೯೭. ಅಭ್ಯಾ

ನನು ಚ ಕಿಂ ಇಮಿನಾ ಸುತ್ತೇನ, ಪಞ್ಚಮ್ಯನ್ತಾ ‘‘ತೋ ಪಞ್ಚಮ್ಯಾ’’ತಿ (೪-೯೫) ಭವಿಸ್ಸತಿ, ಅಪಞ್ಚಮ್ಯನ್ತಾತು ‘‘ಆದ್ಯಾದೀಹೀ’’ತಿ (೪-೯೮) ನೇತದೇವಂ ದಟ್ಠಬ್ಬಂ. ‘‘ತೋ ಪಞ್ಚಮ್ಯಾ’’ತಿ (೪-೯೫) ಪಕತಿವಿಸೇಸಾನಮಪರಾಮಾಸತೋ ಕುತೋಚಿ ಪಞ್ಚಮ್ಯನ್ತಾ ಹೋತು, ಅಪಞ್ಚಮ್ಯನ್ತಾ ಪನ ‘‘ಆದ್ಯಾದೀಹೀ’’ತಿ ಸುತ್ತೇ ಸಸಙ್ಖ್ಯಸ್ಸಾದಿಸದ್ದಸ್ಸ ಗಹಣೇನ ತಂಸದಿಸಾ ಸಸಙ್ಖ್ಯಾಏವೋಪಲಕ್ಖೀಯನ್ತೀತಿಪಿ ವಿಞ್ಞಾಯೇಯ್ಯ ತತೋ ಅಪಞ್ಚಮ್ಯನ್ತೇಹಿ ಅಭ್ಯಾದೀಹಿ ತೋ ನ ಸಿಯಾತಿ ಅಭಿತೋಚ್ಚಾದಿ ನ ಸಿಜ್ಝತೀತಿ ‘‘ಅಭ್ಯಾದೀಹೀ’’ತಿ ಸುತ್ತನ್ತಿ ದಟ್ಠಬ್ಬಂ.