೧. ವಿಭಙ್ಗವಾರೋ

ಹೇತುಪಚ್ಚಯೋ

೩೪. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅನಿದಸ್ಸನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಅನಿದಸ್ಸನಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೧)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅನಿದಸ್ಸನಾ ಹೇತೂ ಸನಿದಸ್ಸನಾನಂ ಚಿತ್ತಸಮುಟ್ಠಾನಾನಂ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೨)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಅನಿದಸ್ಸನಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಸನಿದಸ್ಸನಾನಞ್ಚ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಹೇತುಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. (೩)

ಆರಮ್ಮಣಪಚ್ಚಯೋ

೩೫. ಸನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸನಿದಸ್ಸನಂ ರೂಪಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ; ಸನಿದಸ್ಸನಾ ಖನ್ಧಾ ಇದ್ಧಿವಿಧಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ ಪಚ್ಚವೇಕ್ಖತಿ, ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಪಚ್ಚವೇಕ್ಖನ್ತಿ, ಫಲಂ ಪಚ್ಚವೇಕ್ಖನ್ತಿ, ನಿಬ್ಬಾನಂ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ; ಅರಿಯಾ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ…ಪೇ… ಪುಬ್ಬೇ…ಪೇ… ಚಕ್ಖುಂ…ಪೇ… ಕಾಯಂ… ಸದ್ದೇ…ಪೇ… ವತ್ಥುಂ ಅನಿದಸ್ಸನೇ ಖನ್ಧೇ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಚೇತೋಪರಿಯಞಾಣೇನ ಅನಿದಸ್ಸನಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ, ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ…ಪೇ… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ…ಪೇ… ಸದ್ದಾಯತನಂ ಸೋತವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಅನಿದಸ್ಸನಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ. (೧)

ಅಧಿಪತಿಪಚ್ಚಯೋ

೩೬. ಸನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಆರಮ್ಮಣಾಧಿಪತಿ – ಸನಿದಸ್ಸನಂ ರೂಪಂ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. (೧)

ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ. ಆರಮ್ಮಣಾಧಿಪತಿ – ದಾನಂ ದತ್ವಾ ಸೀಲಂ…ಪೇ… ಉಪೋಸಥಕಮ್ಮಂ ಕತ್ವಾ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪುಬ್ಬೇ ಸುಚಿಣ್ಣಾನಿ…ಪೇ… ಝಾನಾ ವುಟ್ಠಹಿತ್ವಾ…ಪೇ… ಅರಿಯಾ ಮಗ್ಗಾ ವುಟ್ಠಹಿತ್ವಾ ಮಗ್ಗಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ಫಲಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ, ನಿಬ್ಬಾನಂ ಗರುಂ ಕತ್ವಾ ಪಚ್ಚವೇಕ್ಖನ್ತಿ; ನಿಬ್ಬಾನಂ ಗೋತ್ರಭುಸ್ಸ, ವೋದಾನಸ್ಸ, ಮಗ್ಗಸ್ಸ, ಫಲಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ; ಚಕ್ಖುಂ…ಪೇ… ವತ್ಥುಂ ಅನಿದಸ್ಸನೇ ಖನ್ಧೇ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ, ತಂ ಗರುಂ ಕತ್ವಾ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ. ಸಹಜಾತಾಧಿಪತಿ – ಅನಿದಸ್ಸನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅನಿದಸ್ಸನಾನಂ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅನಿದಸ್ಸನಾಧಿಪತಿ ಸನಿದಸ್ಸನಾನಂ ಚಿತ್ತಸಮುಟ್ಠಾನಾನಂ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೨)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ. ಸಹಜಾತಾಧಿಪತಿ – ಅನಿದಸ್ಸನಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಸನಿದಸ್ಸನಾನಞ್ಚ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಞ್ಚ ರೂಪಾನಂ ಅಧಿಪತಿಪಚ್ಚಯೇನ ಪಚ್ಚಯೋ. (೩)

ಅನನ್ತರಪಚ್ಚಯೋ

೩೭. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅನಿದಸ್ಸನಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅನಿದಸ್ಸನಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ; ಅನುಲೋಮಂ ಗೋತ್ರಭುಸ್ಸ…ಪೇ… ಗೋತ್ರಭು ಮಗ್ಗಸ್ಸ…ಪೇ… ನೇವಸಞ್ಞಾನಾಸಞ್ಞಾಯತನಂ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ. (೧)

ಸಮನನ್ತರಪಚ್ಚಯಾದಿ

೩೮. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ತೀಣಿ… ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ಏಕಂ… ನಿಸ್ಸಯಪಚ್ಚಯೇನ ಪಚ್ಚಯೋ… ತೀಣಿ.

ಉಪನಿಸ್ಸಯಪಚ್ಚಯೋ

೩೯. ಸನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ವಣ್ಣಸಮ್ಪದಂ ಪತ್ಥಯಮಾನೋ ದಾನಂ…ಪೇ… ಸೀಲಂ…ಪೇ… ಉಪೋಸಥಕಮ್ಮಂ ಕರೋತಿ, ವಣ್ಣಸಮ್ಪದಾ ಸದ್ಧಾಯ…ಪೇ… ಪತ್ಥನಾಯ… ಕಾಯಿಕಸ್ಸ ಸುಖಸ್ಸ, ಕಾಯಿಕಸ್ಸ ದುಕ್ಖಸ್ಸ, ಮಗ್ಗಸ್ಸ, ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ…. ಪಕತೂಪನಿಸ್ಸಯೋ – ಸದ್ಧಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ; ಸೀಲಂ…ಪೇ… ಸೇನಾಸನಂ ಉಪನಿಸ್ಸಾಯ ದಾನಂ ದೇತಿ…ಪೇ… ಸಙ್ಘಂ ಭಿನ್ದತಿ; ಸದ್ಧಾ…ಪೇ… ಸೇನಾಸನಂ ಸದ್ಧಾಯ…ಪೇ… ಫಲಸಮಾಪತ್ತಿಯಾ ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ಪುರೇಜಾತಪಚ್ಚಯೋ

೪೦. ಸನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಸನಿದಸ್ಸನಂ ರೂಪಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ; ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ಆರಮ್ಮಣಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಸದ್ದಾಯತನಂ ಸೋತವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. ವತ್ಥುಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಅನಿದಸ್ಸನಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಸನಿದಸ್ಸನೋ ಚ ಅನಿದಸ್ಸನೋ ಚ ಧಮ್ಮಾ ಅನಿದಸ್ಸನಸ್ಸ ಧಮ್ಮಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ – ಆರಮ್ಮಣಪುರೇಜಾತಂ, ವತ್ಥುಪುರೇಜಾತಂ. ರೂಪಾಯತನಞ್ಚ ವತ್ಥು ಚ ಅನಿದಸ್ಸನಾನಂ ಖನ್ಧಾನಂ ಪುರೇಜಾತಪಚ್ಚಯೇನ ಪಚ್ಚಯೋ; ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ ಪುರೇಜಾತಪಚ್ಚಯೇನ ಪಚ್ಚಯೋ. (೧)

ಪಚ್ಛಾಜಾತಪಚ್ಚಯೋ

೪೧. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅನಿದಸ್ಸನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಅನಿದಸ್ಸನಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅನಿದಸ್ಸನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಸನಿದಸ್ಸನಸ್ಸ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೨)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಧಮ್ಮಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ – ಪಚ್ಛಾಜಾತಾ ಅನಿದಸ್ಸನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಕಾಯಸ್ಸ ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೩)

ಆಸೇವನಪಚ್ಚಯೋ

೪೨. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಅನಿದಸ್ಸನಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಅನಿದಸ್ಸನಾನಂ ಖನ್ಧಾನಂ…ಪೇ… ಅನುಲೋಮಂ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ. (೧)

ಕಮ್ಮಪಚ್ಚಯೋ

೪೩. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ. ಸಹಜಾತಾ – ಅನಿದಸ್ಸನಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ನಾನಾಕ್ಖಣಿಕಾ – ಅನಿದಸ್ಸನಾ ಚೇತನಾ ವಿಪಾಕಾನಂ ಖನ್ಧಾನಂ ಅನಿದಸ್ಸನಾನಞ್ಚ ಕಟತ್ತಾರೂಪಾನಂ ಕಮ್ಮಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ (ವಿತ್ಥಾರೇತಬ್ಬಂ). (೨)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ (ವಿತ್ಥಾರೇತಬ್ಬಂ). (೩)

ವಿಪಾಕಪಚ್ಚಯಾದಿ

೪೪. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ… ತೀಣಿ… ಆಹಾರಪಚ್ಚಯೇನ ಪಚ್ಚಯೋ… ತೀಣಿ (ತೀಸುಪಿ ಕಬಳೀಕಾರೋ ಆಹಾರೋ ಕಾತಬ್ಬೋ)… ಇನ್ದ್ರಿಯಪಚ್ಚಯೇನ ಪಚ್ಚಯೋ… ತೀಣಿ (ತೀಸುಪಿ ರೂಪಜೀವಿತಿನ್ದ್ರಿಯಂ)… ಝಾನಪಚ್ಚಯೇನ ಪಚ್ಚಯೋ… ತೀಣಿ… ಮಗ್ಗಪಚ್ಚಯೇನ ಪಚ್ಚಯೋ… ತೀಣಿ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಏಕಂ.

ವಿಪ್ಪಯುತ್ತಪಚ್ಚಯೋ

೪೫. ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ. ಸಹಜಾತಾ – ಅನಿದಸ್ಸನಾ ಖನ್ಧಾ ಅನಿದಸ್ಸನಾನಂ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ ಅನಿದಸ್ಸನಾ ಖನ್ಧಾ ಅನಿದಸ್ಸನಾನಂ ಕಟತ್ತಾರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಖನ್ಧಾ ವತ್ಥುಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ, ವತ್ಥು ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪುರೇಜಾತಂ – ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಅನಿದಸ್ಸನಾನಂ ಖನ್ಧಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅನಿದಸ್ಸನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಅನಿದಸ್ಸನಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಅನಿದಸ್ಸನಾ ಖನ್ಧಾ ಸನಿದಸ್ಸನಾನಂ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ಪಚ್ಛಾಜಾತಾ – ಅನಿದಸ್ಸನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಸನಿದಸ್ಸನಸ್ಸ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೨)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಧಮ್ಮಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ. ಸಹಜಾತಾ – ಅನಿದಸ್ಸನಾ ಖನ್ಧಾ ಸನಿದಸ್ಸನಾನಞ್ಚ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ…. ಪಚ್ಛಾಜಾತಾ – ಅನಿದಸ್ಸನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಕಾಯಸ್ಸ ವಿಪ್ಪಯುತ್ತಪಚ್ಚಯೇನ ಪಚ್ಚಯೋ. (೩)

ಅತ್ಥಿಪಚ್ಚಯಾದಿ

೪೬. ಸನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸನಿದಸ್ಸನಂ ರೂಪಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬೇನ ಚಕ್ಖುನಾ ರೂಪಂ ಪಸ್ಸತಿ, ರೂಪಾಯತನಂ ಚಕ್ಖುವಿಞ್ಞಾಣಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಅನಿದಸ್ಸನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪುರೇಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ಅನಿದಸ್ಸನೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧೇ…ಪೇ… (ಸಂಖಿತ್ತಂ. ಯಾವ ಅಸಞ್ಞಸತ್ತಾ). ಪುರೇಜಾತಂ – ಚಕ್ಖುಂ…ಪೇ… ವತ್ಥುಂ ಅನಿಚ್ಚತೋ…ಪೇ… ದೋಮನಸ್ಸಂ ಉಪ್ಪಜ್ಜತಿ, ದಿಬ್ಬಾಯ ಸೋತಧಾತುಯಾ ಸದ್ದಂ ಸುಣಾತಿ, ಸದ್ದಾಯತನಂ ಸೋತವಿಞ್ಞಾಣಸ್ಸ…ಪೇ… ಫೋಟ್ಠಬ್ಬಾಯತನಂ ಕಾಯವಿಞ್ಞಾಣಸ್ಸ…ಪೇ… ಚಕ್ಖಾಯತನಂ ಚಕ್ಖುವಿಞ್ಞಾಣಸ್ಸ…ಪೇ… ಕಾಯಾಯತನಂ ಕಾಯವಿಞ್ಞಾಣಸ್ಸ…ಪೇ… ವತ್ಥು ಅನಿದಸ್ಸನಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅನಿದಸ್ಸನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಅನಿದಸ್ಸನಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ; ಕಬಳೀಕಾರೋ ಆಹಾರೋ ಇಮಸ್ಸ ಅನಿದಸ್ಸನಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ; ರೂಪಜೀವಿತಿನ್ದ್ರಿಯಂ ಅನಿದಸ್ಸನಾನಂ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೧)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತಾ – ಅನಿದಸ್ಸನಾ ಖನ್ಧಾ ಸನಿದಸ್ಸನಾನಂ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಪಟಿಸನ್ಧಿಕ್ಖಣೇ…ಪೇ… ಮಹಾಭೂತಾ ಸನಿದಸ್ಸನಾನಂ ಚಿತ್ತಸಮುಟ್ಠಾನಾನಂ ರೂಪಾನಂ ಕಟತ್ತಾರೂಪಾನಂ ಉಪಾದಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ಬಾಹಿರಾ… ಆಹಾರಸಮುಟ್ಠಾನಾ… ಉತುಸಮುಟ್ಠಾನಾ… ಅಸಞ್ಞಸತ್ತಾನಂ ಮಹಾಭೂತಾ ಸನಿದಸ್ಸನಾನಂ ಕಟತ್ತಾರೂಪಾನಂ, ಉಪಾದಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. ಪಚ್ಛಾಜಾತಾ – ಅನಿದಸ್ಸನಾ ಖನ್ಧಾ ಪುರೇಜಾತಸ್ಸ ಇಮಸ್ಸ ಸನಿದಸ್ಸನಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ; ಕಬಳೀಕಾರೋ ಆಹಾರೋ ಇಮಸ್ಸ ಸನಿದಸ್ಸನಸ್ಸ ಕಾಯಸ್ಸ ಅತ್ಥಿಪಚ್ಚಯೇನ ಪಚ್ಚಯೋ; ರೂಪಜೀವಿತಿನ್ದ್ರಿಯಂ ಸನಿದಸ್ಸನಾನಂ ಕಟತ್ತಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೨)

ಅನಿದಸ್ಸನೋ ಧಮ್ಮೋ ಸನಿದಸ್ಸನಸ್ಸ ಚ ಅನಿದಸ್ಸನಸ್ಸ ಚ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ – ಸಹಜಾತಂ, ಪಚ್ಛಾಜಾತಂ, ಆಹಾರಂ, ಇನ್ದ್ರಿಯಂ. ಸಹಜಾತೋ – ಅನಿದಸ್ಸನೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಸನಿದಸ್ಸನಾನಞ್ಚ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ…ಪೇ… ದ್ವೇ ಖನ್ಧಾ…ಪೇ… ಪಟಿಸನ್ಧಿಕ್ಖಣೇ…ಪೇ… ಮಹಾಭೂತಾ ಸನಿದಸ್ಸನಾನಞ್ಚ ಅನಿದಸ್ಸನಾನಞ್ಚ ಚಿತ್ತಸಮುಟ್ಠಾನಾನಂ ರೂಪಾನಂ, ಕಟತ್ತಾರೂಪಾನಂ, ಉಪಾದಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ; ಬಾಹಿರಾ… ಆಹಾರಸಮುಟ್ಠಾನಾ… ಉತುಸಮುಟ್ಠಾನಾ… ಅಸಞ್ಞಸತ್ತಾನಂ ಮಹಾಭೂತಾ ಸನಿದಸ್ಸನಾನಞ್ಚ ಅನಿದಸ್ಸನಾನಞ್ಚ ಕಟತ್ತಾರೂಪಾನಂ ಉಪಾದಾರೂಪಾನಂ ಅತ್ಥಿಪಚ್ಚಯೇನ ಪಚ್ಚಯೋ. (೩)

೪೭. ಸನಿದಸ್ಸನೋ ಚ ಅನಿದಸ್ಸನೋ ಚ ಧಮ್ಮಾ ಅನಿದಸ್ಸನಸ್ಸ ಧಮ್ಮಸ್ಸ ಅತ್ಥಿಪಚ್ಚಯೇನ ಪಚ್ಚಯೋ. ಪುರೇಜಾತಂ – ರೂಪಾಯತನಞ್ಚ ವತ್ಥು ಚ ಅನಿದಸ್ಸನಾನಂ ಖನ್ಧಾನಂ ಅತ್ಥಿಪಚ್ಚಯೇನ ಪಚ್ಚಯೋ; ರೂಪಾಯತನಞ್ಚ ಚಕ್ಖಾಯತನಞ್ಚ ಚಕ್ಖುವಿಞ್ಞಾಣಸ್ಸ ಅತ್ಥಿಪಚ್ಚಯೇನ ಪಚ್ಚಯೋ.

ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… ಅವಿಗತಪಚ್ಚಯೇನ ಪಚ್ಚಯೋ.