೪೯. ಇತ್ಥಿ

ಕ್ಲಿಕಯಕಿಚ್ಚತ್ರ ಕಕಾರಬಹುತ್ತಾ ಕಕಾರಾತಿ ಬಹುವಚನಂ. ತಿತಿಕ್ಖಾ ಇಚ್ಚಾದೋ ತಿತಿಕ್ಖನಮಿಚ್ಚಾದಿನಾ ವಿಗ್ಗಹೋ ‘‘ಇತ್ಥಿಯಮತ್ವಾ’’ (೩-೨೬). ಅಪರಿ ಪಠಿತೋತಿ ಧಾತುಪಾಠೇ ಅಪರಿಪಠಿತೋ. ಪಾಣಿವಿಸೇಸೋತಿ ಸತ್ತವಿಸೇಸೋ. ಇಮಿನಾ ಚ ‘‘ಯಥಾಕಥಞ್ಚಿ ನಿಪ್ಫತ್ತಿ, ರುಳ್ಹಿಯಾ ಅತ್ಥನಿಚ್ಛಯೋ’’ತಿ ದಸ್ಸೇತಿ.

ಆಸಿಂ ಸಾಯಂ ಗಮ್ಮಮಾನಾಯಂ ಸಞ್ಞಾವಿಸಯೇ ಧಾತೂಹಿ ತಿಪ್ಪಚ್ಚಯೋ ಕಿಚ್ಚಪ್ಪಚ್ಚಯೋ ಚ ಯಥಾ ಸಿಯಾತಿ ‘‘ತಿಕಿಚ್ಚಾಸಿಟ್ಠೇ’’ತಿ (೭-೨-೩) ಸುತ್ತಿತಂ ಕಚ್ಚಾಯನೇನ. ತಮಿಹ ಸಾಮಞ್ಞೇನ ವಿಧಾನಾವ ಸಿದ್ಧನ್ತಿ ನಿರೂಪಯಿತುಮಾಹ- ‘ಕಚ್ಚಾಯನೇನ ಪನೇ’ಚ್ಚಾದಿ. ತಬ್ಬ ಅನೀಯಣ್ಯ ತೇಯ್ಯ ರಿಚ್ಚಪ್ಪಚ್ಚಯಾನಂ ‘‘ತೇ ಕಿಚ್ಚಾ’’ತಿ (೭-೧-೨೨) ಕಿಚ್ಚಸಞ್ಞಂ ವಿಧಾಯ ಸೇಸಾನಂ ‘‘ಅಞ್ಞೇಕಿತೀ’’ತಿ (೭-೧-೨೩) ಕಿತ್ಸಞ್ಞಾ ಕತಾ ಕಚ್ಚಾಯನೇನ. ತೇನಾಹ- ‘ಕಿತ ಸಞ್ಞೋ’ತಿ.

ತಬ್ಬಾದಿಪ್ಪಚ್ಚಯೋ ಚ ವಿಹಿತೋತಿ ಸಕಿಯವೋಹಾರೇನಾಹ. ಸಕಿಯ ಸತ್ಥೇ ಅವುತ್ತದೋಸಂ [ಸುತ್ತದೋಸಂ] ಪರಿಹರಿತ್ವಾ ವಕ್ಖಮಾನನಯೇನ ಯುತ್ಯಭಾವಾ ತಥಾ ವಿಧಾನೇ ಅಯುತ್ತತಂ ದಸ್ಸೇನ್ತೋ ‘ನಚಾಸಿಂ ಸಾಯ’ಮಿಚ್ಚಾದಿಮಾಹ. ಗುಹನಂ, ರುಜನಂ, ಮೋದನನ್ತಿ ವಿಗ್ಗಹೋ. ಸಯನಂ ವಾ ಸೇಯ್ಯಾ. ವಜಧಾತುನೋ ವಸ್ಸ ಬಕಾರೇನ ಭವಿತಬ್ಬಂ, ಸೋ ಕಥಂ ಯಕಾರೇ ಪರಭೂತೇ ಅಸತೀತಿ ಆಹ- ‘ಚವಗ್ಗಬಯಞಾತಿಯೋಗವಿಭಾಗಾ ವಸ್ಸ ಬೋ’ತಿ.