೧೧೦. ಕ್ವಚೇ+ವಾ.

ಅಕಾರನ್ತತೋ ನಾಮಸ್ಮಾ ಪರಸ್ಸ ಸಿಸ್ಸ ಏ ಹೋತಿ ವಾ ಕ್ವಚಿ. ಗುಮ್ಬೇ ಗುಮ್ಬೋ, ಗುಮ್ಬಾ. ಭೋ ಗುಮ್ಬ ಗುಮ್ಬಾ, ಭವನ್ತೋ ಗುಮ್ಬಾ ಇಚ್ಚಾದಿ ಸುಗತಸಮಂ. ಏವಂ ಫುಸ್ಸಿತಗ್ಗೇ ಫುಸ್ಸಿತಗ್ಗೋ, ವತ್ತಬ್ಬೇ ವತ್ತಬ್ಬೋ ಇಚ್ಚಾದಿ. ಸಿಸ್ಸೋ+ಕಾರಸ್ಸ ನಿಚ್ಚತ್ತಾ ಕತ್ಥಚಿ ಪಕ್ಖೇ ಏಕಾರತ್ತ+ಮಿದ+ಮಾರದ್ಧನ್ತಿ ಸಿಸ್ಸೋ+ಕಾರಪಕ್ಖೇ ಏವ ಭವತೀತಿ ‘‘ಅಂ ನಪುಂಸಕೇ’’ತಿ ಅ+ಮಾದೇಸೇನ ಏಕಾರಸ್ಸ ನಪುಂಸಕವಿಸಯೇ ಬಾಧಿತತ್ತಾ ‘‘ಬಹುಲಂ’’ ವಿಧಾನಾ ನಪುಂಸಕೇಪಿ ಸುಖೇ ದುಕ್ಖೇತಿ ಕ್ವಚಿ ಹೋತೇವ.

‘‘ಯೋಸ್ಸ’’ ‘‘ಟೇ’’ತಿ ಚ ವತ್ತತೇ.