೫,೧೭೩. ಗಮ ಯಮಿ+ಸಾಸ ದಿಸಾನಂ ವಾ ಚ್ಛಙ

ಏತೇಸಂ ವಾ ಚ್ಛಙ ಹೋತಿ ನ್ತ+ಮಾನ+ತ್ಯಾದೀಸು. ಙ-ನುಬನ್ಧತ್ತಾ ಅನ್ತಸ್ಸ ಹೋತಿ, ಗಚ್ಛನ್ತೋ ಗಚ್ಛಮಾನೋ. ಯಮ=ಉಪರಮೇ, ಯಚ್ಛನ್ತೋ ಯಚ್ಛಮಾನೋ. ಇಚ್ಛನ್ತೋ ಇಚ್ಛಮಾನೋ. ಆಸ=ಉಪವೇಸನೇ, ಅಚ್ಛನ್ತೋ ಅಚ್ಛಮಾನೋ, ‘‘ಬ್ಯಞ್ಜನೇ’’ಚ್ಚಾದಿನಾ ರಸ್ಸೋ. ದಿಸ=ಅತಿಸಜ್ಜನೇ, ದಿಚ್ಛನ್ತೋ ದಿಚ್ಛಮಾನೋ. ವವತ್ಥಿತವಿಭಾಸತ್ತಾ ವಾಸದ್ದಸ್ಸ ಅಞ್ಞಪಚ್ಚಯೇಸು ಚ ಕ್ವಚಿ, ಇಚ್ಛೀಯತೀತಿ ಇಚ್ಛಿತಬ್ಬಂ, ಇಚ್ಛನಂ ಇಚ್ಛಾ, ‘‘ಇತ್ಥಿಯ+ಮಣಾ’’ ದಿನಾ ಅಪ್ಪಚ್ಚಯೋ. ಇಚ್ಛಿತಂ, ಇಚ್ಛಿತಬ್ಬಂ, ಇಚ್ಛಿತುಂ. ಅಞ್ಞೇಸಞ್ಚ ಯೋಗವಿಭಾಗಾ, ಪವೇಚ್ಛನ್ತೋ.