೫. ಗನ್ಥಗೋಚ್ಛಕಂ

೨೬. ಗನ್ಥದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಗನ್ಥಂ ಧಮ್ಮಂ ಪಟಿಚ್ಚ ಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೀಲಬ್ಬತಪರಾಮಾಸಂ ಕಾಯಗನ್ಥಂ ಪಟಿಚ್ಚ ಅಭಿಜ್ಝಾಕಾಯಗನ್ಥೋ, ಅಭಿಜ್ಝಾಕಾಯಗನ್ಥಂ ಪಟಿಚ್ಚ ಸೀಲಬ್ಬತಪರಾಮಾಸೋ ಕಾಯಗನ್ಥೋ, ಇದಂಸಚ್ಚಾಭಿನಿವೇಸಂ ಕಾಯಗನ್ಥಂ ಪಟಿಚ್ಚ ಅಭಿಜ್ಝಾಕಾಯಗನ್ಥೋ, ಅಭಿಜ್ಝಾಕಾಯಗನ್ಥಂ ಪಟಿಚ್ಚ ಇದಂಸಚ್ಚಾಭಿನಿವೇಸೋ ಕಾಯಗನ್ಥೋ. (೧)

ಗನ್ಥಂ ಧಮ್ಮಂ ಪಟಿಚ್ಚ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಗನ್ಥೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೨)

ಗನ್ಥಂ ಧಮ್ಮಂ ಪಟಿಚ್ಚ ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸೀಲಬ್ಬತಪರಾಮಾಸಂ ಕಾಯಗನ್ಥಂ ಪಟಿಚ್ಚ ಅಭಿಜ್ಝಾಕಾಯಗನ್ಥೋ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ (ಚಕ್ಕಂ). (೩)

೨. ನೋಗನ್ಥಂ ಧಮ್ಮಂ ಪಟಿಚ್ಚ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಗನ್ಥಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ…. (೧)

ನೋಗನ್ಥಂ ಧಮ್ಮಂ ಪಟಿಚ್ಚ ಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಗನ್ಥೇ ಖನ್ಧೇ ಪಟಿಚ್ಚ ಗನ್ಥಾ. (೨)

ನೋಗನ್ಥಂ ಧಮ್ಮಂ ಪಟಿಚ್ಚ ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಗನ್ಥಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಗನ್ಥಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೩. ಗನ್ಥಞ್ಚ ನೋಗನ್ಥಞ್ಚ ಧಮ್ಮಂ ಪಟಿಚ್ಚ ಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೀಲಬ್ಬತಪರಾಮಾಸಂ ಕಾಯಗನ್ಥಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಅಭಿಜ್ಝಾಕಾಯಗನ್ಥೋ (ಚಕ್ಕಂ). (೧)

ಗನ್ಥಞ್ಚ ನೋಗನ್ಥಞ್ಚ ಧಮ್ಮಂ ಪಟಿಚ್ಚ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಗನ್ಥಂ ಏಕಂ ಖನ್ಧಞ್ಚ ಗನ್ಥೇ ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ…ಪೇ… ಗನ್ಥೇ ಚ ಸಮ್ಪಯುತ್ತಕೇ ಖನ್ಧೇ ಚ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೨)

ಗನ್ಥಞ್ಚ ನೋಗನ್ಥಞ್ಚ ಧಮ್ಮಂ ಪಟಿಚ್ಚ ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಗನ್ಥಂ ಏಕಂ ಖನ್ಧಞ್ಚ ಸೀಲಬ್ಬತಪರಾಮಾಸಕಾಯಗನ್ಥಞ್ಚ ಪಟಿಚ್ಚ ತಯೋ ಖನ್ಧಾ ಅಭಿಜ್ಝಾಕಾಯಗನ್ಥೋ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ…ಪೇ…. (ಚಕ್ಕಂ. ಸಂಖಿತ್ತಂ.) (೩)

ಆರಮ್ಮಣಪಚ್ಚಯಾ…ಪೇ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೪. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ (ಸಬ್ಬತ್ಥ ನವ), ವಿಪಾಕೇ ಏಕಂ, ಆಹಾರೇ ನವ…ಪೇ… ಅವಿಗತೇ ನವ.

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೫. ನೋಗನ್ಥಂ ಧಮ್ಮಂ ಪಟಿಚ್ಚ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಗನ್ಥಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ (ಯಾವ ಅಸಞ್ಞಸತ್ತಾ), ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ನಆರಮ್ಮಣಪಚ್ಚಯಾದಿ

೬. ಗನ್ಥಂ ಧಮ್ಮಂ ಪಟಿಚ್ಚ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಗನ್ಥೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ. (೧)

ನೋಗನ್ಥಂ ಧಮ್ಮಂ ಪಟಿಚ್ಚ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ನೋಗನ್ಥೇ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… (ಯಾವ ಅಸಞ್ಞಸತ್ತಾ). (೧)

ಗನ್ಥಞ್ಚ ನೋಗನ್ಥಞ್ಚ ಧಮ್ಮಂ ಪಟಿಚ್ಚ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ನಆರಮ್ಮಣಪಚ್ಚಯಾ – ಗನ್ಥೇ ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ (ಸಂಖಿತ್ತಂ).

ನಅಧಿಪತಿಪಚ್ಚಯಾ… ನವ, ನಅನನ್ತರಪಚ್ಚಯಾ… ತೀಣಿ, ನಸಮನನ್ತರಪಚ್ಚಯಾ… ತೀಣಿ, ನಅಞ್ಞಮಞ್ಞಪಚ್ಚಯಾ… ತೀಣಿ, ನಉಪನಿಸ್ಸಯಪಚ್ಚಯಾ… ತೀಣಿ.

ನಪುರೇಜಾತಪಚ್ಚಯಾದಿ

೭. ಗನ್ಥಂ ಧಮ್ಮಂ ಪಟಿಚ್ಚ ಗನ್ಥೋ ಧಮ್ಮೋ ಉಪ್ಪಜ್ಜತಿ ನಪುರೇಜಾತಪಚ್ಚಯಾ – ಅರೂಪೇ ಇದಂಸಚ್ಚಾಭಿನಿವೇಸಂ ಕಾಯಗನ್ಥಂ ಪಟಿಚ್ಚ ಅಭಿಜ್ಝಾಕಾಯಗನ್ಥೋ, ಅಭಿಜ್ಝಾಕಾಯಗನ್ಥಂ ಪಟಿಚ್ಚ ಇದಂಸಚ್ಚಾಭಿನಿವೇಸೋ ಕಾಯಗನ್ಥೋ (ಅರೂಪೇ ಸೀಲಬ್ಬತಪರಾಮಾಸೋ ನತ್ಥಿ, ಏವಂ ನವ ಪಞ್ಹಾ ಕಾತಬ್ಬಾ), ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ.

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೮. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ.

೩. ಪಚ್ಚಯಾನುಲೋಮಪಚ್ಚನೀಯಂ

೯. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ನವ (ಸಂಖಿತ್ತಂ, ಏವಂ ಗಣೇತಬ್ಬಂ).

೪. ಪಚ್ಚಯಪಚ್ಚನೀಯಾನುಲೋಮಂ

೧೦. ನಹೇತುಪಚ್ಚಯಾ ಆರಮ್ಮಣೇ ಏಕಂ…ಪೇ… ಅನನ್ತರೇ ಏಕಂ…ಪೇ… ಅವಿಗತೇ ಏಕಂ.

೨. ಸಹಜಾತವಾರೋ

(ಸಹಜಾತವಾರೋ ಪಟಿಚ್ಚವಾರಸದಿಸೋ).

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೧. ಗನ್ಥಂ ಧಮ್ಮಂ ಪಚ್ಚಯಾ ಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚವಾರಸದಿಸೋ).

ನೋಗನ್ಥಂ ಧಮ್ಮಂ ಪಚ್ಚಯಾ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಗನ್ಥಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ. ಏಕಂ ಮಹಾಭೂತಂ…ಪೇ… ವತ್ಥುಂ ಪಚ್ಚಯಾ ನೋಗನ್ಥಾ ಖನ್ಧಾ. (೧)

ನೋಗನ್ಥಂ ಧಮ್ಮಂ ಪಚ್ಚಯಾ ಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಗನ್ಥೇ ಖನ್ಧೇ ಪಚ್ಚಯಾ ಗನ್ಥಾ, ವತ್ಥುಂ ಪಚ್ಚಯಾ ಗನ್ಥಾ. (೨)

ನೋಗನ್ಥಂ ಧಮ್ಮಂ ಪಚ್ಚಯಾ ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಗನ್ಥಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಗನ್ಥಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ವತ್ಥುಂ ಪಚ್ಚಯಾ ಗನ್ಥಾ ಸಮ್ಪಯುತ್ತಕಾ ಚ ಖನ್ಧಾ. (೩)

೧೨. ಗನ್ಥಞ್ಚ ನೋಗನ್ಥಞ್ಚ ಧಮ್ಮಂ ಪಚ್ಚಯಾ ಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸೀಲಬ್ಬತಪರಾಮಾಸಂ ಕಾಯಗನ್ಥಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಚ್ಚಯಾ ಅಭಿಜ್ಝಾಕಾಯಗನ್ಥೋ (ಚಕ್ಕಂ). ಸೀಲಬ್ಬತಪರಾಮಾಸಂ ಕಾಯಗನ್ಥಞ್ಚ ವತ್ಥುಞ್ಚ ಪಚ್ಚಯಾ ಅಭಿಜ್ಝಾಕಾಯಗನ್ಥೋ (ಚಕ್ಕಂ). (೧)

ಗನ್ಥಞ್ಚ ನೋಗನ್ಥಞ್ಚ ಧಮ್ಮಂ ಪಚ್ಚಯಾ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಗನ್ಥಂ ಏಕಂ ಖನ್ಧಞ್ಚ ಗನ್ಥೇ ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಗನ್ಥೇ ಚ ವತ್ಥುಞ್ಚ ಪಚ್ಚಯಾ ನೋಗನ್ಥಾ ಖನ್ಧಾ. (೨)

ಗನ್ಥಞ್ಚ ನೋಗನ್ಥಞ್ಚ ಧಮ್ಮಂ ಪಚ್ಚಯಾ ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಗನ್ಥಂ ಏಕಂ ಖನ್ಧಞ್ಚ ಸೀಲಬ್ಬತಪರಾಮಾಸಂ ಕಾಯಗನ್ಥಞ್ಚ ಪಚ್ಚಯಾ ತಯೋ ಖನ್ಧಾ ಅಭಿಜ್ಝಾಕಾಯಗನ್ಥೋ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… (ಚಕ್ಕಂ). ಸೀಲಬ್ಬತಪರಾಮಾಸಂ ಕಾಯಗನ್ಥಞ್ಚ ವತ್ಥುಞ್ಚ ಪಚ್ಚಯಾ ಅಭಿಜ್ಝಾಕಾಯಗನ್ಥೋ ಚ ಸಮ್ಪಯುತ್ತಕಾ ಚ ಖನ್ಧಾ (ಚಕ್ಕಂ). (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

೧೩. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ…ಪೇ… ಅವಿಗತೇ ನವ.

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೧೪. ನೋಗನ್ಥಂ ಧಮ್ಮಂ ಪಚ್ಚಯಾ ನೋಗನ್ಥೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಗನ್ಥಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… (ಯಾವ ಅಸಞ್ಞಸತ್ತಾ), ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ. ವತ್ಥುಂ ಪಚ್ಚಯಾ ಅಹೇತುಕಾ ನೋಗನ್ಥಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ (ಸಂಖಿತ್ತಂ).

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೧೫. ನಹೇತುಯಾ ಏಕಂ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ (ಏವಂ ಗಣೇತಬ್ಬಂ).

೩. ಪಚ್ಚಯಾನುಲೋಮಪಚ್ಚನೀಯಂ

೧೬. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ನವ…ಪೇ… ನೋವಿಗತೇ ತೀಣಿ.

೪. ಪಚ್ಚಯಪಚ್ಚನೀಯಾನುಲೋಮಂ

೧೭. ನಹೇತುಪಚ್ಚಯಾ ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ.

೪-೬. ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

(ನಿಸ್ಸಯವಾರೋ ಪಚ್ಚಯವಾರಸದಿಸೋವ. ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ನವ ಪಞ್ಹಾ ಕಾತಬ್ಬಾ, ರೂಪಂ ನತ್ಥಿ.)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೮. ಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಾ ಹೇತೂ ಸಮ್ಪಯುತ್ತಕಾನಂ ಗನ್ಥಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಗನ್ಥಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

೧೯. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಗನ್ಥಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಗನ್ಥಾ ಹೇತೂ ಸಮ್ಪಯುತ್ತಕಾನಂ ಗನ್ಥಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಗನ್ಥಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಗನ್ಥಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

೨೦. ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಾ ಚ ನೋಗನ್ಥಾ ಚ ಹೇತೂ ಸಮ್ಪಯುತ್ತಕಾನಂ ಗನ್ಥಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ನೋಗನ್ಥಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಾ ಚ ನೋಗನ್ಥಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಗನ್ಥಾ ಚ ನೋಗನ್ಥಾ ಚ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಗನ್ಥಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

ಆರಮ್ಮಣಪಚ್ಚಯೋ

೨೧. ಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಗನ್ಥೇ ಆರಬ್ಭ ಗನ್ಥಾ ಉಪ್ಪಜ್ಜನ್ತಿ. (ಮೂಲಂ ಕಾತಬ್ಬಂ) ಗನ್ಥೇ ಆರಬ್ಭ ನೋಗನ್ಥಾ ಖನ್ಧಾ ಉಪ್ಪಜ್ಜನ್ತಿ. (ಮೂಲಂ ಕಾತಬ್ಬಂ) ಗನ್ಥೇ ಆರಬ್ಭ ಗನ್ಥಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

೨೨. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ. ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ನೋಗನ್ಥೇ ಪಹೀನೇ ಕಿಲೇಸೇ…ಪೇ… ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ…ಪೇ… ಚಕ್ಖುಂ…ಪೇ… ವತ್ಥುಂ ನೋಗನ್ಥೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ನೋಗನ್ಥಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ನೋಗನ್ಥಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ದೋಮನಸ್ಸಂ ಉಪ್ಪಜ್ಜತಿ; ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ನೋಗನ್ಥೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ನೋಗನ್ಥೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಆರಬ್ಭ ಕಾತಬ್ಬಾ).

ಅಧಿಪತಿಪಚ್ಚಯೋ

೨೩. ಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ… ತೀಣಿ (ಆರಮ್ಮಣಸದಿಸಾ, ಗರುಕಾರಮ್ಮಣಾ ಕಾತಬ್ಬಾ).

ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ…ಪೇ… ಝಾನಾ…ಪೇ… ಅರಿಯಾ ಮಗ್ಗಾ…ಪೇ… ಫಲಂ…ಪೇ… ನಿಬ್ಬಾನಂ…ಪೇ… ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ… ವತ್ಥುಂ ನೋಗನ್ಥೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ನೋಗನ್ಥಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ ಸುಚಿಣ್ಣಾನಿ …ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ನೋಗನ್ಥೇ ಖನ್ಧೇ ಗರುಂ ಕತ್ವಾ ತಂ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ನೋಗನ್ಥಾಧಿಪತಿ ಗನ್ಥಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ…ಪೇ… ನೋಗನ್ಥೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ಗನ್ಥಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ಸಹಜಾತಾಧಿಪತಿ – ನೋಗನ್ಥಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಗನ್ಥಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

೨೪. ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ… ತೀಣಿ.

ಅನನ್ತರಪಚ್ಚಯೋ

೨೫. ಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಗನ್ಥಾ ಪಚ್ಛಿಮಾನಂ ಪಚ್ಛಿಮಾನಂ ಗನ್ಥಾನಂ ಅನನ್ತರಪಚ್ಚಯೇನ ಪಚ್ಚಯೋ. (೧)

ಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಗನ್ಥಾ ಪಚ್ಛಿಮಾನಂ ಪಚ್ಛಿಮಾನಂ ನೋಗನ್ಥಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಗನ್ಥಾ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ. (೨)

ಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಗನ್ಥಾ ಪಚ್ಛಿಮಾನಂ ಪಚ್ಛಿಮಾನಂ ಗನ್ಥಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ. (೩)

೨೬. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ (ದ್ವೇ ಆವಜ್ಜನಾ ಕಾತಬ್ಬಾ, ಪಠಮೋ ನತ್ಥಿ).

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ (ಏಕಮ್ಪಿ ವುಟ್ಠಾನಂ ಕಾತಬ್ಬಂ, ಮಜ್ಝೇ).

ಸಮನನ್ತರಪಚ್ಚಯಾದಿ

೨೭. ಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ನವ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನವ, ನಿಸ್ಸಯಪಚ್ಚಯೇನ ಪಚ್ಚಯೋ… ನವ.

ಉಪನಿಸ್ಸಯಪಚ್ಚಯೋ

೨೮. ಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಗನ್ಥಾ ಗನ್ಥಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

೨೯. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ …ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ, ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ …ಪೇ… ಸಙ್ಘಂ ಭಿನ್ದತಿ, ಸದ್ಧಾ…ಪೇ… ಸೇನಾಸನಂ ಗನ್ಥಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ… ತೀಣಿ (ಆರಮ್ಮಣನಯೇನ ಕಾತಬ್ಬಾ).

ಪುರೇಜಾತಪಚ್ಚಯಾದಿ

೩೦. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೋಗನ್ಥಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಗನ್ಥಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ವತ್ಥುಪುರೇಜಾತಂ – ವತ್ಥು ಗನ್ಥಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಪಚ್ಛಾಜಾತಪಚ್ಚಯೇನ ಪಚ್ಚಯೋ… ತೀಣಿ, ಆಸೇವನಪಚ್ಚಯೇನ ಪಚ್ಚಯೋ… ನವ.

ಕಮ್ಮಪಚ್ಚಯೋ

೩೧. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ನೋಗನ್ಥಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ನೋಗನ್ಥಾ ಚೇತನಾ ವಿಪಾಕಾನಂ ಖನ್ಧಾನಂ ಕಟತ್ತಾ ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನೋಗನ್ಥಾ ಚೇತನಾ ಸಮ್ಪಯುತ್ತಕಾನಂ ಗನ್ಥಾನಂ ಕಮ್ಮಪಚ್ಚಯೇನ ಪಚ್ಚಯೋ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ನೋಗನ್ಥಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಗನ್ಥಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೩)

ವಿಪಾಕಪಚ್ಚಯಾದಿ

೩೨. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ಏಕಂ… ಆಹಾರಪಚ್ಚಯೇನ ಪಚ್ಚಯೋ… ತೀಣಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ… ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ನವ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ನವ.

ವಿಪ್ಪಯುತ್ತಪಚ್ಚಯೋ

೩೩. ಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೧)

ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಗನ್ಥಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಗನ್ಥಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ನೋಗನ್ಥಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೧)

ಅತ್ಥಿಪಚ್ಚಯೋ

೩೪. ಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚಸದಿಸಂ).

ಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಗನ್ಥಾ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಗನ್ಥಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚಸದಿಸಂ). (೩)

೩೫. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ). (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಾ – ನೋಗನ್ಥಾ ಖನ್ಧಾ ಗನ್ಥಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ದೋಮನಸ್ಸಂ ಉಪ್ಪಜ್ಜತಿ, ವತ್ಥು ಗನ್ಥಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ನೋಗನ್ಥೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಗನ್ಥಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ…. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಗನ್ಥಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ; ವತ್ಥು ಗನ್ಥಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೩)

೩೬. ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ಸೀಲಬ್ಬತಪರಾಮಾಸೋ ಕಾಯಗನ್ಥೋ ಚ ಸಮ್ಪಯುತ್ತಕಾ ಚ ಖನ್ಧಾ ಅಭಿಜ್ಝಾಕಾಯಗನ್ಥಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ). ಸಹಜಾತೋ – ಸೀಲಬ್ಬತಪರಾಮಾಸೋ ಕಾಯಗನ್ಥೋ ಚ ವತ್ಥು ಚ ಅಭಿಜ್ಝಾಕಾಯಗನ್ಥಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (ಚಕ್ಕಂ). (೧)

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ನೋಗನ್ಥಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ನೋಗನ್ಥೋ ಏಕೋ ಖನ್ಧೋ ಚ ಗನ್ಥೋ ಚ ತಿಣ್ಣನ್ನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ ಚ…ಪೇ…. ಸಹಜಾತಾ – ಗನ್ಥಾ ಚ ವತ್ಥು ಚ ನೋಗನ್ಥಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಸಹಜಾತಾ – ಗನ್ಥಾ ಚ ಮಹಾಭೂತಾ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಗನ್ಥಾ ಚ ಸಮ್ಪಯುತ್ತಕಾ ಚ ಖನ್ಧಾ ಪುರೇಜಾತಸ್ಸ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಗನ್ಥಾ ಚ ಕಬಳೀಕಾರೋ ಆಹಾರೋ ಚ ಇಮಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಗನ್ಥಾ ಚ ರೂಪಜೀವಿತಿನ್ದ್ರಿಯಞ್ಚ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ನೋಗನ್ಥೋ ಏಕೋ ಖನ್ಧೋ ಚ ಸೀಲಬ್ಬತಪರಾಮಾಸೋ ಕಾಯಗನ್ಥೋ ಚ ತಿಣ್ಣನ್ನಂ ಖನ್ಧಾನಂ ಅಭಿಜ್ಝಾಕಾಯಗನ್ಥಸ್ಸ ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ…. ಸಹಜಾತೋ – ಸೀಲಬ್ಬತಪರಾಮಾಸೋ ಕಾಯಗನ್ಥೋ ಚ ವತ್ಥು ಚ ಅಭಿಜ್ಝಾಕಾಯಗನ್ಥಸ್ಸ ಚ ಸಮ್ಪಯುತ್ತಕಾನಞ್ಚ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ (ಚಕ್ಕಂ). (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೩೭. ಹೇತುಯಾ ನವ, ಆರಮ್ಮಣೇ ನವ (ಸಬ್ಬತ್ಥ ನವ), ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ.

ಅನುಲೋಮಂ.

ಪಚ್ಚನೀಯುದ್ಧಾರೋ

೩೮. ಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೨)

ಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೩೯. ನೋಗನ್ಥೋ ಧಮ್ಮೋ ನೋಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ನೋಗನ್ಥೋ ಧಮ್ಮೋ ಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೋಗನ್ಥೋ ಧಮ್ಮೋ ಗನ್ಥಸ್ಸ ಚ ನೋಗನ್ಥಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೩)

೪೦. ಗನ್ಥೋ ಚ ನೋಗನ್ಥೋ ಚ ಧಮ್ಮಾ ಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಗನ್ಥೋ ಚ ನೋಗನ್ಥೋ ಚ ಧಮ್ಮಾ ನೋಗನ್ಥಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೨)