ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ
ಅಭಿಧಮ್ಮಪಿಟಕೇ
ಪಟ್ಠಾನಪಾಳಿ
(ತತಿಯೋ ಭಾಗೋ)
ಧಮ್ಮಾನುಲೋಮೇ ದುಕಪಟ್ಠಾನಂ
೧. ಹೇತುಗೋಚ್ಛಕಂ
೧. ಹೇತುದುಕಂ
೧. ಪಟಿಚ್ಚವಾರೋ
೧. ಪಚ್ಚಯಾನುಲೋಮಂ
೧. ವಿಭಙ್ಗವಾರೋ
ಹೇತುಪಚ್ಚಯೋ
೧. ಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಲೋಭಂ ಪಟಿಚ್ಚ ಅದೋಸೋ ಅಮೋಹೋ, ಅದೋಸಂ ಪಟಿಚ್ಚ ಅಲೋಭೋ ಅಮೋಹೋ, ಅಮೋಹಂ ಪಟಿಚ್ಚ ಅಲೋಭೋ ಅದೋಸೋ, ಲೋಭಂ ಪಟಿಚ್ಚ ಮೋಹೋ, ಮೋಹಂ ಪಟಿಚ್ಚ ಲೋಭೋ, ದೋಸಂ ಪಟಿಚ್ಚ ಮೋಹೋ, ಮೋಹಂ ಪಟಿಚ್ಚ ದೋಸೋ; ಪಟಿಸನ್ಧಿಕ್ಖಣೇ…ಪೇ…. (೧)
ಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಹೇತುಂ ಧಮ್ಮಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ಪಟಿಸನ್ಧಿಕ್ಖಣೇ…ಪೇ…. (೨)
ಹೇತುಂ ಧಮ್ಮಂ ಪಟಿಚ್ಚ ಹೇತು ಚ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅಲೋಭಂ ಪಟಿಚ್ಚ ಅದೋಸೋ ಅಮೋಹೋ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ (ಚಕ್ಕಂ). ಲೋಭಂ ಪಟಿಚ್ಚ ಮೋಹೋ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)
೨. ನಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಹೇತುಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ…. (೧)
ನಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಹೇತೂ ಖನ್ಧೇ ಪಟಿಚ್ಚ ಹೇತೂ; ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಟಿಚ್ಚ ಹೇತೂ. (೨)
ನಹೇತುಂ ಧಮ್ಮಂ ಪಟಿಚ್ಚ ಹೇತು ಚ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನಹೇತುಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಹೇತು ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ ಹೇತು ಚ ಚಿತ್ತಸಮುಟ್ಠಾನಞ್ಚ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಪಟಿಸನ್ಧಿಕ್ಖಣೇ ವತ್ಥುಂ ಪಟಿಚ್ಚ ಹೇತೂ ಸಮ್ಪಯುತ್ತಕಾ ಚ ಖನ್ಧಾ. (೩)
೩. ಹೇತುಞ್ಚ ನಹೇತುಞ್ಚ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಲೋಭಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಅದೋಸೋ ಅಮೋಹೋ (ಚಕ್ಕಂ). ಲೋಭಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಮೋಹೋ, ದೋಸಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಮೋಹೋ…ಪೇ… ಪಟಿಸನ್ಧಿಕ್ಖಣೇ…ಪೇ… ಅಲೋಭಞ್ಚ ವತ್ಥುಞ್ಚ ಪಟಿಚ್ಚ ಅದೋಸೋ ಅಮೋಹೋ…ಪೇ…. (೧)
ಹೇತುಞ್ಚ ನಹೇತುಞ್ಚ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನಹೇತುಂ ಏಕಂ ಖನ್ಧಞ್ಚ ಹೇತುಞ್ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ ಹೇತುಞ್ಚ ಪಟಿಚ್ಚ ದ್ವೇ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಪಟಿಸನ್ಧಿಕ್ಖಣೇ ವತ್ಥುಞ್ಚ ಹೇತುಞ್ಚ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ. (೨)
ಹೇತುಞ್ಚ ನಹೇತುಞ್ಚ ಧಮ್ಮಂ ಪಟಿಚ್ಚ ಹೇತು ಚ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನಹೇತುಂ ಏಕಂ ಖನ್ಧಞ್ಚ ಅಲೋಭಞ್ಚ ಪಟಿಚ್ಚ ತಯೋ ಖನ್ಧಾ ಅದೋಸೋ ಅಮೋಹೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ ಅಲೋಭಞ್ಚ ಪಟಿಚ್ಚ ದ್ವೇ ಖನ್ಧಾ ಅದೋಸೋ ಅಮೋಹೋ ಚ ಚಿತ್ತಸಮುಟ್ಠಾನಞ್ಚ ರೂಪಂ (ಚಕ್ಕಂ). ನಹೇತುಂ ಏಕಂ ಖನ್ಧಞ್ಚ ಲೋಭಞ್ಚ ಪಟಿಚ್ಚ ತಯೋ ಖನ್ಧಾ ಮೋಹೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ವತ್ಥುಞ್ಚ ಅಲೋಭಞ್ಚ ಪಟಿಚ್ಚ ಅದೋಸೋ ಅಮೋಹೋ ಸಮ್ಪಯುತ್ತಕಾ ಚ ಖನ್ಧಾ. (೩)
ಆರಮ್ಮಣಪಚ್ಚಯಾದಿ
೪. ಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ರೂಪಂ ಛಡ್ಡೇತ್ವಾ ಅರೂಪೇಯೇವ ನವ ಪಞ್ಹಾ)… ಅಧಿಪತಿಪಚ್ಚಯಾ (ಪಟಿಸನ್ಧಿ ನತ್ಥಿ, ಪರಿಪುಣ್ಣಂ) ಏಕಂ ಮಹಾಭೂತಂ ಪಟಿಚ್ಚ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ… (ಇಮಂ ನಾನಂ) ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ (ಸಬ್ಬೇ ಮಹಾಭೂತಾ ಯಾವ ಅಸಞ್ಞಸತ್ತಾ)… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… ಆಸೇವನಪಚ್ಚಯಾ (ದ್ವೀಸುಪಿ ಪಟಿಸನ್ಧಿ ನತ್ಥಿ)… ಕಮ್ಮಪಚ್ಚಯಾ… ವಿಪಾಕಪಚ್ಚಯಾ (ಸಂಖಿತ್ತಂ)… ಅವಿಗತಪಚ್ಚಯಾ.
೧. ಪಚ್ಚಯಾನುಲೋಮಂ
೨. ಸಙ್ಖ್ಯಾವಾರೋ
೫. ಹೇತುಯಾ ನವ, ಆರಮ್ಮಣೇ ನವ (ಸಬ್ಬತ್ಥ ನವ), ಅವಿಗತೇ ನವ (ಏವಂ ಗಣೇತಬ್ಬಂ).
ಅನುಲೋಮಂ.
೨. ಪಚ್ಚಯಪಚ್ಚನೀಯಂ
೧. ವಿಭಙ್ಗವಾರೋ
ನಹೇತುಪಚ್ಚಯೋ
೬. ನಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನಹೇತುಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ….(೧)
ನಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೨)
ನಆರಮ್ಮಣಪಚ್ಚಯಾದಿ
೭. ಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಹೇತುಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ…. (೧)
ನಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನಹೇತೂ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಸಬ್ಬೇ ಮಹಾಭೂತಾ…ಪೇ…. (೧)
ಹೇತುಞ್ಚ ನಹೇತುಞ್ಚ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಹೇತುಞ್ಚ ನಹೇತುಞ್ಚ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… ನಅಧಿಪತಿಪಚ್ಚಯಾ… (ಪರಿಪುಣ್ಣಂ) ನಅನನ್ತರಪಚ್ಚಯಾ… ನಸಮನನ್ತರಪಚ್ಚಯಾ… ನಅಞ್ಞಮಞ್ಞಪಚ್ಚಯಾ… ನಉಪನಿಸ್ಸಯಪಚ್ಚಯಾ.
ನಪುರೇಜಾತಪಚ್ಚಯೋ
೮. ಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅಲೋಭಂ ಪಟಿಚ್ಚ ಅದೋಸೋ ಅಮೋಹೋ (ಚಕ್ಕಂ). ಲೋಭಂ ಪಟಿಚ್ಚ ಮೋಹೋ, ಮೋಹಂ ಪಟಿಚ್ಚ ಲೋಭೋ; ಪಟಿಸನ್ಧಿಕ್ಖಣೇ…ಪೇ…. (೧)
ಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಹೇತುಂ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ, ಹೇತುಂ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ…. (೨)
ಹೇತುಂ ಧಮ್ಮಂ ಪಟಿಚ್ಚ ಹೇತು ಚ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಅರೂಪೇ ಅಲೋಭಂ ಪಟಿಚ್ಚ ಅದೋಸೋ ಅಮೋಹೋ ಸಮ್ಪಯುತ್ತಕಾ ಚ ಖನ್ಧಾ (ಚಕ್ಕಂ). ಲೋಭಂ ಪಟಿಚ್ಚ ಮೋಹೋ ಸಮ್ಪಯುತ್ತಕಾ ಚ ಖನ್ಧಾ (ಚಕ್ಕಂ); ಪಟಿಸನ್ಧಿಕ್ಖಣೇ…ಪೇ…. (೩)
೯. ನಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನಹೇತುಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ನಹೇತೂ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಏಕಂ ಮಹಾಭೂತಂ…ಪೇ…. (೧)
ನಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನಹೇತೂ ಖನ್ಧೇ ಪಟಿಚ್ಚ ಹೇತೂ; ಪಟಿಸನ್ಧಿಕ್ಖಣೇ…ಪೇ…. (೨)
ನಹೇತುಂ ಧಮ್ಮಂ ಪಟಿಚ್ಚ ಹೇತು ಚ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಅರೂಪೇ ನಹೇತುಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಹೇತು ಚ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)
೧೦. ಹೇತುಞ್ಚ ನಹೇತುಞ್ಚ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಅಲೋಭಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಅದೋಸೋ ಅಮೋಹೋ (ಚಕ್ಕಂ). ಅರೂಪೇ ಲೋಭಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಮೋಹೋ (ಚಕ್ಕಂ); ಪಟಿಸನ್ಧಿಕ್ಖಣೇ…ಪೇ…. (೧)
ಹೇತುಞ್ಚ ನಹೇತುಞ್ಚ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ನಹೇತುಂ ಏಕಂ ಖನ್ಧಞ್ಚ ಹೇತುಞ್ಚ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ನಹೇತೂ ಖನ್ಧೇ ಚ ಹೇತುಞ್ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ, ಹೇತುಞ್ಚ ಮಹಾಭೂತೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ…. (೨)
ಹೇತುಞ್ಚ ನಹೇತುಞ್ಚ ಧಮ್ಮಂ ಪಟಿಚ್ಚ ಹೇತು ಚ ನಹೇತು ಚ ಧಮ್ಮಾ ಉಪ್ಪಜ್ಜನ್ತಿ ನಪುರೇಜಾತಪಚ್ಚಯಾ – ಅರೂಪೇ ನಹೇತುಂ ಏಕಂ ಖನ್ಧಞ್ಚ ಅಲೋಭಞ್ಚ ಪಟಿಚ್ಚ ತಯೋ ಖನ್ಧಾ ಅದೋಸೋ ಅಮೋಹೋ ಚ…ಪೇ… ದ್ವೇ ಖನ್ಧೇ…ಪೇ… (ಚಕ್ಕಂ). ನಹೇತುಂ ಏಕಂ ಖನ್ಧಞ್ಚ ಲೋಭಞ್ಚ ಪಟಿಚ್ಚ ತಯೋ ಖನ್ಧಾ ಮೋಹೋ ಚ (ಚಕ್ಕಂ); ಪಟಿಸನ್ಧಿಕ್ಖಣೇ…ಪೇ…. (೩)
ನಪಚ್ಛಾಜಾತಪಚ್ಚಯಾದಿ
೧೧. ಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ.
ನಕಮ್ಮಪಚ್ಚಯಾದಿ
೧೨. ಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಹೇತುಂ ಪಟಿಚ್ಚ ಸಮ್ಪಯುತ್ತಕಾ ಚೇತನಾ. (೧)
ನಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ನಹೇತೂ ಖನ್ಧೇ ಪಟಿಚ್ಚ ಸಮ್ಪಯುತ್ತಕಾ ಚೇತನಾ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ…ಪೇ…. (೧)
ಹೇತುಞ್ಚ ನಹೇತುಞ್ಚ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಸಮ್ಪಯುತ್ತಕಾ ಚೇತನಾ. (೧)
ಹೇತುಂ ಧಮ್ಮಂ ಪಟಿಚ್ಚ ಹೇತು ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ… ನವ.
ನಆಹಾರಪಚ್ಚಯಾದಿ
೧೩. ನಹೇತುಂ ಧಮ್ಮಂ ಪಟಿಚ್ಚ ನಹೇತು ಧಮ್ಮೋ ಉಪ್ಪಜ್ಜತಿ ನಆಹಾರಪಚ್ಚಯಾ – ಬಾಹಿರಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಇನ್ದ್ರಿಯಪಚ್ಚಯಾ – ಬಾಹಿರಂ… ಆಹಾರಸಮುಟ್ಠಾನಂ … ಉತುಸಮುಟ್ಠಾನಂ…ಪೇ… ಅಸಞ್ಞಸತ್ತಾನಂ ಮಹಾಭೂತೇ ಪಟಿಚ್ಚ ರೂಪಜೀವಿತಿನ್ದ್ರಿಯಂ, ನಝಾನಪಚ್ಚಯಾ – ಪಞ್ಚವಿಞ್ಞಾಣಂ …ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಮಗ್ಗಪಚ್ಚಯಾ – ಅಹೇತುಕಂ ನಹೇತುಂ ಏಕಂ ಖನ್ಧಂ ಪಟಿಚ್ಚ…ಪೇ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ನಸಮ್ಪಯುತ್ತಪಚ್ಚಯಾ… ನವಿಪ್ಪಯುತ್ತಪಚ್ಚಯಾ… (ನಪುರೇಜಾತಸದಿಸಂ, ಅರೂಪಪಞ್ಹಾಯೇವ) ನೋನತ್ಥಿಪಚ್ಚಯಾ… ನೋವಿಗತಪಚ್ಚಯಾ.
೨. ಪಚ್ಚಯಪಚ್ಚನೀಯಂ
೨. ಸಙ್ಖ್ಯಾವಾರೋ
ಸುದ್ಧಂ
೧೪. ನಹೇತುಯಾ ದ್ವೇ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ (ಏವಂ ಗಣೇತಬ್ಬಂ).
ಪಚ್ಚನೀಯಂ.
೩. ಪಚ್ಚಯಾನುಲೋಮಪಚ್ಚನೀಯಂ
ಹೇತುದುಕಂ
೧೫. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ…ಪೇ… ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ.
ಅನುಲೋಮಪಚ್ಚನೀಯಂ.
೪. ಪಚ್ಚಯಪಚ್ಚನೀಯಾನುಲೋಮಂ
ನಹೇತುದುಕಂ
೧೬. ನಹೇತುಪಚ್ಚಯಾ ಆರಮ್ಮಣೇ ದ್ವೇ, ಅನನ್ತರೇ ದ್ವೇ…ಪೇ… ಕಮ್ಮೇ ದ್ವೇ, ವಿಪಾಕೇ ಏಕಂ, ಆಹಾರೇ ದ್ವೇ, ಇನ್ದ್ರಿಯೇ ದ್ವೇ, ಝಾನೇ ದ್ವೇ, ಮಗ್ಗೇ ಏಕಂ, ಸಮ್ಪಯುತ್ತೇ ದ್ವೇ…ಪೇ… ಅವಿಗತೇ ದ್ವೇ.
ಪಚ್ಚನೀಯಾನುಲೋಮಂ.
೨-೬ ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ
(ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಪಟಿಚ್ಚವಾರಸದಿಸಾಯೇವ ಪಞ್ಹಾ. ಮಹಾಭೂತೇಸು ನಿಟ್ಠಿತೇಸು ‘‘ವತ್ಥುಂ ಪಚ್ಚಯಾ’’ತಿ ಕಾತಬ್ಬಾ. ಪಞ್ಚಾಯತನಾನಿ ಅನುಲೋಮೇಪಿ ಪಚ್ಚನೀಯೇಪಿ ಯಥಾ ಲಬ್ಭನ್ತಿ ತಥಾ ಕಾತಬ್ಬಾ. ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪರಿಪುಣ್ಣೋ. ರೂಪಂ ನತ್ಥಿ, ಅರೂಪಮೇವ.)
೭. ಪಞ್ಹಾವಾರೋ
೧. ಪಚ್ಚಯಾನುಲೋಮಂ
೧. ವಿಭಙ್ಗವಾರೋ
ಹೇತುಪಚ್ಚಯೋ
೧೭. ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅಲೋಭೋ ಅದೋಸಸ್ಸ ಅಮೋಹಸ್ಸ ಹೇತುಪಚ್ಚಯೇನ ಪಚ್ಚಯೋ (ಚಕ್ಕಂ). ಲೋಭೋ ಮೋಹಸ್ಸ ಹೇತುಪಚ್ಚಯೇನ ಪಚ್ಚಯೋ, ದೋಸೋ ಮೋಹಸ್ಸ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)
ಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೨)
ಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅಲೋಭೋ ಅದೋಸಸ್ಸ ಅಮೋಹಸ್ಸ ಸಮ್ಪಯುತ್ತಕಾನಞ್ಚ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ (ಚಕ್ಕಂ). ಲೋಭೋ ಮೋಹಸ್ಸ…ಪೇ… ಪಟಿಸನ್ಧಿಕ್ಖಣೇ…ಪೇ…. (೩)
ಆರಮ್ಮಣಪಚ್ಚಯೋ
೧೮. ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಂ ಆರಬ್ಭ ಹೇತೂ ಉಪ್ಪಜ್ಜನ್ತಿ. (೧)
ಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಂ ಆರಬ್ಭ ನಹೇತೂ ಖನ್ಧಾ ಉಪ್ಪಜ್ಜನ್ತಿ. (೨)
ಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಂ ಆರಬ್ಭ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)
೧೯. ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ. ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ…ಪೇ… ನಿಬ್ಬಾನಂ…ಪೇ… ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. ಅರಿಯಾ ನಹೇತೂ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ಚಕ್ಖುಂ…ಪೇ… ವತ್ಥುಂ, ನಹೇತೂ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ನಹೇತುಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ. ಆಕಾಸಾನಞ್ಚಾಯತನಂ [ಆಕಾಸಾನಞ್ಚಾಯತನಕಿರಿಯಂ (ಸ್ಯಾ.) ಏವಮುಪರಿಪಿ ತೀಸು ಠಾನೇಸು] ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ …ಪೇ… ನಹೇತೂ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ (ಪಠಮಗಮನಂಯೇವ, ಆವಜ್ಜನಾ ನತ್ಥಿ. ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸಾತಿ ಇದಂ ನತ್ಥಿ). (೨)
ನಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ತಂ ಆರಬ್ಭ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ (ತತ್ಥ ತತ್ಥ ಠಿತೇನ ಇಮಂ ಕಾತಬ್ಬಂ ದುತಿಯಗಮನಸದಿಸಂ). (೩)
೨೦. ಹೇತು ಚ ನಹೇತು ಚ ಧಮ್ಮಾ ಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಆರಬ್ಭ ಹೇತೂ ಉಪ್ಪಜ್ಜನ್ತಿ. (೧)
ಹೇತು ಚ ನಹೇತು ಚ ಧಮ್ಮಾ ನಹೇತುಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಆರಬ್ಭ ನಹೇತೂ ಖನ್ಧಾ ಉಪ್ಪಜ್ಜನ್ತಿ. (೨)
ಹೇತು ಚ ನಹೇತು ಚ ಧಮ್ಮಾ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಆರಬ್ಭ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)
ಅಧಿಪತಿಪಚ್ಚಯೋ
೨೧. ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಹೇತುಂ ಗರುಂ ಕತ್ವಾ ಹೇತೂ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಹೇತು ಅಧಿಪತಿ ಸಮ್ಪಯುತ್ತಕಾನಂ ಹೇತೂನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)
ಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಹೇತುಂ ಗರುಂ ಕತ್ವಾ ನಹೇತೂ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಹೇತು ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)
ಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ಹೇತುಂ ಗರುಂ ಕತ್ವಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ಹೇತು ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಹೇತೂನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)
೨೨. ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ (ವಿತ್ಥಾರೇತಬ್ಬಂ ಯಾವ. ನಹೇತೂ ಖನ್ಧಾ). ಸಹಜಾತಾಧಿಪತಿ – ನಹೇತು ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ (ಸಂಖಿತ್ತಂ. ಯಾವ ವತ್ಥು ನಹೇತೂ ಚ ಖನ್ಧಾ ತಾವ ಕಾತಬ್ಬಂ). ಸಹಜಾತಾಧಿಪತಿ ನಹೇತು ಅಧಿಪತಿ ಸಮ್ಪಯುತ್ತಕಾನಂ ಹೇತೂನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)
ನಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ತಂ ಗರುಂ ಕತ್ವಾ ನಹೇತೂ ಖನ್ಧಾ ಚ ಹೇತೂ ಚ ಉಪ್ಪಜ್ಜನ್ತಿ, ಪುಬ್ಬೇ ಸುಚಿಣ್ಣಾನಿ (ಯಾವ ವತ್ಥು ನಹೇತೂ ಖನ್ಧಾ, ಚ ತಾವ ಕಾತಬ್ಬಂ). ಸಹಜಾತಾಧಿಪತಿ – ನಹೇತು ಅಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಹೇತೂನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)
೨೩. ಹೇತು ಚ ನಹೇತು ಚ ಧಮ್ಮಾ ಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಗರುಂ ಕತ್ವಾ ಹೇತೂ ಉಪ್ಪಜ್ಜನ್ತಿ. (೧)
ಹೇತು ಚ ನಹೇತು ಚ ಧಮ್ಮಾ ನಹೇತುಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಗರುಂ ಕತ್ವಾ ನಹೇತೂ ಖನ್ಧಾ ಉಪ್ಪಜ್ಜನ್ತಿ. (೨)
ಹೇತು ಚ ನಹೇತು ಚ ಧಮ್ಮಾ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಹೇತುಞ್ಚ ಸಮ್ಪಯುತ್ತಕೇ ಚ ಖನ್ಧೇ ಗರುಂ ಕತ್ವಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)
ಅನನ್ತರಪಚ್ಚಯೋ
೨೪. ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಅನನ್ತರಪಚ್ಚಯೇನ ಪಚ್ಚಯೋ. (೧)
ಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಪಚ್ಛಿಮಾನಂ ಪಚ್ಛಿಮಾನಂ ನಹೇತೂನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)
ಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)
೨೫. ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನಹೇತೂ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನಹೇತೂನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ (ಸಂಖಿತ್ತಂ) ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ…. (೨)
ನಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ (ನಹೇತುಮೂಲಕಂ ತೀಣಿಪಿ ಏಕಸದಿಸಂ). (೩)
೨೬. ಹೇತೂ ಚ ನಹೇತೂ ಚ ಧಮ್ಮಾ ಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಅನನ್ತರಪಚ್ಚಯೇನ ಪಚ್ಚಯೋ. (೧)
ಹೇತೂ ಚ ನಹೇತೂ ಚ ಧಮ್ಮಾ ನಹೇತುಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ನಹೇತೂನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೨)
ಹೇತೂ ಚ ನಹೇತೂ ಚ ಧಮ್ಮಾ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)
ಸಮನನ್ತರಪಚ್ಚಯಾದಿ
೨೭. ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ (ಅನನ್ತರಸದಿಸಂ.)… ಸಹಜಾತಪಚ್ಚಯೇನ ಪಚ್ಚಯೋ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ (ಇಮೇ ದ್ವೇಪಿ ಪಟಿಚ್ಚಸದಿಸಾ. ನಿಸ್ಸಯಪಚ್ಚಯೋ ಪಚ್ಚಯವಾರೇ ನಿಸ್ಸಯಪಚ್ಚಯಸದಿಸೋ.)
ಉಪನಿಸ್ಸಯಪಚ್ಚಯೋ
೨೮. ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಹೇತೂ ಹೇತೂನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)
ಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಹೇತೂ ನಹೇತೂನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)
ಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಹೇತೂ ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)
೨೯. ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ… ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ…ಪೇ… ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ… ಪಕತೂಪನಿಸ್ಸಯೋ – ಸದ್ಧಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ಸದ್ಧಾಯ…ಪೇ… ಪತ್ಥನಾಯ ಮಗ್ಗಸ್ಸ ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)
ನಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ… ಪಕತೂಪನಿಸ್ಸಯೋ (ದುತಿಯಉಪನಿಸ್ಸಯಸದಿಸಂ). (೩)
೩೦. ಹೇತೂ ಚ ನಹೇತೂ ಚ ಧಮ್ಮಾ ಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಹೇತೂನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)
ಹೇತೂ ಚ ನಹೇತೂ ಚ ಧಮ್ಮಾ ನಹೇತುಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ನಹೇತೂನಂ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)
ಹೇತೂ ಚ ನಹೇತೂ ಚ ಧಮ್ಮಾ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ …ಪೇ…. ಪಕತೂಪನಿಸ್ಸಯೋ – ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಹೇತೂನಞ್ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)
ಪುರೇಜಾತಪಚ್ಚಯೋ
೩೧. ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ…ಪೇ… ಕಾಯಾಯತನಂ…ಪೇ… ವತ್ಥು ನಹೇತೂನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ವತ್ಥುಪುರೇಜಾತಂ – ವತ್ಥು ಹೇತೂನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)
ನಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)
ಪಚ್ಛಾಜಾತಪಚ್ಚಯಾದಿ
೩೨. ಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಹೇತೂ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ನಹೇತೂ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)
ಹೇತೂ ಚ ನಹೇತೂ ಚ ಧಮ್ಮಾ ನಹೇತುಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)
ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ (ಅನನ್ತರಸದಿಸಂ).
ಕಮ್ಮಪಚ್ಚಯೋ
೩೩. ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ನಹೇತು ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ನಹೇತು ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ನಹೇತು ಚೇತನಾ ಸಮ್ಪಯುತ್ತಕಾನಂ ಹೇತೂನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ನಹೇತು ಚೇತನಾ ವಿಪಾಕಾನಂ ಹೇತೂನಂ ಕಮ್ಮಪಚ್ಚಯೇನ ಪಚ್ಚಯೋ. (೨)
ನಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ನಹೇತು ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಹೇತೂನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ನಹೇತು ಚೇತನಾ ವಿಪಾಕಾನಂ ಖನ್ಧಾನಂ ಹೇತೂನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)
ವಿಪಾಕಪಚ್ಚಯೋ
೩೪. ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ವಿಪಾಕೋ ಅಲೋಭೋ ಅದೋಸಸ್ಸ ಅಮೋಹಸ್ಸ ವಿಪಾಕಪಚ್ಚಯೇನ ಪಚ್ಚಯೋ (ಪಟಿಚ್ಚವಾರಸದಿಸಂ. ವಿಪಾಕವಿಭಙ್ಗೇ ನವ ಪಞ್ಹಾ).
ಆಹಾರಪಚ್ಚಯೋ
೩೫. ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ನಹೇತೂ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಕಬಳೀಕಾರೋ ಆಹಾರೋ ಇಮಸ್ಸ ಕಾಯಸ್ಸ ಆಹಾರಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ನಹೇತೂ ಆಹಾರಾ ಸಮ್ಪಯುತ್ತಕಾನಂ ಹೇತೂನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೨)
ನಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ – ನಹೇತೂ ಆಹಾರಾ ಸಮ್ಪಯುತ್ತಕಾನಂ ಖನ್ಧಾನಂ ಹೇತೂನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಆಹಾರಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೩)
ಇನ್ದ್ರಿಯಪಚ್ಚಯೋ
೩೬. ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ…ಪೇ… (ಹೇತುಮೂಲಕೇ ತೀಣಿ).
ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಇನ್ದ್ರಿಯಪಚ್ಚಯೇನ ಪಚ್ಚಯೋ – ನಹೇತೂ ಇನ್ದ್ರಿಯಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಚಕ್ಖುನ್ದ್ರಿಯಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಿನ್ದ್ರಿಯಂ ಕಾಯವಿಞ್ಞಾಣಸ್ಸ…ಪೇ… ರೂಪಜೀವಿತಿನ್ದ್ರಿಯಂ ಕಟತ್ತಾರೂಪಾನಂ ಇನ್ದ್ರಿಯಪಚ್ಚಯೇನ ಪಚ್ಚಯೋ (ಏವಂ ಇನ್ದ್ರಿಯಪಚ್ಚಯಾ ವಿತ್ಥಾರೇತಬ್ಬಾ. ನವ).
ಝಾನಪಚ್ಚಯಾದಿ
೩೭. ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ಝಾನಪಚ್ಚಯೇನ ಪಚ್ಚಯೋ… ತೀಣಿ.
ಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ. (ಇಮೇಸು ದ್ವೀಸು ನವ.)
ವಿಪ್ಪಯುತ್ತಪಚ್ಚಯೋ
೩೮. ಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಹೇತೂ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಹೇತೂ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಹೇತೂ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಹೇತೂ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ನಹೇತುಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ನಹೇತೂ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ನಹೇತೂ ಖನ್ಧಾ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಖನ್ಧಾ ವತ್ಥುಸ್ಸ…ಪೇ… ವತ್ಥು ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ, ವತ್ಥು ನಹೇತೂನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ನಹೇತೂ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)
ನಹೇತು ಧಮ್ಮೋ ಹೇತುಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಹೇತೂನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಹೇತೂನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)
ನಹೇತು ಧಮ್ಮೋ ಹೇತುಸ್ಸ ಚ ನಹೇತುಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಂ – ಪಟಿಸನ್ಧಿಕ್ಖಣೇ ವತ್ಥು ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಹೇತೂನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)
ಹೇತೂ ಚ ನಹೇತೂ ಚ ಧಮ್ಮಾ ನಹೇತುಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಹೇತೂ ಚ ಸಮ್ಪಯುತ್ತಕಾ ಚ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)