೩೦. ಯವಾ

‘‘ಸತ್ತಮಿಯಂ ಪುಬ್ಬಸ್ಸೇ’’ತಿ (೧-೧೪) ಪುಬ್ಬಸ್ಸ ಕಾರಿಯವಿಧಾನತೋ ಸತ್ತಮೀ ನಿದ್ದಿಟ್ಠಸ್ಸ ಪರತಾ ವಿಞ್ಞಾಯತೀತಿ ವುತ್ತಿಯಂ ‘ಪರೇ’ತಿ ವುತ್ತಂ, ಏವಮುಪರಿಪಿ, ಪರೇಹಿ ಇಚ್ಚಸ್ಸ ಅಜ್ಝಿಣಮುತ್ತೋ’ತಿ ಸಾಧೇತುಂ ‘‘ಸಬ್ಬೋಚನ್ತಿ’’ ‘‘ಅಜ್ಝೋ ಅಧೀ’’ತಿ ಚ ಸುತ್ತಿತಂ, ತೇಸಮಿಧ ಪಚ್ಚಕ್ಖಾತಭಾವದಸ್ಸನತ್ಥಮಾಹ-‘ಇದ’ಮಿಚ್ಚಾದಿ, ಅಬ್ಭಕ್ಖಾನನ್ತಿ [ಅಬ್ಭುಗ್ಗಭೋ] ಇಮಿನಾವ ಸಿದ್ಧನ್ತಿ ‘‘ಅಬ್ಭೋ ಅಭೀ’’ತಿ ಚ ನ ವತ್ತಬ್ಬಂ, ಇತಿ+ಅಸ್ಸ ಇತಿ ಠಿತೇ ಪರಲೋಪೋತಿ ದಸ್ಸನತ್ಥಂ ‘ಇತಿ ಅಸ್ಸ ಪರಲೋಪೋ’ತಿ ಆಹ, ಅನ್ವಗಮಾತಿಆದೀಸು ನಿಚ್ಚಂ.