೧೭೧. ರಾ ನಸ್ಸ ಣೋ

ರನ್ತತೋ ಕ್ರಿಯತ್ಥಾ ಪಚ್ಚಯನಕಾರಸ್ಸ ಣ ಹೋತಿ. ಕರಣೀಯೋ.

ಭರ=ಭರಣೇ, ಭರೀಯತೀತಿ ಭರಿತಬ್ಬೋ ಭರಣೀಯೋ. ಗಹ=ಉಪಾದಾನೇ ‘‘ಮಂ ವಾ ರುಧಾದೀನಂ’’ತಿ ಅನ್ತಸರಾ ಪರೋಮಂ ವಾ ಹೋತಿ. ಮಕಾರೋ+ನುಬನ್ಧೋ. ‘‘ಣೋ ನಿಗ್ಗಹೀತಸ್ಸಾ’’ತಿ ನಿಗ್ಗಹೀತಸ್ಸ ಣೋ, ಸಂಗಯ್ಹತೀತಿ ಸಂಗಣ್ಹಿತಬ್ಬೋ ಸಂಗಣ್ಹನೀಯೋ, ‘‘ತಥನರಾ’’ದಿನಾ ಣಕಾರೇ ಗಹಣೀಯೋ. ರಮ=ಕೀಳಾಯಂ, ರಮೀಯತೀತಿ ರಮಣೀಯೋ ವಿಹಾರೋ. ಆಪ=ಪಾಪುಣನೇ, ‘‘ಸಕಾಪಾನಂ ಕುಕಕೂ ಣೇ’’ತಿ ಏತ್ಥ ‘ಸಕಾಪಾನಂ ಕುಕ+ಕೂ’ತಿ ಯೋಗವಿಭಾಗಾ ಕು, ಊಆಗಮೇ ನಾಗಮಸ್ಸ ಣೇ ಚ ಕತೇ ಪಾಪೀಯತೀತಿ ಪಾಪುಣಿತಬ್ಬೋ. ಪರರೂಪೇ ಪತ್ತಬ್ಬೋ, ಪಾಪುಣನೀಯೋ, ಪಾಪನೀಯೋ.