೪. ಸಞ್ಞೋಜನಗೋಚ್ಛಕಂ

೨೦. ಸಞ್ಞೋಜನದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧. ಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮರಾಗಸಞ್ಞೋಜನಂ ಪಟಿಚ್ಚ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ, ಕಾಮರಾಗಸಞ್ಞೋಜನಂ ಪಟಿಚ್ಚ ಸೀಲಬ್ಬತಪರಾಮಾಸಸಞ್ಞೋಜನಂ ಅವಿಜ್ಜಾಸಞ್ಞೋಜನಂ, ಕಾಮರಾಗಸಞ್ಞೋಜನಂ ಪಟಿಚ್ಚ ಮಾನಸಞ್ಞೋಜನಂ ಅವಿಜ್ಜಾಸಞ್ಞೋಜನಂ, ಕಾಮರಾಗಸಞ್ಞೋಜನಂ ಪಟಿಚ್ಚ ಅವಿಜ್ಜಾಸಞ್ಞೋಜನಂ, ಪಟಿಘಸಞ್ಞೋಜನಂ ಪಟಿಚ್ಚ ಇಸ್ಸಾಸಞ್ಞೋಜನಂ ಅವಿಜ್ಜಾಸಞ್ಞೋಜನಂ, ಪಟಿಘಸಞ್ಞೋಜನಂ ಪಟಿಚ್ಚ ಮಚ್ಛರಿಯಸಞ್ಞೋಜನಂ ಅವಿಜ್ಜಾಸಞ್ಞೋಜನಂ, ಪಟಿಘಸಞ್ಞೋಜನಂ ಪಟಿಚ್ಚ ಅವಿಜ್ಜಾಸಞ್ಞೋಜನಂ, ಮಾನಸಞ್ಞೋಜನಂ ಪಟಿಚ್ಚ ಭವರಾಗಸಞ್ಞೋಜನಂ ಅವಿಜ್ಜಾಸಞ್ಞೋಜನಂ, ಭವರಾಗಸಞ್ಞೋಜನಂ ಪಟಿಚ್ಚ ಅವಿಜ್ಜಾಸಞ್ಞೋಜನಂ, ವಿಚಿಕಿಚ್ಛಾಸಞ್ಞೋಜನಂ ಪಟಿಚ್ಚ ಅವಿಜ್ಜಾಸಞ್ಞೋಜನಂ. (೧)

ಸಞ್ಞೋಜನಂ ಧಮ್ಮಂ ಪಟಿಚ್ಚ ನೋಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಞ್ಞೋಜನೇ ಪಟಿಚ್ಚ ಸಮ್ಪಯುತ್ತಕಾ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ. (೨)

ಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಕಾಮರಾಗಸಞ್ಞೋಜನಂ ಪಟಿಚ್ಚ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ ಸಮ್ಪಯುತ್ತಕಾ ಚ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ (ಚಕ್ಕಂ ಬನ್ಧಿತಬ್ಬಂ). (೩)

೨. ನೋಸಞ್ಞೋಜನಂ ಧಮ್ಮಂ ಪಟಿಚ್ಚ ನೋಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಸಞ್ಞೋಜನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ನೋಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಸಞ್ಞೋಜನೇ ಖನ್ಧೇ ಪಟಿಚ್ಚ ಸಞ್ಞೋಜನಾ. (೨)

ನೋಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಸಞ್ಞೋಜನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಸಞ್ಞೋಜನಾ ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ…. (೩)

೩. ಸಞ್ಞೋಜನಞ್ಚ ನೋಸಞ್ಞೋಜನಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮರಾಗಸಞ್ಞೋಜನಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ (ಚಕ್ಕಂ ಬನ್ಧಿತಬ್ಬಂ). (೧)

ಸಞ್ಞೋಜನಞ್ಚ ನೋಸಞ್ಞೋಜನಞ್ಚ ಧಮ್ಮಂ ಪಟಿಚ್ಚ ನೋಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಸಞ್ಞೋಜನಂ ಏಕಂ ಖನ್ಧಞ್ಚ ಸಞ್ಞೋಜನೇ ಚ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ ಚ…ಪೇ…. (೨)

ಸಞ್ಞೋಜನಞ್ಚ ನೋಸಞ್ಞೋಜನಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಸಞ್ಞೋಜನಂ ಏಕಂ ಖನ್ಧಞ್ಚ ಕಾಮರಾಗಸಞ್ಞೋಜನಞ್ಚ ಪಟಿಚ್ಚ ತಯೋ ಖನ್ಧಾ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… (ಚಕ್ಕಂ ಬನ್ಧಿತಬ್ಬಂ). (೩)

(ಆರಮ್ಮಣಪಚ್ಚಯೇ ರೂಪಂ ನತ್ಥಿ. ಅಧಿಪತಿಪಚ್ಚಯೋ ಹೇತುಸದಿಸೋ, ವಿಚಿಕಿಚ್ಛಾಸಞ್ಞೋಜನಂ ನತ್ಥಿ.) ಅನನ್ತರಪಚ್ಚಯಾ…ಪೇ… ಅವಿಗತಪಚ್ಚಯಾ.

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೪. ಹೇತುಯಾ ನವ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ (ಸಬ್ಬತ್ಥ ನವ), ವಿಪಾಕೇ ಏಕಂ, ಆಹಾರೇ ನವ…ಪೇ… ಅವಿಗತೇ ನವ.

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೫. ಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಞ್ಞೋಜನಂ ಪಟಿಚ್ಚ ಅವಿಜ್ಜಾಸಞ್ಞೋಜನಂ. (೧)

ನೋಸಞ್ಞೋಜನಂ ಧಮ್ಮಂ ಪಟಿಚ್ಚ ನೋಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ನೋಸಞ್ಞೋಜನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… (ಯಾವ ಅಸಞ್ಞಸತ್ತಾ). (೧)

ನೋಸಞ್ಞೋಜನಂ ಧಮ್ಮಂ ಪಟಿಚ್ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ಅವಿಜ್ಜಾಸಞ್ಞೋಜನಂ. (೨)

ಸಞ್ಞೋಜನಞ್ಚ ನೋಸಞ್ಞೋಜನಞ್ಚ ಧಮ್ಮಂ ಪಟಿಚ್ಚ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ವಿಚಿಕಿಚ್ಛಾಸಞ್ಞೋಜನಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಟಿಚ್ಚ ಅವಿಜ್ಜಾಸಞ್ಞೋಜನಂ. (೩)

(ಸಂಖಿತ್ತಂ. ಆಸವಗೋಚ್ಛಕಸದಿಸಂ. ನಆರಮ್ಮಣಾಪಿ ಸಬ್ಬೇ ಉದ್ಧರಿತಬ್ಬಾ.)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೬. ನಹೇತುಯಾ ಚತ್ತಾರಿ, ನಆರಮ್ಮಣೇ ತೀಣಿ, ನಅಧಿಪತಿಯಾ ನವ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ನವ, ನಪಚ್ಛಾಜಾತೇ ನವ, ನಆಸೇವನೇ ನವ, ನಕಮ್ಮೇ ತೀಣಿ, ನವಿಪಾಕೇ ನವ, ನಆಹಾರೇ ಏಕಂ, ನಇನ್ದ್ರಿಯೇ ಏಕಂ, ನಝಾನೇ ಏಕಂ, ನಮಗ್ಗೇ ಏಕಂ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ನವ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ.

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೭. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ನವ (ಏವಂ ಸಬ್ಬಂ ಗಣೇತಬ್ಬಂ).

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೮. ನಹೇತುಪಚ್ಚಯಾ ಆರಮ್ಮಣೇ ಚತ್ತಾರಿ (ಸಬ್ಬತ್ಥ ಚತ್ತಾರಿ) ವಿಪಾಕೇ ಏಕಂ, ಆಹಾರೇ ಚತ್ತಾರಿ…ಪೇ… ಮಗ್ಗೇ ತೀಣಿ, ಸಮ್ಪಯುತ್ತೇ ಚತ್ತಾರಿ…ಪೇ… ಅವಿಗತೇ ಚತ್ತಾರಿ.

ಪಚ್ಚನೀಯಾನುಲೋಮಂ.

೨. ಸಹಜಾತವಾರೋ

೯. ಸಞ್ಞೋಜನಂ ಧಮ್ಮಂ ಸಹಜಾತೋ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ (ಪಟಿಚ್ಚವಾರಸದಿಸಂ).

೩. ಪಚ್ಚಯವಾರೋ

೧-೪. ಪಚ್ಚಯಾನುಲೋಮಾದಿ

ಹೇತುಪಚ್ಚಯೋ

೧೦. ಸಞ್ಞೋಜನಂ ಧಮ್ಮಂ ಪಚ್ಚಯಾ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ… ತೀಣಿ (ಪಟಿಚ್ಚಸದಿಸಂ).

ನೋಸಞ್ಞೋಜನಂ ಧಮ್ಮಂ ಪಚ್ಚಯಾ ನೋಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಸಞ್ಞೋಜನಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ, ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ವತ್ಥುಂ ಪಚ್ಚಯಾ ನೋಸಞ್ಞೋಜನಾ ಖನ್ಧಾ. (೧)

ನೋಸಞ್ಞೋಜನಂ ಧಮ್ಮಂ ಪಚ್ಚಯಾ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಸಞ್ಞೋಜನೇ ಖನ್ಧೇ ಪಚ್ಚಯಾ ಸಞ್ಞೋಜನಾ, ವತ್ಥುಂ ಪಚ್ಚಯಾ ಸಞ್ಞೋಜನಾ. (೨)

ನೋಸಞ್ಞೋಜನಂ ಧಮ್ಮಂ ಪಚ್ಚಯಾ ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಸಞ್ಞೋಜನಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಸಞ್ಞೋಜನಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ವತ್ಥುಂ ಪಚ್ಚಯಾ ಸಞ್ಞೋಜನಾ, ಮಹಾಭೂತೇ ಪಚ್ಚಯಾ ಚಿತ್ತಸಮುಟ್ಠಾನಂ ರೂಪಂ, ವತ್ಥುಂ ಪಚ್ಚಯಾ ಸಞ್ಞೋಜನಾ ಸಮ್ಪಯುತ್ತಕಾ ಚ ಖನ್ಧಾ. (೩)

೧೧. ಸಞ್ಞೋಜನಞ್ಚ ನೋಸಞ್ಞೋಜನಞ್ಚ ಧಮ್ಮಂ ಪಚ್ಚಯಾ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮರಾಗಸಞ್ಞೋಜನಞ್ಚ ಸಮ್ಪಯುತ್ತಕೇ ಚ ಖನ್ಧೇ ಪಚ್ಚಯಾ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ, ಕಾಮರಾಗಸಞ್ಞೋಜನಞ್ಚ ವತ್ಥುಞ್ಚ ಪಚ್ಚಯಾ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ (ಚಕ್ಕಂ) (೧)

ಸಞ್ಞೋಜನಞ್ಚ ನೋಸಞ್ಞೋಜನಞ್ಚ ಧಮ್ಮಂ ಪಚ್ಚಯಾ ನೋಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ನೋಸಞ್ಞೋಜನಂ ಏಕಂ ಖನ್ಧಞ್ಚ ಸಞ್ಞೋಜನೇ ಚ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… (ಚಕ್ಕಂ). ಸಞ್ಞೋಜನೇ ಚ ವತ್ಥುಞ್ಚ ಪಚ್ಚಯಾ ನೋಸಞ್ಞೋಜನಾ ಖನ್ಧಾ. (೨)

ಸಞ್ಞೋಜನಞ್ಚ ನೋಸಞ್ಞೋಜನಞ್ಚ ಧಮ್ಮಂ ಪಚ್ಚಯಾ ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ನೋಸಞ್ಞೋಜನಂ ಏಕಂ ಖನ್ಧಞ್ಚ ಕಾಮರಾಗಸಞ್ಞೋಜನಞ್ಚ ಪಚ್ಚಯಾ ತಯೋ ಖನ್ಧಾ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… (ಚಕ್ಕಂ). ಕಾಮರಾಗಸಞ್ಞೋಜನಞ್ಚ ವತ್ಥುಞ್ಚ ಪಚ್ಚಯಾ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ ಸಮ್ಪಯುತ್ತಕಾ ಚ ಖನ್ಧಾ (ಚಕ್ಕಂ. ಸಂಖಿತ್ತಂ). (೩)

೧೨. ಹೇತುಯಾ ನವ, ಆರಮ್ಮಣೇ ನವ (ಸಬ್ಬತ್ಥ ನವ), ವಿಪಾಕೇ ಏಕಂ…ಪೇ… ಅವಿಗತೇ ನವ.

೧೩. ನಹೇತುಯಾ ಚತ್ತಾರಿ (ಯತ್ಥ ಯತ್ಥ ವತ್ಥು ಲಬ್ಭತಿ, ತತ್ಥ ತತ್ಥ ನಿನ್ನೇತಬ್ಬಂ), ನಆರಮ್ಮಣೇ ತೀಣಿ…ಪೇ… ನೋವಿಗತೇ ತೀಣಿ.

೪. ನಿಸ್ಸಯವಾರೋ

(ಏವಂ ಇತರೇಪಿ ದ್ವೇ ಗಣನಾ ಚ ನಿಸ್ಸಯವಾರೋ ಚ ಕಾತಬ್ಬೋ.)

೫. ಸಂಸಟ್ಠವಾರೋ

೧. ಪಚ್ಚಯಾನುಲೋಮಂ

ಹೇತುಪಚ್ಚಯೋ

೧೪. ಸಞ್ಞೋಜನಂ ಧಮ್ಮಂ ಸಂಸಟ್ಠೋ ಸಞ್ಞೋಜನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಕಾಮರಾಗಸಞ್ಞೋಜನಂ ಸಂಸಟ್ಠಂ ದಿಟ್ಠಿಸಞ್ಞೋಜನಂ ಅವಿಜ್ಜಾಸಞ್ಞೋಜನಂ (ಏವಂ ನವ ಪಞ್ಹಾ. ಅರೂಪಾಯೇವ ಕಾತಬ್ಬಾ).

೬. ಸಮ್ಪಯುತ್ತವಾರೋ

(ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಏವಂ ಕಾತಬ್ಬಾ.)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೫. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಞ್ಞೋಜನಾ ಹೇತೂ ಸಮ್ಪಯುತ್ತಕಾನಂ ಸಞ್ಞೋಜನಾನಂ ಹೇತುಪಚ್ಚಯೇನ ಪಚ್ಚಯೋ. (೧)

ಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಞ್ಞೋಜನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೨)

ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಞ್ಞೋಜನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಸಞ್ಞೋಜನಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ. (೩)

೧೬. ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ನೋಸಞ್ಞೋಜನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಆರಮ್ಮಣಪಚ್ಚಯೋ

೧೭. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸಞ್ಞೋಜನೇ ಆರಬ್ಭ ಸಞ್ಞೋಜನಾ ಉಪ್ಪಜ್ಜನ್ತಿ. (ಮೂಲಂ ಕಾತಬ್ಬಂ) ಸಞ್ಞೋಜನೇ ಆರಬ್ಭ ನೋಸಞ್ಞೋಜನಾ ಖನ್ಧಾ ಉಪ್ಪಜ್ಜನ್ತಿ. (ಮೂಲಂ ಕಾತಬ್ಬಂ) ಸಞ್ಞೋಜನೇ ಆರಬ್ಭ ಸಞ್ಞೋಜನಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

೧೮. ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ…ಪೇ… ನಿಬ್ಬಾನಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ನೋಸಞ್ಞೋಜನೇ ಪಹೀನೇ ಕಿಲೇಸೇ…ಪೇ… ವಿಕ್ಖಮ್ಭಿತೇ ಕಿಲೇಸೇ…ಪೇ… ಪುಬ್ಬೇ…ಪೇ… ಚಕ್ಖುಂ …ಪೇ… ವತ್ಥುಂ ನೋಸಞ್ಞೋಜನೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ನೋಸಞ್ಞೋಜನಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ನೋಸಞ್ಞೋಜನಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ…ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ನೋಸಞ್ಞೋಜನೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. (೨)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ…ಪೇ… ಪುಬ್ಬೇ…ಪೇ… ಝಾನಾ…ಪೇ… ಚಕ್ಖುಂ…ಪೇ… ವತ್ಥುಂ ನೋಸಞ್ಞೋಜನೇ ಖನ್ಧೇ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ಸಞ್ಞೋಜನಾ ಚ ಸಞ್ಞೋಜನಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. (೩)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ತೀಣಿ (ಆರಬ್ಭಯೇವ ಕಾತಬ್ಬಾ).

ಅಧಿಪತಿಪಚ್ಚಯೋ

೧೯. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸಞ್ಞೋಜನಂ ಗರುಂ ಕತ್ವಾ…ಪೇ… ತೀಣಿ (ಗರುಕಾರಮ್ಮಣಾ).

ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ… ತೀಣಿ (ತಿಣ್ಣಮ್ಪಿ ಆರಮ್ಮಣಾಧಿಪತಿ, ಸಹಜಾತಾಧಿಪತಿಪಿ ಕಾತಬ್ಬಾ, ವಿಭಜಿತಬ್ಬಾ ತೀಣಿಪಿ).

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಸಞ್ಞೋಜನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸಞ್ಞೋಜನೇ ಚ ಸಮ್ಪಯುತ್ತಕೇ ಚ ಖನ್ಧೇ ಗರುಂ ಕತ್ವಾ…ಪೇ… ತೀಣಿ.

ಅನನ್ತರಪಚ್ಚಯೋ

೨೦. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸಞ್ಞೋಜನಾ ಪಚ್ಛಿಮಾನಂ ಪಚ್ಛಿಮಾನಂ ಸಞ್ಞೋಜನಾನಂ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ.

ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೋಸಞ್ಞೋಜನಾ ಖನ್ಧಾ ಪಚ್ಛಿಮಾನಂ…ಪೇ… ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ನೋಸಞ್ಞೋಜನಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸಞ್ಞೋಜನಾನಂ ಅನನ್ತರಪಚ್ಚಯೇನ ಪಚ್ಚಯೋ; ಆವಜ್ಜನಾ ಸಞ್ಞೋಜನಾನಂ ಅನನ್ತರಪಚ್ಚಯೇನ ಪಚ್ಚಯೋ (ಏವಂ ದ್ವೇಪಿ ಕಾತಬ್ಬಾ). (೩)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಸಞ್ಞೋಜನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ… ತೀಣಿ.

ಸಮನನ್ತರಪಚ್ಚಯಾದಿ

೨೧. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ನವ… ಸಹಜಾತಪಚ್ಚಯೇನ ಪಚ್ಚಯೋ… ನವ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನವ… ನಿಸ್ಸಯಪಚ್ಚಯೇನ ಪಚ್ಚಯೋ… ನವ.

ಉಪನಿಸ್ಸಯಪಚ್ಚಯೋ

೨೨. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸಞ್ಞೋಜನಾ ಸಞ್ಞೋಜನಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ (ಏವಂ ತೀಣಿಪಿ).

೨೩. ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಪಞ್ಞಂ, ರಾಗಂ…ಪೇ… ಪತ್ಥನಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ರಾಗಸ್ಸ…ಪೇ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ಪಾಣಂ ಹನತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ಸಞ್ಞೋಜನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಸಞ್ಞೋಜನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ಪುರೇಜಾತಪಚ್ಚಯೋ

೨೪. ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ…. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ನೋಸಞ್ಞೋಜನಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ. ವತ್ಥುಪುರೇಜಾತಂ – ವತ್ಥು ಸಞ್ಞೋಜನಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ, ಅಭಿನನ್ದತಿ, ತಂ ಆರಬ್ಭ ಸಞ್ಞೋಜನಾ ಚ ಸಮ್ಪಯುತ್ತಕಾ ಚ ಖನ್ಧಾ ಉಪ್ಪಜ್ಜನ್ತಿ. ವತ್ಥುಪುರೇಜಾತಂ – ವತ್ಥು ಸಞ್ಞೋಜನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೩)

ಪಚ್ಛಾಜಾತಪಚ್ಚಯೋ

೨೫. ಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಏಕಂ.

ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ…ಪೇ…. (೧)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ನೋಸಞ್ಞೋಜನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ…ಪೇ…. (೧)

ಆಸೇವನಪಚ್ಚಯೋ

೨೬. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ… ನವ.

ಕಮ್ಮಪಚ್ಚಯಾದಿ

೨೭. ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ… ತೀಣಿ… ವಿಪಾಕಪಚ್ಚಯೇನ ಪಚ್ಚಯೋ… ಏಕಂ… ಆಹಾರಪಚ್ಚಯೇನ ಪಚ್ಚಯೋ… ತೀಣಿ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ… ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ನವ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ನವ.

ವಿಪ್ಪಯುತ್ತಪಚ್ಚಯೋ

೨೮. ಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ವಿಭಜಿತಬ್ಬಂ). (೧)

ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ (ವಿಭಜಿತಬ್ಬಂ). (೧)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಸಞ್ಞೋಜನಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ವತ್ಥು ಸಞ್ಞೋಜನಾನಂ ಸಮ್ಪಯುತ್ತಕಾನಞ್ಚ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ನೋಸಞ್ಞೋಜನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ವಿಭಜಿತಬ್ಬಂ). (೧)

ಅತ್ಥಿಪಚ್ಚಯೋ

೨೯. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ… ಏಕಂ (ಪಟಿಚ್ಚಸದಿಸಂ). (೧)

ಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ (ಸಂಖಿತ್ತಂ). (೨)

ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ (ಪಟಿಚ್ಚಸದಿಸಂ). (೩)

೩೦. ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ಸಂಖಿತ್ತಂ). (೧)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತಾ – ನೋಸಞ್ಞೋಜನಾ ಖನ್ಧಾ ಸಮ್ಪಯುತ್ತಕಾನಂ ಸಞ್ಞೋಜನಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅಸ್ಸಾದೇತಿ ಅಭಿನನ್ದತಿ, ತಂ ಆರಬ್ಭ ರಾಗೋ ಉಪ್ಪಜ್ಜತಿ…ಪೇ… ದೋಮನಸ್ಸಂ ಉಪ್ಪಜ್ಜತಿ, ವತ್ಥು ಸಞ್ಞೋಜನಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ. ಸಹಜಾತೋ – ನೋಸಞ್ಞೋಜನೋ…ಪೇ… (ಸಂಖಿತ್ತಂ, ಆಸವಸದಿಸಂ). (೩)

೩೧. ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಸಞ್ಞೋಜನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ಆಸವಸದಿಸಂ). (೧)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ನೋಸಞ್ಞೋಜನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ (ವಿಭಜಿತಬ್ಬಂ ಆಸವಸದಿಸಂ). (೨)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ (ವಿಭಜಿತಬ್ಬಂ ಆಸವಸದಿಸಂ). (೩)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೩೨. ಹೇತುಯಾ ಚತ್ತಾರಿ, ಆರಮ್ಮಣೇ ನವ, ಅಧಿಪತಿಯಾ ನವ, ಅನನ್ತರೇ ನವ, ಸಮನನ್ತರೇ ನವ, ಸಹಜಾತೇ ನವ, ಅಞ್ಞಮಞ್ಞೇ ನವ, ನಿಸ್ಸಯೇ ನವ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ನವ, ಕಮ್ಮೇ ತೀಣಿ, ವಿಪಾಕೇ ಏಕಂ, ಆಹಾರೇ ತೀಣಿ, ಇನ್ದ್ರಿಯೇ ತೀಣಿ, ಝಾನೇ ತೀಣಿ, ಮಗ್ಗೇ ನವ, ಸಮ್ಪಯುತ್ತೇ ನವ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ನವ, ನತ್ಥಿಯಾ ನವ, ವಿಗತೇ ನವ, ಅವಿಗತೇ ನವ.

ಅನುಲೋಮಂ.

ಪಚ್ಚನೀಯುದ್ಧಾರೋ

೩೩. ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೨)

ಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೩೪. ನೋಸಞ್ಞೋಜನೋ ಧಮ್ಮೋ ನೋಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೋಸಞ್ಞೋಜನೋ ಧಮ್ಮೋ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ … ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೩)

೩೫. ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ನೋಸಞ್ಞೋಜನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೨)

ಸಞ್ಞೋಜನೋ ಚ ನೋಸಞ್ಞೋಜನೋ ಚ ಧಮ್ಮಾ ಸಞ್ಞೋಜನಸ್ಸ ಚ ನೋಸಞ್ಞೋಜನಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೩)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೩೬. ನಹೇತುಯಾ ನವ, ನಆರಮ್ಮಣೇ ನವ (ಸಬ್ಬತ್ಥ ನವ), ನೋಅವಿಗತೇ ನವ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೩೭. ಹೇತುಪಚ್ಚಯಾ ನಆರಮ್ಮಣೇ ಚತ್ತಾರಿ…ಪೇ… ನಸಮನನ್ತರೇ ಚತ್ತಾರಿ, ನಅಞ್ಞಮಞ್ಞೇ ದ್ವೇ, ನಉಪನಿಸ್ಸಯೇ ಚತ್ತಾರಿ…ಪೇ… ನಮಗ್ಗೇ ಚತ್ತಾರಿ, ನಸಮ್ಪಯುತ್ತೇ ದ್ವೇ, ನವಿಪ್ಪಯುತ್ತೇ ಚತ್ತಾರಿ, ನೋನತ್ಥಿಯಾ ಚತ್ತಾರಿ, ನೋವಿಗತೇ ಚತ್ತಾರಿ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೩೮. ನಹೇತುಪಚ್ಚಯಾ ಆರಮ್ಮಣೇ ನವ, ಅಧಿಪತಿಯಾ ನವ (ಅನುಲೋಮಮಾತಿಕಾ), ಅವಿಗತೇ ನವ.

ಸಞ್ಞೋಜನದುಕಂ ನಿಟ್ಠಿತಂ.

೨೧. ಸಞ್ಞೋಜನಿಯದುಕಂ

೧-೭. ಪಟಿಚ್ಚವಾರಾದಿ

೩೯. ಸಞ್ಞೋಜನಿಯಂ ಧಮ್ಮಂ ಪಟಿಚ್ಚ ಸಞ್ಞೋಜನಿಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಞ್ಞೋಜನಿಯಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ….