ… ಝಾನಾ…ಪೇ… ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ… ದಿಟ್ಠಿ ಉಪ್ಪಜ್ಜತಿ… ದೋಮನಸ್ಸಂ ಉಪ್ಪಜ್ಜತಿ (ಸಂಖಿತ್ತಂ). (೨)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಚಕ್ಖುಂ…ಪೇ… ವತ್ಥುಂ ಗನ್ಥವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಪಟಿಘಞ್ಚ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಉಪ್ಪಜ್ಜನ್ತಿ. (೩)
೭೪. ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ದೋಮನಸ್ಸಸಹಗತೇ ಖನ್ಧೇ ಚ ಪಟಿಘಞ್ಚ ಆರಬ್ಭ ಗನ್ಥಸಮ್ಪಯುತ್ತಕಾ ಖನ್ಧಾ ಉಪ್ಪಜ್ಜನ್ತಿ. (ಮೂಲಂ ಪುಚ್ಛಿತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ದೋಮನಸ್ಸಸಹಗತೇ ಖನ್ಧೇ ಚ ಪಟಿಘಞ್ಚ ಆರಬ್ಭ ಗನ್ಥವಿಪ್ಪಯುತ್ತಾ ಖನ್ಧಾ ಉಪ್ಪಜ್ಜನ್ತಿ, ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ದೋಮನಸ್ಸಸಹಗತೇ ಖನ್ಧೇ ಚ ಪಟಿಘಞ್ಚ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಉಪ್ಪಜ್ಜನ್ತಿ. (೩)
ಅಧಿಪತಿಪಚ್ಚಯೋ
೭೫. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಗನ್ಥಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ಗನ್ಥಸಮ್ಪಯುತ್ತಕಾ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಗನ್ಥಸಮ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಗನ್ಥಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಉಪ್ಪಜ್ಜತಿ. ಸಹಜಾತಾಧಿಪತಿ – ಗನ್ಥಸಮ್ಪಯುತ್ತಾಧಿಪತಿ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾಧಿಪತಿ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾಧಿಪತಿ ಪಟಿಘಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಗನ್ಥಸಮ್ಪಯುತ್ತೇ ಖನ್ಧೇ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಪಟಿಘಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ.(೩)
೭೬. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಗರುಂ ಕತ್ವಾ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ ಝಾನಂ ಗರುಂ ಕತ್ವಾ ಪಚ್ಚವೇಕ್ಖತಿ, ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಾ ವುಟ್ಠಹಿತ್ವಾ ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ… ವತ್ಥುಂ ಗನ್ಥವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಗನ್ಥವಿಪ್ಪಯುತ್ತೋ ರಾಗೋ ಉಪ್ಪಜ್ಜತಿ. ಸಹಜಾತಾಧಿಪತಿ – ಗನ್ಥವಿಪ್ಪಯುತ್ತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ ಝಾನಂ…ಪೇ… ಚಕ್ಖುಂ…ಪೇ… ವತ್ಥುಂ ಗನ್ಥವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಗನ್ಥಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ… ದಿಟ್ಠಿ ಉಪ್ಪಜ್ಜತಿ. (೨)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಚಕ್ಖುಂ…ಪೇ… ವತ್ಥುಂ ಗನ್ಥವಿಪ್ಪಯುತ್ತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ. (೩)
೭೭. ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ಗನ್ಥಸಮ್ಪಯುತ್ತಕಾ ಖನ್ಧಾ ಉಪ್ಪಜ್ಜನ್ತಿ. (ಮೂಲಾ ಪುಚ್ಛಿತಬ್ಬಾ) ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಉಪ್ಪಜ್ಜತಿ. (ಮೂಲಾ ಪುಚ್ಛಿತಬ್ಬಾ) ದಿಟ್ಠಿಗತವಿಪ್ಪಯುತ್ತಲೋಭಸಹಗತೇ ಖನ್ಧೇ ಚ ಲೋಭಞ್ಚ ಗರುಂ ಕತ್ವಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಉಪ್ಪಜ್ಜನ್ತಿ. (೩)
ಅನನ್ತರಪಚ್ಚಯೋ
೭೮. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಗನ್ಥಸಮ್ಪಯುತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಗನ್ಥಸಮ್ಪಯುತ್ತಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (ಮೂಲಾ ಪುಚ್ಛಿತಬ್ಬಾ) ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ದಿಟ್ಠಿಗತವಿಪ್ಪಯುತ್ತಸ್ಸ ಲೋಭಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ದೋಮನಸ್ಸಸಹಗತಾ ಖನ್ಧಾ ಪಚ್ಛಿಮಸ್ಸ ಪಚ್ಛಿಮಸ್ಸ ಪಟಿಘಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಗನ್ಥಸಮ್ಪಯುತ್ತಾ ಖನ್ಧಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (ಮೂಲಾ ಪುಚ್ಛಿತಬ್ಬಾ) ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ದೋಮನಸ್ಸಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)
೭೯. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಪಚ್ಛಿಮಸ್ಸ ಪಚ್ಛಿಮಸ್ಸ ದಿಟ್ಠಿಗತವಿಪ್ಪಯುತ್ತಸ್ಸ ಲೋಭಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಂ ಪುರಿಮಂ ಪಟಿಘಂ ಪಚ್ಛಿಮಸ್ಸ ಪಚ್ಛಿಮಸ್ಸ ಪಟಿಘಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ಗನ್ಥವಿಪ್ಪಯುತ್ತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಗನ್ಥವಿಪ್ಪಯುತ್ತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಂ ಪುರಿಮಂ ಪಟಿಘಂ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಗನ್ಥಸಮ್ಪಯುತ್ತಕಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮೋ ಪುರಿಮೋ ದಿಟ್ಠಿಗತವಿಪ್ಪಯುತ್ತೋ ಲೋಭೋ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಂ ಪುರಿಮಂ ಪಟಿಘಂ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)
೮೦. ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (ಮೂಲಾ ಪುಚ್ಛಿತಬ್ಬಾ) ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಪಚ್ಛಿಮಸ್ಸ ಪಚ್ಛಿಮಸ್ಸ ದಿಟ್ಠಿಗತವಿಪ್ಪಯುತ್ತಸ್ಸ ಲೋಭಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಪಚ್ಛಿಮಸ್ಸ ಪಚ್ಛಿಮಸ್ಸ ಪಟಿಘಸ್ಸ ಅನನ್ತರಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (ಮೂಲಾ ಪುಚ್ಛಿತಬ್ಬಾ) ಪುರಿಮಾ ಪುರಿಮಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಪಚ್ಛಿಮಾನಂ ಪಚ್ಛಿಮಾನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ; ಪುರಿಮಾ ಪುರಿಮಾ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಪಚ್ಛಿಮಾನಂ ಪಚ್ಛಿಮಾನಂ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಅನನ್ತರಪಚ್ಚಯೇನ ಪಚ್ಚಯೋ. (೩)
ಸಮನನ್ತರಪಚ್ಚಯಾದಿ
೮೧. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ.
ಉಪನಿಸ್ಸಯಪಚ್ಚಯೋ
೮೨. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಗನ್ಥಸಮ್ಪಯುತ್ತಾ ಖನ್ಧಾ ಗನ್ಥಸಮ್ಪಯುತ್ತಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ, ತೀಣಿಪಿ ಉಪನಿಸ್ಸಯಾ) ಗನ್ಥಸಮ್ಪಯುತ್ತಾ ಖನ್ಧಾ ಗನ್ಥವಿಪ್ಪಯುತ್ತಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ, ತೀಣಿಪಿ ಉಪನಿಸ್ಸಯಾ) ಗನ್ಥಸಮ್ಪಯುತ್ತಾ ಖನ್ಧಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)
೮೩. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ… ಮಾನಂ ಜಪ್ಪೇತಿ… ಸೀಲಂ…ಪೇ… ಪಞ್ಞಂ … ರಾಗಂ… ದೋಸಂ… ಮೋಹಂ… ಮಾನಂ… ಪತ್ಥನಂ… ಕಾಯಿಕಂ ಸುಖಂ… ಕಾಯಿಕಂ ದುಕ್ಖಂ… ಉತುಂ… ಭೋಜನಂ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ… ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಪಞ್ಞಾ, ರಾಗೋ…ಪೇ… ಪತ್ಥನಾ…ಪೇ… ಸೇನಾಸನಂ ಸದ್ಧಾಯ…ಪೇ… ಪಞ್ಞಾಯ… ರಾಗಸ್ಸ… ದೋಸಸ್ಸ… ಮೋಹಸ್ಸ… ಮಾನಸ್ಸ… ಪತ್ಥನಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಪಞ್ಞಂ… ರಾಗಂ…ಪೇ… ಮಾನಂ… ಪತ್ಥನಂ…ಪೇ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ರಾಗಸ್ಸ… ದೋಸಸ್ಸ … ಮೋಹಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ತೀಣಿ ಉಪನಿಸ್ಸಯಾ); ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ; ಸೀಲಂ…ಪೇ… ಪಞ್ಞಂ… ರಾಗಂ… ದೋಸಂ… ಮೋಹಂ… ಮಾನಂ… ಪತ್ಥನಂ… ಕಾಯಿಕಂ ಸುಖಂ…ಪೇ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಪಞ್ಞಾ… ರಾಗೋ… ದೋಸೋ… ಮೋಹೋ… ಮಾನೋ… ಪತ್ಥನಾ…ಪೇ… ಸೇನಾಸನಂ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)
೮೪. ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ …ಪೇ…. ಪಕತೂಪನಿಸ್ಸಯೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಗನ್ಥಸಮ್ಪಯುತ್ತಕಾನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ ಕಾತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಗನ್ಥವಿಪ್ಪಯುತ್ತಾನಂ ಖನ್ಧಾನಂ ದಿಟ್ಠಿಗತವಿಪ್ಪಯುತ್ತಲೋಭಸ್ಸ ಚ ಪಟಿಘಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (ಮೂಲಂ ಪುಚ್ಛಿತಬ್ಬಂ) ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)
ಪುರೇಜಾತಪಚ್ಚಯೋ
೮೫. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ ವಿಪಸ್ಸತಿ, ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥವಿಪ್ಪಯುತ್ತೋ ರಾಗೋ ಉಪ್ಪಜ್ಜತಿ, ವಿಚಿಕಿಚ್ಛಾ…ಪೇ… ಉದ್ಧಚ್ಚಂ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಗನ್ಥವಿಪ್ಪಯುತ್ತಾನಂ ಖನ್ಧಾನಂ ದಿಟ್ಠಿಗತವಿಪ್ಪಯುತ್ತಸ್ಸ ಲೋಭಸ್ಸ ಚ ಪಟಿಘಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥಸಮ್ಪಯುತ್ತೋ ರಾಗೋ ಉಪ್ಪಜ್ಜತಿ, ದಿಟ್ಠಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಗನ್ಥಸಮ್ಪಯುತ್ತಕಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಉಪ್ಪಜ್ಜನ್ತಿ. ವತ್ಥುಪುರೇಜಾತಂ – ವತ್ಥು ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಪುರೇಜಾತಪಚ್ಚಯೇನ ಪಚ್ಚಯೋ. (೩)
ಪಚ್ಛಾಜಾತಪಚ್ಚಯೋ
೮೬. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಏಕಂ.
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಏಕಂ.
ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)
ಆಸೇವನಪಚ್ಚಯೋ
೮೭. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ (ಅನನ್ತರಸದಿಸಂ, ಆವಜ್ಜನಾಪಿ ವುಟ್ಠಾನಮ್ಪಿ ನತ್ಥಿ).
ಕಮ್ಮಪಚ್ಚಯೋ
೮೮. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಗನ್ಥಸಮ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಗನ್ಥಸಮ್ಪಯುತ್ತಾ ಚೇತನಾ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಚೇತನಾ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ಚೇತನಾ ಪಟಿಘಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. ನಾನಾಕ್ಖಣಿಕಾ – ಗನ್ಥಸಮ್ಪಯುತ್ತಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಗನ್ಥಸಮ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಲೋಭಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಪಟಿಘಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)
೮೯. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಗನ್ಥವಿಪ್ಪಯುತ್ತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಗನ್ಥವಿಪ್ಪಯುತ್ತಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)
ವಿಪಾಕಪಚ್ಚಯಾದಿ
೯೦. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ಏಕಂ.
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಚತ್ತಾರಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಚತ್ತಾರಿ… ಝಾನಪಚ್ಚಯೇನ ಪಚ್ಚಯೋ… ಚತ್ತಾರಿ… ಮಗ್ಗಪಚ್ಚಯೇನ ಪಚ್ಚಯೋ … ಚತ್ತಾರಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಛ.
ವಿಪ್ಪಯುತ್ತಪಚ್ಚಯೋ
೯೧. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ, ವಿಭಜಿತಬ್ಬಂ). (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಗನ್ಥಸಮ್ಪಯುತ್ತಕಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)
೯೨. ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)
ಅತ್ಥಿಪಚ್ಚಯೋ
೯೩. ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚಸದಿಸಂ). (೧)
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ, ವಿಭಜಿತಬ್ಬಂ). (೨)
ಗನ್ಥಸಮ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚಸದಿಸಂ). (೩)
೯೪. ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ, ವಿಭಜಿತಬ್ಬಂ). (೧)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ದಿಟ್ಠಿಗತವಿಪ್ಪಯುತ್ತೋ ಲೋಭೋ ಸಮ್ಪಯುತ್ತಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಂ ಪಟಿಘಂ ಸಮ್ಪಯುತ್ತಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥಸಮ್ಪಯುತ್ತೋ ರಾಗೋ…ಪೇ… ದಿಟ್ಠಿ…ಪೇ… ದೋಮನಸ್ಸಂ ಉಪ್ಪಜ್ಜತಿ, ವತ್ಥು ಗನ್ಥಸಮ್ಪಯುತ್ತಕಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)
ಗನ್ಥವಿಪ್ಪಯುತ್ತೋ ಧಮ್ಮೋ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ದಿಟ್ಠಿಗತವಿಪ್ಪಯುತ್ತೋ ಲೋಭೋ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪಟಿಘಂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಆರಬ್ಭ ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಉಪ್ಪಜ್ಜನ್ತಿ, ವತ್ಥು ದಿಟ್ಠಿಗತವಿಪ್ಪಯುತ್ತಲೋಭಸಹಗತಾನಂ ಖನ್ಧಾನಂ ಲೋಭಸ್ಸ ಚ ದೋಮನಸ್ಸಸಹಗತಾನಂ ಖನ್ಧಾನಂ ಪಟಿಘಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ. (೩)
೯೫. ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥಸಮ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಗನ್ಥಸಮ್ಪಯುತ್ತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ…. ಸಹಜಾತೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಏಕೋ ಖನ್ಧೋ ಚ ಲೋಭೋ ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ… ದೋಮನಸ್ಸಸಹಗತೋ ಏಕೋ ಖನ್ಧೋ ಚ ಪಟಿಘಞ್ಚ ತಿಣ್ಣನ್ನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ…. (೧)
ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥವಿಪ್ಪಯುತ್ತಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಗನ್ಥಸಮ್ಪಯುತ್ತಾ ಖನ್ಧಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ – ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ವತ್ಥು ಚ ಲೋಭಸ್ಸ ಅತ್ಥಿಪಚ್ಚಯೇನ ಪಚ್ಚಯೋ; ದೋಮನಸ್ಸಸಹಗತಾ ಖನ್ಧಾ ಚ ವತ್ಥು ಚ ಪಟಿಘಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ದಿಟ್ಠಿಗತವಿಪ್ಪಯುತ್ತಲೋಭಸಹಗತಾ ಖನ್ಧಾ ಚ ಲೋಭೋ ಚ ದೋಮನಸ್ಸಸಹಗತಾ ಖನ್ಧಾ ಚ ಪಟಿಘಞ್ಚ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಗನ್ಥಸಮ್ಪಯುತ್ತಾ ಖನ್ಧಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಗನ್ಥಸಮ್ಪಯುತ್ತಾ ಖನ್ಧಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)
ಗನ್ಥಸಮ್ಪಯುತ್ತೋ ಚ ಗನ್ಥವಿಪ್ಪಯುತ್ತೋ ಚ ಧಮ್ಮಾ ಗನ್ಥಸಮ್ಪಯುತ್ತಸ್ಸ ಚ ಗನ್ಥವಿಪ್ಪಯುತ್ತಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಏಕೋ ಖನ್ಧೋ ಚ ಲೋಭೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ…. ಸಹಜಾತೋ – ದೋಮನಸ್ಸಸಹಗತೋ ಏಕೋ ಖನ್ಧೋ ಚ ಪಟಿಘಞ್ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ…. ಸಹಜಾತೋ – ದಿಟ್ಠಿಗತವಿಪ್ಪಯುತ್ತಲೋಭಸಹಗತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಲೋಭಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ…. ಸಹಜಾತೋ – ದೋಮನಸ್ಸಸಹಗತೋ ಏಕೋ ಖನ್ಧೋ ಚ ವತ್ಥು ಚ ತಿಣ್ಣನ್ನಂ ಖನ್ಧಾನಂ ಪಟಿಘಸ್ಸ ಚ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ…. (೩)