೨೪. ಚತುತ್ಥೀ ಸಮ್ಪದಾನೇ

ಅಚೇತನಂ ಸಚೇತನಂ ವಾ ಪಟಿಗ್ಗಾಹಕಭಾವೇನಾ+ಪೇಕ್ಖಿತಂ, ತಂ ಸಮ್ಪದಾನಂ, ತಞ್ಚ ದಾ-ದಾನೇತಿ ಧಾತುತೋ ಬ್ಯಪ್ಪೇನ ಯುತ್ತಮೇವ, ತತ್ಥ ಚತುತ್ಥೀ ಹೋತಿ. ತಞ್ಚ ದೀಯಮಾನಸ್ಸ ವತ್ಥುನೋ ಅನಿವಾರಣ+ಜ್ಝೇಸನಾ+ನುಮತಿತೋ ತಿವಿಧೋ, ಯಥಾ ಬುದ್ಧಸ್ಸ ಪುಪ್ಫಂ ದೇತಿ, ಬೋಧಿರುಕ್ಖಸ್ಸ ಜಲಂ ದೇತಿ, ಯಾಚಕಸ್ಸ ಧನಂ ದೇತಿ, ಭಿಕ್ಖೂನಂ ದಾನಂ ದೇತಿ.

ಅನಿರಾಕರಣಾ+ರಾಧ-ನ+ಬ್ಭನುಞ್ಞವಸೇನ ಹಿ;

ಸಮ್ಪದಾನಂ ತಿಧಾ ವುತ್ತಂ, ರುಕ್ಖ+ಯಾಚಕ+ಭಿಕ್ಖವೋ.

ಆಧಾರವಿವಕ್ಖಾಯಂ ಸತ್ತಮೀಪಿ, ಸಙ್ಘೇ ಗೋತಮಿ ದೇಹಿ, ಸಙ್ಘೇ ದಿನ್ನೇ ಅಹಞ್ಚೇವ ಪೂಜಿತೋ ಭವಿಸ್ಸಾಮಿ, ಯಾ ಪಲಾಲಮಯಂ ಮಾಲಂ, ನಾರೀ ದತ್ವಾನ ಚೇತಿಯೇತಿ.