೧. ವಿಭಙ್ಗವಾರೋ

ಹೇತುಪಚ್ಚಯೋ

೯೭. ಸಞ್ಞೋಜನಞ್ಚೇವ ಸಞ್ಞೋಜನಿಯಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಿಯೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಕಾಮರಾಗಸಞ್ಞೋಜನಂ ಪಟಿಚ್ಚ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ (ಚಕ್ಕಂ). (೧)

ಸಞ್ಞೋಜನಞ್ಚೇವ ಸಞ್ಞೋಜನಿಯಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಚೇವ ನೋ ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಞ್ಞೋಜನೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೨)

ಸಞ್ಞೋಜನಞ್ಚೇವ ಸಞ್ಞೋಜನಿಯಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಿಯೋ ಚ ಸಞ್ಞೋಜನಿಯೋ ಚೇವ ನೋ ಚ ಸಞ್ಞೋಜನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಕಾಮರಾಗಸಞ್ಞೋಜನಂ ಪಟಿಚ್ಚ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ (ಚಕ್ಕಂ). (೩)

೯೮. ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಚೇವ ನೋ ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… (ಯಾವ ಮಹಾಭೂತಾ). (೧)

ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಿಯೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಞ್ಞೋಜನಿಯೇ ಚೇವ ನೋ ಚ ಸಞ್ಞೋಜನೇ ಖನ್ಧೇ ಪಟಿಚ್ಚ ಸಞ್ಞೋಜನಾ. (೨)

ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಿಯೋ ಚ ಸಞ್ಞೋಜನಿಯೋ ಚೇವ ನೋ ಚ ಸಞ್ಞೋಜನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಸಞ್ಞೋಜನಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೯೯. ಸಞ್ಞೋಜನಞ್ಚೇವ ಸಞ್ಞೋಜನಿಯಞ್ಚ ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಿಯೋ ಚ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮರಾಗಸಞ್ಞೋಜನಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ (ಚಕ್ಕಂ). (೧)

ಸಞ್ಞೋಜನಞ್ಚೇವ ಸಞ್ಞೋಜನಿಯಞ್ಚ ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಚೇವ ನೋ ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಏಕಂ ಖನ್ಧಞ್ಚ ಸಞ್ಞೋಜನೇ ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೨)

ಸಞ್ಞೋಜನಞ್ಚೇವ ಸಞ್ಞೋಜನಿಯಞ್ಚ ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚೇವ ಸಞ್ಞೋಜನಿಯೋ ಚ ಸಞ್ಞೋಜನಿಯೋ ಚೇವ ನೋ ಚ ಸಞ್ಞೋಜನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಞ್ಞೋಜನಿಯಞ್ಚೇವ ನೋ ಚ ಸಞ್ಞೋಜನಂ ಏಕಂ ಖನ್ಧಞ್ಚ ಕಾಮರಾಗಸಞ್ಞೋಜನಞ್ಚ ಪಟಿಚ್ಚ ತಯೋ ಖನ್ಧಾ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ…ಪೇ… (ಚಕ್ಕಂ ಬನ್ಧಿತಬ್ಬಂ). (೩)

(ಸಞ್ಞೋಜನಗೋಚ್ಛಕೇ ಪಠಮದುಕಸದಿಸಂ.)

(ಏವಂ ಇಮಮ್ಪಿ ದುಕಂ ವಿತ್ಥಾರೇತಬ್ಬಂ, ನಿನ್ನಾನಾಕರಣಂ ಠಪೇತ್ವಾ ಲೋಕುತ್ತರಂ).

ಸಞ್ಞೋಜನಸಞ್ಞೋಜನಿಯದುಕಂ ನಿಟ್ಠಿತಂ.