೧೩೪. ಆಯುಸ್ಸಾ+ಯಸ ಮನ್ತುಮ್ಹಿ

ಮನ್ತುಮ್ಹಿ ಆಯುಸ್ಸ ಆಯಸಾದೇಸೋ ಹೋತಿ. ಆಯು ಅಸ್ಸ ಅತ್ಥೀತಿ ಆಯಸ್ಮಾ. ಗೋ ಅಸ್ಸೋತಿ ಜಾತಿಸದ್ದಾನಂ ದಬ್ಬಾಭಿಧಾನ- ಸಾಮತ್ಥಿಯಾ ಮನ್ತ್ವಾದಯೋ ನ ಹೋನ್ತಿ, ತಥಾ ಗುಣಸದ್ದಾನಂ ಸೇತೋ ಪಟೋತಿ. ಯೇಸಂ ತು ಗುಣಸದ್ದಾನಂ ದಬ್ಬಾಭಿಧಾನಸಾಮತ್ಥಿಯಂ ನತ್ಥಿ, ತೇಹಿ ಹೋನ್ತೇವ, ಬುದ್ಧಿ ಅಸ್ಸ ಅತ್ಥೀತಿ ಬುದ್ಧಿಮಾ. ‘‘ವನ್ತ್ವ+ವಣ್ಣಾ’’ತಿ ವನ್ತುಮ್ಹಿ ರೂಪವಾ ರಸವಾ ಗನ್ಧವಾ ಸದ್ದವಾ. ‘‘ದಣ್ಡಾದಿತ್ವಿ+ಕಈ ವಾ’’ತಿ ಇಕ+ಈ, ರಸೀ ರಸಿಕೋ, ರೂಪೀ ರೂಪಿಕೋ, ಗನ್ಧೀ ಗನ್ಧಿಕೋತಿ.