೨. ಚೂಳನ್ತರದುಕಂ

೭. ಸಪ್ಪಚ್ಚಯದುಕಂ

೧. ಪಟಿಚ್ಚವಾರೋ

೧-೪. ಪಚ್ಚಯಾನುಲೋಮಾದಿ

೧. ಸಪ್ಪಚ್ಚಯಂ ಧಮ್ಮಂ ಪಟಿಚ್ಚ ಸಪ್ಪಚ್ಚಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಪ್ಪಚ್ಚಯಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ, ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ.

ಸಪ್ಪಚ್ಚಯಂ ಧಮ್ಮಂ ಪಟಿಚ್ಚ ಸಪ್ಪಚ್ಚಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ…ಪೇ… ಅವಿಗತಪಚ್ಚಯಾ.

೨. ಹೇತುಯಾ ಏಕಂ, ಆರಮ್ಮಣೇ ಏಕಂ…ಪೇ… ಅವಿಗತೇ ಏಕಂ.

ಅನುಲೋಮಂ.

೩. ಸಪ್ಪಚ್ಚಯಂ ಧಮ್ಮಂ ಪಟಿಚ್ಚ ಸಪ್ಪಚ್ಚಯೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸಪ್ಪಚ್ಚಯಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ, ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ …ಪೇ… (ಯಾವ ಅಸಞ್ಞಸತ್ತಾ) ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ (ಸಂಖಿತ್ತಂ).

೪. ನಹೇತುಯಾ ಏಕಂ, ನಆರಮ್ಮಣೇ ಏಕಂ, ನಅಧಿಪತಿಯಾ ಏಕಂ…ಪೇ… ನೋವಿಗತೇ ಏಕಂ.

ಪಚ್ಚನೀಯಂ.

೫. ಹೇತುಪಚ್ಚಯಾ ನಆರಮ್ಮಣೇ ಏಕಂ, ನಅಧಿಪತಿಯಾ ಏಕಂ…ಪೇ… ನೋವಿಗತೇ ಏಕಂ.

ಅನುಲೋಮಪಚ್ಚನೀಯಂ.

೬. ನಹೇತುಪಚ್ಚಯಾ ಆರಮ್ಮಣೇ ಏಕಂ ಅನನ್ತರೇ ಏಕಂ…ಪೇ… ಅವಿಗತೇ ಏಕಂ.

ಪಚ್ಚನೀಯಾನುಲೋಮಂ.

೨. ಸಹಜಾತವಾರೋ

(ಸಹಜಾತವಾರೋ ಪಟಿಚ್ಚವಾರಸದಿಸೋ.)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

೭. ಸಪ್ಪಚ್ಚಯಂ ಧಮ್ಮಂ ಪಚ್ಚಯಾ ಸಪ್ಪಚ್ಚಯೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಪ್ಪಚ್ಚಯಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ, ಏಕಂ ಮಹಾಭೂತಂ…ಪೇ… ವತ್ಥುಂ ಪಚ್ಚಯಾ ಸಪ್ಪಚ್ಚಯಾ ಖನ್ಧಾ.

ಸಪ್ಪಚ್ಚಯಂ ಧಮ್ಮಂ ಪಚ್ಚಯಾ ಸಪ್ಪಚ್ಚಯೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಸಂಖಿತ್ತಂ).

೪-೬. ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

(ಏವಂ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ವಿತ್ಥಾರೇತಬ್ಬೋ, ಸಬ್ಬತ್ಥ ಏಕಾಯೇವ ಪಞ್ಹಾ.)

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೮. ಸಪ್ಪಚ್ಚಯೋ ಧಮ್ಮೋ ಸಪ್ಪಚ್ಚಯಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಸಪ್ಪಚ್ಚಯಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ….

ಆರಮ್ಮಣಪಚ್ಚಯೋ

೯. ಸಪ್ಪಚ್ಚಯೋ ಧಮ್ಮೋ ಸಪ್ಪಚ್ಚಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ, ಸೀಲಂ ಸಮಾದಿಯಿತ್ವಾ, ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ; ಪಹೀನೇ ಕಿಲೇಸೇ…ಪೇ… ವಿಕ್ಖಮ್ಭಿತೇ ಕಿಲೇಸೇ…ಪೇ… ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ, ಚಕ್ಖುಂ…ಪೇ… ವತ್ಥುಂ… ಸಪ್ಪಚ್ಚಯೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ. ಚೇತೋಪರಿಯಞಾಣೇನ ಸಪ್ಪಚ್ಚಯಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ರೂಪಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಸಪ್ಪಚ್ಚಯಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅಪ್ಪಚ್ಚಯೋ ಧಮ್ಮೋ ಸಪ್ಪಚ್ಚಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಅರಿಯಾ ನಿಬ್ಬಾನಂ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅಧಿಪತಿಪಚ್ಚಯೋ

೧೦. ಸಪ್ಪಚ್ಚಯೋ ಧಮ್ಮೋ ಸಪ್ಪಚ್ಚಯಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ…ಪೇ… ಝಾನಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಂ ಗರುಂ ಕತ್ವಾ…ಪೇ… ಚಕ್ಖುಂ…ಪೇ… ವತ್ಥುಂ… ಸಪ್ಪಚ್ಚಯೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಸಪ್ಪಚ್ಚಯಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅಪ್ಪಚ್ಚಯೋ ಧಮ್ಮೋ ಸಪ್ಪಚ್ಚಯಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಅರಿಯಾ ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅನನ್ತರಪಚ್ಚಯಾದಿ

೧೧. ಸಪ್ಪಚ್ಚಯೋ ಧಮ್ಮೋ ಸಪ್ಪಚ್ಚಯಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ… ಉಪನಿಸ್ಸಯಪಚ್ಚಯೇನ ಪಚ್ಚಯೋ…ಪೇ… (ದ್ವೇ ಪಞ್ಹಾ ಉಪನಿಸ್ಸಯಮೂಲಂ) ಪುರೇಜಾತಪಚ್ಚಯೇನ ಪಚ್ಚಯೋ…ಪೇ… ಅವಿಗತಪಚ್ಚಯೇನ ಪಚ್ಚಯೋ (ಸಬ್ಬತ್ಥ ಏಕಾಯೇವ ಪಞ್ಹಾ).

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೧೨. ಹೇತುಯಾ ಏಕಂ, ಆರಮ್ಮಣೇ ದ್ವೇ, ಅಧಿಪತಿಯಾ ದ್ವೇ, ಅನನ್ತರೇ ಏಕಂ, ಸಮನನ್ತರೇ ಏಕಂ, ಸಹಜಾತೇ ಏಕಂ, ಅಞ್ಞಮಞ್ಞೇ ಏಕಂ, ನಿಸ್ಸಯೇ ಏಕಂ, ಉಪನಿಸ್ಸಯೇ ದ್ವೇ, ಪುರೇಜಾತೇ ಏಕಂ (ಸಬ್ಬತ್ಥ ಏಕಂ), ಅವಿಗತೇ ಏಕಂ (ಏವಂ ಗಣೇತಬ್ಬಂ).

ಅನುಲೋಮಂ.

ಪಚ್ಚನೀಯುದ್ಧಾರೋ

೧೩. ಸಪ್ಪಚ್ಚಯೋ ಧಮ್ಮೋ ಸಪ್ಪಚ್ಚಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ಅಪ್ಪಚ್ಚಯೋ ಧಮ್ಮೋ ಸಪ್ಪಚ್ಚಯಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

೧೪. ನಹೇತುಯಾ ದ್ವೇ, ನಆರಮ್ಮಣೇ ಏಕಂ, ನಅಧಿಪತಿಯಾ ದ್ವೇ, ನಅನನ್ತರೇ ದ್ವೇ, ನಸಮನನ್ತರೇ ದ್ವೇ…ಪೇ… ನಉಪನಿಸ್ಸಯೇ ದ್ವೇ, ನಪುರೇಜಾತೇ ದ್ವೇ…ಪೇ… ನೋವಿಗತೇ ದ್ವೇ, ನೋಅವಿಗತೇ ದ್ವೇ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೧೫. ಹೇತುಪಚ್ಚಯಾ ನಆರಮ್ಮಣೇ ಏಕಂ, ನಅಧಿಪತಿಯಾ ಏಕಂ, ನಅನನ್ತರೇ ಏಕಂ, ನಸಮನನ್ತರೇ ಏಕಂ, ನಅಞ್ಞಮಞ್ಞೇ ಏಕಂ, ನಉಪನಿಸ್ಸಯೇ ಏಕಂ…ಪೇ… ನಸಮ್ಪಯುತ್ತೇ ಏಕಂ, ನವಿಪ್ಪಯುತ್ತೇ ಏಕಂ, ನೋನತ್ಥಿಯಾ ಏಕಂ, ನೋವಿಗತೇ ಏಕಂ (ಏವಂ ಗಣೇತಬ್ಬಂ).

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೧೬. ನಹೇತುಪಚ್ಚಯಾ ಆರಮ್ಮಣೇ ದ್ವೇ, ಅಧಿಪತಿಯಾ ದ್ವೇ, ಅನನ್ತರೇ ಏಕಂ…ಪೇ… ಉಪನಿಸ್ಸಯೇ ದ್ವೇ, ಪುರೇಜಾತೇ ಏಕಂ…ಪೇ… ಅವಿಗತೇ ಏಕಂ (ಏವಂ ಗಣೇತಬ್ಬಂ).

ಪಚ್ಚನೀಯಾನುಲೋಮಂ.

ಸಪ್ಪಚ್ಚಯದುಕಂ ನಿಟ್ಠಿತಂ.

೮. ಸಙ್ಖತದುಕಂ

೧. ಪಟಿಚ್ಚವಾರೋ

ಹೇತುಪಚ್ಚಯೋ

೧೭. ಸಙ್ಖತಂ ಧಮ್ಮಂ ಪಟಿಚ್ಚ ಸಙ್ಖತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸಙ್ಖತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ.

(ಇಮಂ ದುಕಂ ಯಥಾ ಸಪ್ಪಚ್ಚಯದುಕಂ, ಏವಂ ಗಣೇತಬ್ಬಂ, ನಿನ್ನಾನಾಕರಣಂ.)

ಸಙ್ಖತದುಕಂ ನಿಟ್ಠಿತಂ.

೯. ಸನಿದಸ್ಸನದುಕಂ

೧. ಪಟಿಚ್ಚವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೧೮. ಅನಿದಸ್ಸನಂ ಧಮ್ಮಂ ಪಟಿಚ್ಚ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನಿದಸ್ಸನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಅನಿದಸ್ಸನಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ ಅನಿದಸ್ಸನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಅನಿದಸ್ಸನಂ ಕಟತ್ತಾ ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಅನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೧)

ಅನಿದಸ್ಸನಂ ಧಮ್ಮಂ ಪಟಿಚ್ಚ ಸನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನಿದಸ್ಸನೇ ಖನ್ಧೇ ಪಟಿಚ್ಚ ಸನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಮಹಾಭೂತೇ ಪಟಿಚ್ಚ ಸನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೨)

ಅನಿದಸ್ಸನಂ ಧಮ್ಮಂ ಪಟಿಚ್ಚ ಸನಿದಸ್ಸನೋ ಚ ಅನಿದಸ್ಸನೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಅನಿದಸ್ಸನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಸನಿದಸ್ಸನಞ್ಚ ಅನಿದಸ್ಸನಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಮಹಾಭೂತೇ ಪಟಿಚ್ಚ ಸನಿದಸ್ಸನಞ್ಚ ಅನಿದಸ್ಸನಞ್ಚ ಚಿತ್ತಸಮುಟ್ಠಾನಞ್ಚ ರೂಪಂ ಕಟತ್ತಾರೂಪಂ ಉಪಾದಾರೂಪಂ. (೩)

ಆರಮ್ಮಣಪಚ್ಚಯೋ

೧೯. ಅನಿದಸ್ಸನಂ ಧಮ್ಮಂ ಪಟಿಚ್ಚ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅನಿದಸ್ಸನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಟಿಚ್ಚ ಖನ್ಧಾ. (೧)

ಅಧಿಪತಿಪಚ್ಚಯೋ

೨೦. ಅನಿದಸ್ಸನಂ ಧಮ್ಮಂ ಪಟಿಚ್ಚ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಅನಿದಸ್ಸನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಅನಿದಸ್ಸನಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಏಕಂ ಮಹಾಭೂತಂ ಪಟಿಚ್ಚ ತಯೋ ಮಹಾಭೂತಾ…ಪೇ… ದ್ವೇ ಮಹಾಭೂತೇ…ಪೇ… ಮಹಾಭೂತೇ ಪಟಿಚ್ಚ ಅನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೧)

ಅನಿದಸ್ಸನಂ ಧಮ್ಮಂ ಪಟಿಚ್ಚ ಸನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಅಧಿಪತಿಪಚ್ಚಯಾ – ಅನಿದಸ್ಸನೇ ಖನ್ಧೇ ಪಟಿಚ್ಚ ಸನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ, ಮಹಾಭೂತೇ ಪಟಿಚ್ಚ ಸನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ. (೨)

ಅನಿದಸ್ಸನಂ ಧಮ್ಮಂ ಪಟಿಚ್ಚ ಸನಿದಸ್ಸನೋ ಚ ಅನಿದಸ್ಸನೋ ಚ ಧಮ್ಮಾ ಉಪ್ಪಜ್ಜನ್ತಿ ಅಧಿಪತಿಪಚ್ಚಯಾ – ಅನಿದಸ್ಸನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಸನಿದಸ್ಸನಞ್ಚ ಅನಿದಸ್ಸನಞ್ಚ ಚಿತ್ತಸಮುಟ್ಠಾನಂ ರೂಪಂ…ಪೇ… ದ್ವೇ ಖನ್ಧೇ…ಪೇ… ಮಹಾಭೂತೇ ಪಟಿಚ್ಚ ಸನಿದಸ್ಸನಞ್ಚ ಅನಿದಸ್ಸನಞ್ಚ ಚಿತ್ತಸಮುಟ್ಠಾನಂ ರೂಪಂ ಉಪಾದಾರೂಪಂ. (೩) (ಸಂಖಿತ್ತಂ, ಸಬ್ಬೇ ಕಾತಬ್ಬಾ.)

೧. ಪಚ್ಚಯಾನುಲೋಮಂ

೨. ಸಙ್ಖ್ಯಾವಾರೋ

ಸುದ್ಧಂ

೨೧. ಹೇತುಯಾ ತೀಣಿ, ಆರಮ್ಮಣೇ ಏಕಂ, ಅಧಿಪತಿಯಾ ತೀಣಿ, ಅನನ್ತರೇ ಏಕಂ, ಸಮನನ್ತರೇ ಏಕಂ, ಸಹಜಾತೇ ತೀಣಿ, ಅಞ್ಞಮಞ್ಞೇ ಏಕಂ, ನಿಸ್ಸಯೇ ತೀಣಿ, ಉಪನಿಸ್ಸಯೇ ಏಕಂ, ಪುರೇಜಾತೇ ಏಕಂ, ಆಸೇವನೇ ಏಕಂ, ಕಮ್ಮೇ ತೀಣಿ, ವಿಪಾಕೇ ತೀಣಿ (ಸಬ್ಬತ್ಥ ತೀಣಿ), ಮಗ್ಗೇ ತೀಣಿ, ಸಮ್ಪಯುತ್ತೇ ಏಕಂ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ತೀಣಿ, ನತ್ಥಿಯಾ ಏಕಂ, ವಿಗತೇ ಏಕಂ, ಅವಿಗತೇ ತೀಣಿ (ಏವಂ ಗಣೇತಬ್ಬಂ).

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

೧. ವಿಭಙ್ಗವಾರೋ

ನಹೇತುಪಚ್ಚಯೋ

೨೨. ಅನಿದಸ್ಸನಂ ಧಮ್ಮಂ ಪಟಿಚ್ಚ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅನಿದಸ್ಸನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಅನಿದಸ್ಸನಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಟಿಚ್ಚ ವತ್ಥು, ವತ್ಥುಂ ಪಟಿಚ್ಚ ಖನ್ಧಾ; ಏಕಂ ಮಹಾಭೂತಂ…ಪೇ… ಮಹಾಭೂತೇ ಪಟಿಚ್ಚ ಅನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ… ಬಾಹಿರಂ… ಆಹಾರಸಮುಟ್ಠಾನಂ… ಉತುಸಮುಟ್ಠಾನಂ… ಅಸಞ್ಞಸತ್ತಾನಂ…ಪೇ… ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ. (೧)

ಅನಿದಸ್ಸನಂ ಧಮ್ಮಂ ಪಟಿಚ್ಚ ಸನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕೇ ಅನಿದಸ್ಸನೇ ಖನ್ಧೇ ಪಟಿಚ್ಚ ಸನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ; ಪಟಿಸನ್ಧಿಕ್ಖಣೇ…ಪೇ… ಮಹಾಭೂತೇ ಪಟಿಚ್ಚ ಸನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ… ಬಾಹಿರೇ… ಆಹಾರಸಮುಟ್ಠಾನೇ… ಉತುಸಮುಟ್ಠಾನೇ… ಅಸಞ್ಞಸತ್ತಾನಂ ಮಹಾಭೂತೇ ಪಟಿಚ್ಚ ಸನಿದಸ್ಸನಂ ಕಟತ್ತಾರೂಪಂ ಉಪಾದಾರೂಪಂ. (೨)

ಅನಿದಸ್ಸನಂ ಧಮ್ಮಂ ಪಟಿಚ್ಚ ಸನಿದಸ್ಸನೋ ಚ ಅನಿದಸ್ಸನೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಅನಿದಸ್ಸನಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ ಸನಿದಸ್ಸನಞ್ಚ ಅನಿದಸ್ಸನಞ್ಚ ಚಿತ್ತಸಮುಟ್ಠಾನಂ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಮಹಾಭೂತೇ ಪಟಿಚ್ಚ…ಪೇ… ಬಾಹಿರೇ… ಆಹಾರಸಮುಟ್ಠಾನೇ… ಉತುಸಮುಟ್ಠಾನೇ… ಅಸಞ್ಞಸತ್ತಾನಂ ಮಹಾಭೂತೇ ಪಟಿಚ್ಚ ಸನಿದಸ್ಸನಞ್ಚ ಅನಿದಸ್ಸನಞ್ಚ ಕಟತ್ತಾರೂಪಂ, ಉಪಾದಾರೂಪಂ. (೩) (ಏವಂ ಸಬ್ಬೇ ಕಾತಬ್ಬಾ.)

೨. ಪಚ್ಚಯಪಚ್ಚನೀಯಂ

೨. ಸಙ್ಖ್ಯಾವಾರೋ

ಸುದ್ಧಂ

೨೩. ನಹೇತುಯಾ ತೀಣಿ, ನಆರಮ್ಮಣೇ ತೀಣಿ, ನಅಧಿಪತಿಯಾ ತೀಣಿ, ನಅನನ್ತರೇ ತೀಣಿ, ನಸಮನನ್ತರೇ ತೀಣಿ, ನಅಞ್ಞಮಞ್ಞೇ ತೀಣಿ, ನಉಪನಿಸ್ಸಯೇ ತೀಣಿ, ನಪುರೇಜಾತೇ ತೀಣಿ, ನಪಚ್ಛಾಜಾತೇ ತೀಣಿ, ನಆಸೇವನೇ ತೀಣಿ, ನಕಮ್ಮೇ ತೀಣಿ, ನವಿಪಾಕೇ ತೀಣಿ, ನಆಹಾರೇ ತೀಣಿ, ನಇನ್ದ್ರಿಯೇ ತೀಣಿ, ನಝಾನೇ ತೀಣಿ, ನಮಗ್ಗೇ ತೀಣಿ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ತೀಣಿ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ (ಏವಂ ಗಣೇತಬ್ಬಂ).

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

ಹೇತುದುಕಂ

೨೪. ಹೇತುಪಚ್ಚಯಾ ನಆರಮ್ಮಣೇ ತೀಣಿ, ನಅಧಿಪತಿಯಾ ತೀಣಿ (ಸಬ್ಬತ್ಥ ತೀಣಿ), ನಕಮ್ಮೇ ಏಕಂ, ನವಿಪಾಕೇ ತೀಣಿ, ನಸಮ್ಪಯುತ್ತೇ ತೀಣಿ, ನವಿಪ್ಪಯುತ್ತೇ ಏಕಂ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ.

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

ನಹೇತುದುಕಂ

೨೫. ನಹೇತುಪಚ್ಚಯಾ ಆರಮ್ಮಣೇ ಏಕಂ, ಅನನ್ತರೇ ಏಕಂ, ಸಮನನ್ತರೇ ಏಕಂ, ಸಹಜಾತೇ ತೀಣಿ, ಅಞ್ಞಮಞ್ಞೇ ಏಕಂ, ನಿಸ್ಸಯೇ ತೀಣಿ, ಉಪನಿಸ್ಸಯೇ ಏಕಂ, ಪುರೇಜಾತೇ ಏಕಂ, ಆಸೇವನೇ ಏಕಂ, ಕಮ್ಮೇ ತೀಣಿ…ಪೇ… ಝಾನೇ ತೀಣಿ, ಮಗ್ಗೇ ಏಕಂ, ಸಮ್ಪಯುತ್ತೇ ಏಕಂ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ತೀಣಿ, ನತ್ಥಿಯಾ ಏಕಂ, ವಿಗತೇ ಏಕಂ, ಅವಿಗತೇ ತೀಣಿ.

ಪಚ್ಚನೀಯಾನುಲೋಮಂ.

೨. ಸಹಜಾತವಾರೋ

(ಸಹಜಾತವಾರೋಪಿ ಪಟಿಚ್ಚವಾರಸದಿಸೋ.)

೩. ಪಚ್ಚಯವಾರೋ

೧. ಪಚ್ಚಯಾನುಲೋಮಂ

ಹೇತುಪಚ್ಚಯೋ

೨೬. ಅನಿದಸ್ಸನಂ ಧಮ್ಮಂ ಪಚ್ಚಯಾ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನಿದಸ್ಸನಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಅನಿದಸ್ಸನಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ಖನ್ಧೇ ಪಚ್ಚಯಾ ವತ್ಥು, ವತ್ಥುಂ ಪಚ್ಚಯಾ ಖನ್ಧಾ; ಏಕಂ ಮಹಾಭೂತಂ ಪಚ್ಚಯಾ…ಪೇ… ಮಹಾಭೂತೇ ಪಚ್ಚಯಾ ಅನಿದಸ್ಸನಂ ಚಿತ್ತಸಮುಟ್ಠಾನಂ ರೂಪಂ ಕಟತ್ತಾರೂಪಂ ಉಪಾದಾರೂಪಂ, ವತ್ಥುಂ ಪಚ್ಚಯಾ ಅನಿದಸ್ಸನಾ ಖನ್ಧಾ (ಇತರೇಪಿ ದ್ವೇ ಪಞ್ಹಾ ಕಾತಬ್ಬಾ).

ಆರಮ್ಮಣಪಚ್ಚಯೋ

೨೭. ಅನಿದಸ್ಸನಂ ಧಮ್ಮಂ ಪಚ್ಚಯಾ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ – ಅನಿದಸ್ಸನಂ ಏಕಂ ಖನ್ಧಂ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ… ವತ್ಥುಂ ಪಚ್ಚಯಾ ಖನ್ಧಾ, ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅನಿದಸ್ಸನಾ ಖನ್ಧಾ (ಸಂಖಿತ್ತಂ).

೨೮. ಹೇತುಯಾ ತೀಣಿ, ಆರಮ್ಮಣೇ ಏಕಂ, ಅಧಿಪತಿಯಾ ತೀಣಿ…ಪೇ… ಅವಿಗತೇ ತೀಣಿ.

ಅನುಲೋಮಂ.

೨. ಪಚ್ಚಯಪಚ್ಚನೀಯಂ

ನಹೇತುಪಚ್ಚಯೋ

೨೯. ಅನಿದಸ್ಸನಂ ಧಮ್ಮಂ ಪಚ್ಚಯಾ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಅನಿದಸ್ಸನಂ ಏಕಂ ಖನ್ಧಂ ಪಚ್ಚಯಾ ತಯೋ ಖನ್ಧಾ ಅನಿದಸ್ಸನಂ ಚಿತ್ತಸಮುಟ್ಠಾನಞ್ಚ ರೂಪಂ…ಪೇ… ದ್ವೇ ಖನ್ಧೇ…ಪೇ… ಅಹೇತುಕಪಟಿಸನ್ಧಿಕ್ಖಣೇ…ಪೇ… (ಯಾವ ಅಸಞ್ಞಸತ್ತಾ) ಚಕ್ಖಾಯತನಂ ಪಚ್ಚಯಾ ಚಕ್ಖುವಿಞ್ಞಾಣಂ…ಪೇ… ಕಾಯಾಯತನಂ ಪಚ್ಚಯಾ ಕಾಯವಿಞ್ಞಾಣಂ, ವತ್ಥುಂ ಪಚ್ಚಯಾ ಅಹೇತುಕಾ ಅನಿದಸ್ಸನಾ ಖನ್ಧಾ, ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಚ ವತ್ಥುಞ್ಚ ಪಚ್ಚಯಾ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ (ಇತರೇಪಿ ದ್ವೇ ಕಾತಬ್ಬಾ. ಸಂಖಿತ್ತಂ).

೩೦. ನಹೇತುಯಾ ತೀಣಿ, ನಆರಮ್ಮಣೇ ತೀಣಿ…ಪೇ… ನೋವಿಗತೇ ತೀಣಿ.

ಪಚ್ಚನೀಯಂ.

೩. ಪಚ್ಚಯಾನುಲೋಮಪಚ್ಚನೀಯಂ

೩೧. ಹೇತುಪಚ್ಚಯಾ ನಆರಮ್ಮಣೇ ತೀಣಿ…ಪೇ… ನಕಮ್ಮೇ ಏಕಂ…ಪೇ… ನವಿಪ್ಪಯುತ್ತೇ ಏಕಂ, ನೋನತ್ಥಿಯಾ ತೀಣಿ, ನೋವಿಗತೇ ತೀಣಿ.

ಅನುಲೋಮಪಚ್ಚನೀಯಂ.

೪. ಪಚ್ಚಯಪಚ್ಚನೀಯಾನುಲೋಮಂ

೩೨. ನಹೇತುಪಚ್ಚಯಾ ಆರಮ್ಮಣೇ ಏಕಂ…ಪೇ… ಮಗ್ಗೇ ಏಕಂ…ಪೇ… ಅವಿಗತೇ ತೀಣಿ.

ಪಚ್ಚನೀಯಾನುಲೋಮಂ.

೪. ನಿಸ್ಸಯವಾರೋ

(ನಿಸ್ಸಯವಾರೋಪಿ ಏವಂ ಕಾತಬ್ಬೋ.)

೫. ಸಂಸಟ್ಠವಾರೋ

೧. ಪಚ್ಚಯಾನುಲೋಮಂ

೩೩. ಅನಿದಸ್ಸನಂ ಧಮ್ಮಂ ಸಂಸಟ್ಠೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಅನಿದಸ್ಸನಂ ಏಕಂ ಖನ್ಧಂ ಸಂಸಟ್ಠಾ ತಯೋ ಖನ್ಧಾ…ಪೇ… ದ್ವೇ ಖನ್ಧೇ…ಪೇ… ಪಟಿಸನ್ಧಿಕ್ಖಣೇ…ಪೇ….

ಅನಿದಸ್ಸನಂ ಧಮ್ಮಂ ಸಂಸಟ್ಠೋ ಅನಿದಸ್ಸನೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ (ಏವಂ ಸಬ್ಬಂ ಸಪ್ಪಚ್ಚಯಗಣನಾಹಿ ಸದ್ಧಿಂ ಕಾತಬ್ಬಂ).

೬. ಸಮ್ಪಯುತ್ತವಾರೋ

(ಸಮ್ಪಯುತ್ತವಾರೋಪಿ ಸಂಸಟ್ಠವಾರಸದಿಸೋ).

೭. ಪಞ್ಹಾವಾರೋ

೧. ಪಚ್ಚಯಾನುಲೋಮಂ

೧. ವಿಭಙ್ಗವಾರೋ

ಹೇತುಪಚ್ಚಯೋ

೩೪. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅನಿದಸ್ಸನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಅನಿದಸ್ಸನಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅನಿದಸ್ಸನಾ ಹೇತೂ ಸನಿದಸ್ಸನಾನಂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೨)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅನಿದಸ್ಸನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಸನಿದಸ್ಸನಾನಞ್ಚ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೩)

ಆರಮ್ಮಣಪಚ್ಚಯೋ

೩೫. ಸನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸನಿದಸ್ಸನಂ ರೂಪಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ಸನಿದಸ್ಸನಾ ಖನ್ಧಾ ಇದ್ಧಿವಿಧಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ… ಪುಬ್ಬೇ…ಪೇ… ಚಕ್ಖುಂ…ಪೇ… ಕಾಯಂ… ಸದ್ದೇ…ಪೇ… ವತ್ಥುಂ ಅನಿದಸ್ಸನೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ಅನಿದಸ್ಸನಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ಸದ್ದಾಯತನಂ ಸೋತವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಅನಿದಸ್ಸನಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅಧಿಪತಿಪಚ್ಚಯೋ

೩೬. ಸನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸನಿದಸ್ಸನಂ ರೂಪಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೧)

ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ… ವತ್ಥುಂ ಅನಿದಸ್ಸನೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಅನಿದಸ್ಸನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅನಿದಸ್ಸನಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅನಿದಸ್ಸನಾಧಿಪತಿ ಸನಿದಸ್ಸನಾನಂ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅನಿದಸ್ಸನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಸನಿದಸ್ಸನಾನಞ್ಚ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಅನನ್ತರಪಚ್ಚಯೋ

೩೭. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅನಿದಸ್ಸನಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅನಿದಸ್ಸನಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ… ಗೋತ್ರಭು ಮಗ್ಗಸ್ಸ…ಪೇ… ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಸಮನನ್ತರಪಚ್ಚಯಾದಿ

೩೮. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ತೀಣಿ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ಏಕಂ… ನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.