೫,೨೨. ತುದಾದೀಹಿ ಕೋ

ತುದಾದೀಹಿ ಕತ್ತರಿ ಲವಿಸಯೇ ಕೋ ಹೋತಿ. ತುದತಿ, ತುದನ್ತಿ ಇಚ್ಚಾದಿ. ಕಮ್ಮೇ-ತುದ್ಯತಿ ತುಜ್ಜತಿ, ತುದ್ಯರೇ ತುದ್ಯನ್ತಿ, ತುಜ್ಜರೇ ತುಜ್ಜನ್ತಿ+ಚ್ಚಾದಿ. ತಥಾ ತುದಿಸ್ಸತಿ ತುಜ್ಜಿಸ್ಸತಿ. ಅತುದಿ, ಅತುದಿಂಸು, ಅತುಜ್ಜಿ. ಅತುದಿಸ್ಸ ಅತುಜ್ಜಿಸ್ಸ, ತುದೇಯ್ಯ ತುಜ್ಜೇಯ್ಯ. ತುದತು, ತುದನ್ತು, ತುಜ್ಜತು ಇಚ್ಚಾದಿ.

ವಿಸ=ಪವೇಸನೇ, ಪಪುಬ್ಬೋ. ಸೋ ಗಾಮಂ ಪವಿಸತಿ ಇಚ್ಚಾದಿ. ಕಮ್ಮೇ-ಪವಿಸೀಯತಿ ಇಚ್ಚಾದಿ. ಪವಿಸಿಸ್ಸತಿ. ಪವಿಸೀಯಿಸ್ಸತಿ. ಪಾವಿಸಿ, ಈಮ್ಹಿ ‘‘ಭುಜಮುಚಾ’’ ದಿನಾ ಯೋಗವಿಭಾಗಾ ಕ್ಖಙ. ಪಾವಿಸಿ, ಪವಿಸಿ ಪಾವೇಕ್ಖಿ, ಪಥವಿಂ ಪಾವಿಸಿಂಸು ಪವಿಸಿಂಸು. ಪಾವಿಸೀಯಿ. ಪಾವಿಸಿಸ್ಸ ಪವಿಸಿಸ್ಸ. ಪಾವಿಸೀಯಿಸ್ಸ. ಪವಿಸೇ ಪವಿಸೇಯ್ಯ, ವಿಕರಣಲೋಪೋ ಪವಿಸೀಯೇಯ್ಯ. ಪವಿಸತು, ಪವಿಸೀಯತು ಇಚ್ಚಾದಿ. ನುದತಿ. ದಿಸ=ಉಚ್ಚಾರಣೇ, ಉದ್ದಿಸ್ಸತಿ, ಲಿಖತಿ, ತುಸತಿ ಇಚ್ಚಾದಿ. (ತುದಾದಿನಯೋ).

ಜಿ=ಜಯೇ,