೭೦. ಪರೋ

ಯೋಗವಿಭಾಗಾ ‘ಅ ಞ’ಆದೀಸು ಗಮ್ಯತೇ. ಯದಿ ಹ್ಯತ್ರಾಪಿ ಛಟ್ಠೀ ಅಭಿಮತಾ ಸಿಯಾ ತದಾ ‘‘ಖ ಛ ಸ ಪರೋಕ್ಖಾನಮೇಕಸ್ಸರೋದಿದ್ವೇ’’ತಿ ಏಕಮೇವ ಯೋಗಂ ಕರೇಯ್ಯ. ಪರೋಕ್ಖೇ ವಿಹಿತಾ ಅಞಆದಯೋ ಧಾತುತೋವ, ನಾಞ್ಞತೋತಿ ಪರೋಕ್ಖಾವಚನಸನ್ನಿಧಾನಾ ಚಸದ್ದೇನ ಧಾತುವಿಹಿತಪ್ಪಚ್ಚಯಾವ ಗಯ್ಹನ್ತೀತಿ ಆಹ- ‘ಅಞ್ಞಸ್ಮಿಮ್ಪಿ ಧಾತುವಿಹಿತಪ್ಪಚ್ಚಯೇ’ತಿ. ಯದಿ ಪನ ಭುಸತ್ಥೋ ಆಭಿಕ್ಖಞ್ಞತ್ಥೋ ವಾ ವತ್ತುಮಿಟ್ಠೋ ಸಿಯಾ, ತದಾ ಭೂಸತ್ಥಾದೀಸು ಚ ದದ್ದಲ್ಲತಿಚ್ಚಾದಿಕಂ ಹೋತೀತಿ ವೇದಿತಬ್ಬಂ. ಚಙ್ಕಮತಿ ಮೋಮೂಹಚಿತ್ತಾನೀತಿ ಭುಸತ್ಥಸ್ಸ ಯುಜ್ಜಮಾನತ್ತಾ ತ್ಯಾದಯೋ ಭುಸತ್ಥೇ ಭವನ್ತಿ ಬಹುಲಾಧಿಕಾರಾತಿ ವತ್ತುಂ ಸಕ್ಕಾತಿ.