೫೨. ಇಕಿ

ಅಥ ಸರೂಪೇಚ್ಚೇತಾವತಿ ವುತ್ತೇ- ‘ಕಿರಿಯತ್ಥಸ್ಸ ಸರೂಪೇ’ತಿ ಕಥಂ ವಿಞ್ಞಾಯತಿಚ್ಚಾಹ- ‘ಕಿರಿಯತ್ಥಾ’ತಿಚ್ಚಾದಿ. ನನು ಚ ಲೋ-ಯಂ ಕತ್ತರಿ ವಿಧೀಯ ಮಾನೋಕಥಮೇತ್ಥ ಸಿಯಾತ್ಯಾಹ- ‘ಅಕತ್ತರಿಪಿ’ಚ್ಚಾದಿ. ಅಭಿಮತೋ ಕಚ್ಚಾಯನಸ್ಸ. ಪಟಿಪಾದಯಿತುಮಾಹ- ‘ತತ್ಥಾ’ತಿಆದಿ. ಕರಣಂ ಉಚ್ಚಾರಣಂ, ಅಸ್ಸ ಕರೋತಿ ಸಮಾಸವಾಕ್ಯಂ. ನ ಹಿ ಏವ ದೀಹಿ ಕಾರೋ ವಿಹಿತೋತಿ ಅಕ್ಖರೇ ಹೇವ ಕಾರಸ್ಸ ವಿಹಿತತ್ತಾ ಅಕ್ಖರಸಮುದಾಯತೋ ನ ಪಪ್ಪೋತೀತಿ ಭಾವೋ. ಅಥ ಚೇತಿ ಮತಪ್ಪದಾನೇ. ಏವಾದಿಸದ್ದವಾಚಕಾ ಏವಕಾರಾದಯೋ ಸಾಧವೋತಿ ಅಥ ಮತನ್ತಿ ಅತ್ಥೋ.

ತತ್ಥಾತಿ ತಥಾ ಅಭಿಮತೇ ತಸ್ಮಿಂ. ನಿಯಮಹೇತುನೋ ಅಭಾವಾತಿ ಅಕ್ಖರೇಹೇವ ಕಾರಪ್ಪಚ್ಚಯೋ ವಿಧೇಯ್ಯೋ ನ ಪನ ಏವಾದೀಹಿಚ್ಚಸ್ಸ ನಿಯಮಸ್ಸ ಯೋ ಹೇತು ತಸ್ಸ ಹೇತುನೋ ಅಭಾವಾ.