೪೦. ಸಮಾ

ಪರಾಧಿಕಾರತೋ ಪಚ್ಚಯಸ್ಸ ಪರವಿಧಿನಾವ ಸಾಮೀಪ್ಯಸ್ಸ ಸಿದ್ಧತ್ತಾ ಸಾಧೀಪ್ಯವಚನಸ್ಸನ್ತಸದ್ದಸ್ಸ ಗಹಣಮನತ್ಥಕಂ ಸಿಯಾತಿ ಮನ್ತ್ವಾವಯವವಚನೋ ಯಮನ್ತಸದ್ದೋ ಗಯ್ಹತೀತಿ ದಸ್ಸೇನ್ತೋ ಆಹ- ‘ತಸ್ಸ ಅನ್ತೋ’ಇಚ್ಚಾದಿ. ಅವಸಾನವತಿ+ಅವಯವೋತಿ ಪದಚ್ಛೇದೋ, ಸಮಾಸಗ್ಗಹಣೇನ ಗಹಣೇ ಕಾರಣಮಾಹ-‘ಅವಯವತ್ತಾ’ತಿ. ಯಥಾವುತ್ತಚೋದನಾಯ ನಿದ್ದೋಸತ್ತಮುಪಮಾವಸೇನ ದಸ್ಸೇತುಮಾಹ-‘ನಾಯಂ ದೋಸೋ’ಚ್ಚಾದಿ. ಪಲ್ಲವಿತಸ್ಸ ರುಕ್ಖಸ್ಸ ಪಲ್ಲವಾನಮವಯವತ್ತಂ ವಿಯ ಸಮಾಸತೋ ಉತ್ತರಕಾಲಂ ವಿಧೀಯ ಮಾನಸ್ಸ ಅಕಾರಸ್ಸ ಸಮಾಸಾವಯವತ್ತಂ ನ ವಿರುಜ್ಝತೀತಿ ಅತ್ಥೋ.