೨೨. ಕ್ವಚೇ

ಕ್ವಚಿಸದ್ದಸ್ಸ ಪಯೋಗನಿಯಮನತ್ಥೋ ‘‘ಪರೋ ಕ್ವಿಚೀ’’ತಿ (೧-೨೭) ಏತ್ಥ ವುತ್ತನಯೇನ ವೇದಿತಬ್ಬೋ. ಅವಿಸೇಸೇನ ಉದಾಹರಣೇಪೀತಿ ಪರೇಸಂ ವಿಯ ‘‘ಛಾಯಾ’’ತಿ (೨-೨-೭೩) ಸುತ್ತಯಿತ್ವಾ ವಿಕಪ್ಪೇನ ‘(ಕುಡ್ಡಚ್ಛಾಯ) ಕುಡ್ಡಚ್ಛಾಯಾತಿ ಚ ‘‘ಬಾಹುಲ್ಲೇ’’ತಿ (ಚಂ, ೨-೨-೭೪) ಸುತ್ತಯಿತ್ವಾ ನಿಚ್ಚಂ ‘ಉಚ್ಛುಚ್ಛಾಯಂ ಸಲಭಚ್ಛಾಯ’ನ್ತಿ ಚ ನೋದಾಹರಿತ್ವಾ ಸಾಮಞ್ಞೇನ ‘ಸಲಭಚ್ಛಾಯಂ ಸಕುನ್ತಚ್ಛಾಯ’ನ್ತಿ ಉದಾಹರಣೇ ದಸ್ಸಿತೇಪಿ. ಅಞ್ಞತ್ಥಾತಿ ಬಹುಲಭಾವತೋ ಅಞ್ಞತ್ಥ. ವಿಗ್ಗಹಸಮತ್ತಸ್ಸಾತಿ ವಿಗ್ಗಹಸಾಮಞ್ಞಸ್ಸ, ಯಥಾಸಮ್ಭವನ್ತಿ ಪಾಸಾದಸ್ಸ ಛಾಯಾಇಚ್ಚಾದಿನಾ ಸಮ್ಭವಾನತಿಕ್ಕಮೇನ, ಸದ್ದಾತಿ ಸದ್ದತೋ ಪರಾಯ.