೩೧. ತತೋ ಸಮ್ಭೂತ+ಮಾಗತಂ

ಪಞ್ಚಮ್ಯನ್ತಾ ಸಮ್ಭೂತ+ಮಾಗತನ್ತಿ ಏತೇಸ್ವ+ತ್ಥೇಸು ಣಿಕೋ ಹೋತಿ. ಮಾತಿತೋ ಸಮ್ಭೂತ+ಮಾಗತಂವಾ+ತಿ ಏತ್ಥ ‘‘ಮಾತಿತೋ ಚ ಭಗಿನಿಯಂಚ್ಛೋ’’ತಿ ‘‘ಮಾತಿತೋ’’ತಿ ಭಾಗೇನ ಉಸ್ಸ ಇಮ್ಹಿ ವಾಕ್ಯಂ, ರಸ್ಸದ್ವಿತ್ತೇಸು ಮತ್ತಿಕಂ, ಪೇತ್ತಿಕಂ. ಣ್ಯ+ರಿಯಣ+ರ್ಯಪಚ್ಚಯಾಪಿ ದಿಸ್ಸನ್ತಿ. ಸುರಭಿತೋ ಸಮ್ಭೂತಂ ಸೋರಭ್ಯಂ. ಯಮ್ಹಿ ಥಞ್ಞಂ. ಉಭಯತ್ಥ ‘‘ಲೋಪೋ+ವಣ್ಣಿ+ವಣ್ಣಾನಂ’’ತಿ ಲೋಪೋ. ರಿಯಣ-ಪಿತುತೋ ಸಮ್ಭೂತೋ ಪೇತ್ತಿಯೋ, ಮಾತಿಯೋ, ‘‘ರಾನುಬನ್ಧೇ+ನ್ತಸರಾದಿಸ್ಸಾ’’ತಿ ಉಲೋಪೋ, ಮತ್ತಿಯೋ. ರ್ಯಮ್ಹಿ-ಉಲೋಪೋ, ಚವಗ್ಗಪುಬ್ಬರೂಪಾನಿ, ಮಚ್ಚೋ ವಾ.