೫೯. ಗಮನತ್ಥಾ+ಕಮ್ಮಕಾ+ಧಾರೇ ಚ

ಗಮನತ್ಥತೋ ಅಕಮ್ಮಕತೋ ಚ ಕ್ರಿಯತ್ಥಾ ಆಧಾರೇ ಕ್ತೋ ಹೋತಿ ಕತ್ತರಿ ಚ ಯಥಾಪತ್ತಞ್ಚ. ಯಾ=ಪಾಪುಣನೇ, ಯಾತವನ್ತೋ ಅಸ್ಮಿನ್ತಿ ಯಾತಂ ಠಾನಂ. ಯಾತವನ್ತೋ ಯಾತಾ, ಯಾನಂ ಯಾತಂ. ಏತ್ಥ ಸನ್ತಮ್ಪಿ ಕಮ್ಮಂ ಅನಿಚ್ಛಿತಂ. ಯಾಯಿತಾತಿ ಯಾತೋ ಪಥೋ. ‘‘ಯೇ ಗತ್ಯತ್ಥಾ, ತೇ ಬುದ್ಧ್ಯತ್ಥಾ. ಯೇ ಬುದ್ಧ್ಯತ್ಥಾ, ತೇ ಗತ್ಯತ್ಥಾ’’ತಿ ವುತ್ತತ್ತಾ ತಥಲಕ್ಖಣಂ ಯಾಥಾವತೋ ಆಗತೋ ಅಭಿಸಮ್ಬುದ್ಧೋತಿ ತಥಾಗತೋ ಇತಿಪಿ ಹೋತಿ. ಆಸಿತವನ್ತೋ ಅಸ್ಮಿನ್ತಿ ಆಸಿತಂ. ಆಸಿತವನ್ತೋ ಆಸಿತಾ. ಆಸನ+ಮಾಸಿತಂ.