೧. ವಿಭಙ್ಗವಾರೋ

ಹೇತುಪಚ್ಚಯೋ

೫೩. ಸಪ್ಪಟಿಘಂ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಪ್ಪಟಿಘಂ ಏಕಂ ಮಹಾಭೂತಂ ಪಟಿಚ್ಚ ದ್ವೇ ಮಹಾಭೂತಾ, ದ್ವೇ ಮಹಾಭೂತೇ ಪಟಿಚ್ಚ ಏಕಂ ಮಹಾಭೂತಂ, ಸಪ್ಪಟಿಘೇ ಮಹಾಭೂತೇ ಪಟಿಚ್ಚ ಸಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಫೋಟ್ಠಬ್ಬಾಯತನಂ ಪಟಿಚ್ಚ ಚಕ್ಖಾಯತನಂ…ಪೇ… ರಸಾಯತನಂ. (೧)

ಸಪ್ಪಟಿಘಂ ಧಮ್ಮಂ ಪಟಿಚ್ಚ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಪ್ಪಟಿಘೇ ಮಹಾಭೂತೇ ಪಟಿಚ್ಚ ಆಪೋಧಾತು, ಸಪ್ಪಟಿಘೇ ಮಹಾಭೂತೇ ಪಟಿಚ್ಚ ಅಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಫೋಟ್ಠಬ್ಬಾಯತನಂ ಪಟಿಚ್ಚ ಆಪೋಧಾತು ಇತ್ಥಿನ್ದ್ರಿಯಂ…ಪೇ… ಕಬಳೀಕಾರೋ ಆಹಾರೋ. (೨)

ಸಪ್ಪಟಿಘಂ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಚ ಅಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸಪ್ಪಟಿಘಂ ಏಕಂ ಮಹಾಭೂತಂ ಪಟಿಚ್ಚ ದ್ವೇ ಮಹಾಭೂತಾ ಆಪೋಧಾತು ಚ, ದ್ವೇ ಮಹಾಭೂತೇ…ಪೇ… ಸಪ್ಪಟಿಘೇ ಮಹಾಭೂತೇ ಪಟಿಚ್ಚ ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಫೋಟ್ಠಬ್ಬಾಯತನಂ ಪಟಿಚ್ಚ ಚಕ್ಖಾಯತನಂ…ಪೇ… ರಸಾಯತನಂ ಆಪೋಧಾತು ಇತ್ಥಿನ್ದ್ರಿಯಂ…ಪೇ… ಕಬಳೀಕಾರೋ ಆಹಾರೋ. (೩)

೫೪. ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಟಿಘಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಅಪ್ಪಟಿಘಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಆಪೋಧಾತುಂ ಪಟಿಚ್ಚ ಅಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಆಪೋಧಾತುಂ ಪಟಿಚ್ಚ ಇತ್ಥಿನ್ದ್ರಿಯಂ…ಪೇ… ಕಬಳೀಕಾರೋ ಆಹಾರೋ. (೧)

ಅಪ್ಪಟಿಘಂ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಟಿಘೇ ಖನ್ಧೇ ಪಟಿಚ್ಚ ಸಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಆಪೋಧಾತುಂ ಪಟಿಚ್ಚ ಸಪ್ಪಟಿಘಾ ಮಹಾಭೂತಾ, ಆಪೋಧಾತುಂ ಪಟಿಚ್ಚ ಸಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಆಪೋಧಾತುಂ ಪಟಿಚ್ಚ ಚಕ್ಖಾಯತನಂ…ಪೇ… ಫೋಟ್ಠಬ್ಬಾಯತನಂ. (೨)

ಅಪ್ಪಟಿಘಂ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಚ ಅಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅಪ್ಪಟಿಘಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಚಿತ್ತಸಮುಟ್ಠಾನಂ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಆಪೋಧಾತುಂ ಪಟಿಚ್ಚ ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಆಪೋಧಾತುಂ ಪಟಿಚ್ಚ ಚಕ್ಖಾಯತನಂ…ಪೇ… ಫೋಟ್ಠಬ್ಬಾಯತನಂ, ಇತ್ಥಿನ್ದ್ರಿಯಂ…ಪೇ… ಕಬಳೀಕಾರೋ ಆಹಾರೋ. (೩)

೫೫. ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಟಿಘೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಸಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಸಪ್ಪಟಿಘಂ ಏಕಂ ಮಹಾಭೂತಞ್ಚ ಆಪೋಧಾತುಞ್ಚ ಪಟಿಚ್ಚ ದ್ವೇ ಮಹಾಭೂತಾ…ಪೇ… ಸಪ್ಪಟಿಘೇ ಮಹಾಭೂತೇ ಚ ಆಪೋಧಾತುಞ್ಚ ಪಟಿಚ್ಚ ಸಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಫೋಟ್ಠಬ್ಬಾಯತನಞ್ಚ ಆಪೋಧಾತುಞ್ಚ ಪಟಿಚ್ಚ ಚಕ್ಖಾಯತನಂ…ಪೇ…. (೧)

ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅಪ್ಪಟಿಘೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಅಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ ಅಪ್ಪಟಿಘೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಅಪ್ಪಟಿಘಂ ಕಟತ್ತಾರೂಪಂ, ಫೋಟ್ಠಬ್ಬಾಯತನಞ್ಚ ಆಪೋಧಾತುಞ್ಚ ಪಟಿಚ್ಚ ಅಪ್ಪಟಿಘಂ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಫೋಟ್ಠಬ್ಬಾಯತನಞ್ಚ ಆಪೋಧಾತುಞ್ಚ ಪಟಿಚ್ಚ ಇತ್ಥಿನ್ದ್ರಿಯಂ…ಪೇ… ಕಬಳೀಕಾರೋ ಆಹಾರೋ. (೨)

ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಚ ಅಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅಪ್ಪಟಿಘೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಅಪ್ಪಟಿಘೇ ಖನ್ಧೇ ಚ ಮಹಾಭೂತೇ ಚ ಪಟಿಚ್ಚ ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಕಟತ್ತಾರೂಪಂ, ಫೋಟ್ಠಬ್ಬಾಯತನಞ್ಚ ಆಪೋಧಾತುಞ್ಚ ಪಟಿಚ್ಚ ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಚಿತ್ತಸಮುಟ್ಠಾನಂ ರೂಪಂ, ಕಟತ್ತಾರೂಪಂ, ಉಪಾದಾರೂಪಂ, ಫೋಟ್ಠಬ್ಬಾಯತನಞ್ಚ ಆಪೋಧಾತುಞ್ಚ ಪಟಿಚ್ಚ ಚಕ್ಖಾಯತನಂ…ಪೇ… ರಸಾಯತನಂ, ಇತ್ಥಿನ್ದ್ರಿಯಂ…ಪೇ… ಕಬಳೀಕಾರೋ ಆಹಾರೋ. (೩)

ಆರಮ್ಮಣಪಚ್ಚಯೋ

೫೬. ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅಪ್ಪಟಿಘಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಟಿಚ್ಚ ಖನ್ಧಾ.

ಅಧಿಪತಿಪಚ್ಚಯಾದಿ

೫೭. ಸಪ್ಪಟಿಘಂ ಧಮ್ಮಂ ಪಟಿಚ್ಚ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ (ಪಟಿಸನ್ಧಿ ವಜ್ಜೇತಬ್ಬಾ, ಕಟತ್ತಾರೂಪಾ ಚ)… ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ (ಸಬ್ಬೇ ಮಹಾಭೂತಾ ಕಾತಬ್ಬಾ)… ಅಞ್ಞಮಞ್ಞಪಚ್ಚಯಾ – ಸಪ್ಪಟಿಘಂ ಏಕಂ ಮಹಾಭೂತಂ ಪಟಿಚ್ಚ ದ್ವೇ ಮಹಾಭೂತಾ, ದ್ವೇ ಮಹಾಭೂತೇ…ಪೇ…. (೧)

ಸಪ್ಪಟಿಘಂ ಧಮ್ಮಂ ಪಟಿಚ್ಚ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ – ಸಪ್ಪಟಿಘೇ ಮಹಾಭೂತೇ ಪಟಿಚ್ಚ ಆಪೋಧಾತು…ಪೇ…. (೨)

ಸಪ್ಪಟಿಘಂ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಚ ಅಪ್ಪಟಿಘೋ ಚ ಧಮ್ಮಾ ಉಪ್ಪಜ್ಜನ್ತಿ ಅಞ್ಞಮಞ್ಞಪಚ್ಚಯಾ – ಸಪ್ಪಟಿಘಂ ಏಕಂ ಮಹಾಭೂತಂ ಪಟಿಚ್ಚ ದ್ವೇ ಮಹಾಭೂತಾ ಆಪೋಧಾತು ಚ, ದ್ವೇ ಮಹಾಭೂತೇ…ಪೇ…. (೩)

೫೮. ಅಪ್ಪಟಿಘಂ ಧಮ್ಮಂ ಪಟಿಚ್ಚ ಅಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ – ಅಪ್ಪಟಿಘಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ. (೧)

ಅಪ್ಪಟಿಘಂ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ – ಆಪೋಧಾತುಂ ಪಟಿಚ್ಚ ಸಪ್ಪಟಿಘಾ ಮಹಾಭೂತಾ (ಇಮೇ ಅಜ್ಝತ್ತಿಕಬಾಹಿರಾ ಮಹಾಭೂತಾ ಕಾತಬ್ಬಾ). (೨)

ಸಪ್ಪಟಿಘಞ್ಚ ಅಪ್ಪಟಿಘಞ್ಚ ಧಮ್ಮಂ ಪಟಿಚ್ಚ ಸಪ್ಪಟಿಘೋ ಧಮ್ಮೋ ಉಪ್ಪಜ್ಜತಿ ಅಞ್ಞಮಞ್ಞಪಚ್ಚಯಾ – ಸಪ್ಪಟಿಘಂ ಏಕಂ ಮಹಾಭೂತಞ್ಚ ಆಪೋಧಾತುಞ್ಚ ಪಟಿಚ್ಚ ದ್ವೇ ಮಹಾಭೂತಾ…ಪೇ… ನಿಸ್ಸಯಪಚ್ಚಯಾ…ಪೇ… ಅವಿಗತಪಚ್ಚಯಾ.