೧೭೭. ಪಿತಾದೀನ+ಮನತ್ವಾದೀನಂ

ನತ್ವಾದಿವಜ್ಜಿತಾನಂ ಪಿತಾದೀನ+ಮಾರೋ ರಸ್ಸೋ ಹೋತಿ ಸಬ್ಬಾಸು ವಿಭತ್ತೀಸು. ‘‘ಲ್ತು+ಪಿತಾದೀನ+ಮಸೇ’’ ‘‘ಸು+ಹಿಸ್ವಾ+ರಙ’’ ‘‘ನಂಮ್ಹಿ ವಾ’’ತಿ ಏತ್ಥ ವುತ್ತವಿಭತ್ತೀಸು ಪರೇಸು ಆರಙ ಹೋತೀತಿ ತಾ ವಿಭತ್ತಿಯೋ ಪಟಿಚ್ಚ ಸಬ್ಬಾಸೂತಿ ವುತ್ತಂ. ಪಿತರೋ. ಭೋ ಪಿತ ಪಿತಾ, ಪಿತರೋ. ಪಿತರಂ, ಪಿತರೇ ಪಿತರೋ. ಪಿತರಾ, ಪಿತರೇಹಿ ಪಿತರೇಭಿ ಪಿತೂಹಿ ಪಿತೂಭಿ. ಪಿತು ಪಿತುನೋ ಪಿತುಸ್ಸ, ಪಿತರಾನಂ ಪಿತೂನಂ. ‘‘ಪಿತುನ್ನಂ’’ತಿ ನಂಮ್ಹಿ ದೀಘೇ ರಸ್ಸ+ದ್ವಿತ್ತಾನೀತಿ ವುತ್ತಂ. ‘‘ಸಾನುವುತ್ತಂ ಸುತ್ತಂ’’ತಿ ಞಾಯಾ ‘‘ಬಹುಕತಿನ್ನಂ’’ತಿ ಏತ್ಥ ನುಕ-ಇತಿ ಯೋಗವಿಭಾಗೇನಪಿ ಸಿಜ್ಝತಿ ಏತ್ಥ ಅನುವತ್ತಿತನಂಮ್ಹಿ. ಪಞ್ಚಮೀಛಟ್ಠೀ ತತಿಯಾಚತುತ್ಥೀಸಮಂ. ಪಿತರಿ, ಪಿತರೇಸು ಪೀತೂಸು, ರಸ್ಸಾಭಾವೋ. ನತ್ತಾ, ನತ್ತಾರೋ. ಭೋ ನತ್ತ ನತ್ತಾ, ನತ್ತಾರೋ ಇಚ್ಚಾದಿ ವತ್ತುಸಮಂ.

ಗುಣವನ್ತು ಸಿ,