೫೪. ಛಾ

ಕಚ್ಚಾಯನೇನ ‘‘ದ್ವಿತೀಹಿ ತಿಯೋ’’ತಿ (೨-೮-೪೨) ಸುತ್ತೇನ ದ್ವಿತಿಸದ್ದೇಹಿ ತಿಯಪ್ಪಚ್ಚಯಂ ವಿಧಾಯ ‘‘ತಿಯೇ ದುತಾಪಿ ಚಾ’’ತಿ (೨-೮-೪೩) ದ್ವಿತೀನಂ ದುತಾದೇಸೇನ ದುತಿಯಂ ತತಿಯನ್ತಿ ಚ ‘‘ಚತುಛೇಹಿ ಥಠಾ’’ತಿ (೨-೮-೪೧) ಸುತ್ತೇನ ಚತುತೋ ಥಪ್ಪಚ್ಚಯಂ ವಿಧಾಯ ದ್ವಿತ್ತೇನ ಚತುತ್ಥನ್ತಿ ಚ ನಿಪ್ಫಾದಿತಂ. ಇಧ ತಥಾ ಭಾವೇನ ಕಥಂ ತೇ ಸಿಜ್ಝನ್ತೀತಿ ಆಸಙ್ಕಿಯ ವುತ್ತಿಯಂ ‘ಕಥ’ಮಿಚ್ಚಾದಿ ವುತ್ತನ್ತಿ ದಸ್ಸೇತುಮಾಹ ‘ಸಙ್ಖ್ಯೇ’ಚ್ಚಾದಿ. ವುತ್ತಿಯಂ ‘ದುತಿಯಸ್ಸಾ’ತಿಆದಿನಾ ಸುತ್ತೇಕದೇಸಾ ದಸ್ಸಿತಾತಿ ತಾನಿ ಸಮ್ಪುಣ್ಣಂ ಕತ್ವಾ ದಸ್ಸೇತುಂ ‘ದುತಿಯಸ್ಸಾ’ತಿಆದಿನಾ ‘ಚತುತ್ಥತತಿಯಾನ’ಮಿಚ್ಚಾದಿನಾ ಚ ವುತ್ತಾನಿ.