ಪುತ್ತಕಣ್ಡ

೨೮೧. ಅಭಿಜಾತಂ ಅನುಜಾತಂ, ಪುತ್ತಮಿಚ್ಛನ್ತಿ ಪಣ್ಡಿತಾ;

ಅವಜಾತಂ ನ ಇಚ್ಛನ್ತಿ, ಯೋ ಹೋತಿ ಕುಲಗನ್ಧನೋ.

೨೮೨. ಪಞ್ಚಟ್ಠಾನಾನಿ ಸಮ್ಪಸ್ಸಂ, ಪುತ್ತಮಿಚ್ಛನ್ತಿ ಪಣ್ಡಿತಾ;

ಭತೋ ವಾ ನೋ ಭರಿಸ್ಸತಿ, ಕಿಚ್ಚಂ ವಾ ನೋ ಕರಿಸ್ಸತಿ.

೨೮೩. ಕುಲವಂಸೋ ಚಿರಂ ತಿಟ್ಠೇ, ದಾಯಜ್ಜಂ ಪಟಿಪಜ್ಜತಿ;

ಅಥ ವಾ ಪನ ಪೇತಾನಂ, ದಕ್ಖಿನಂ ಅನುಪದಸ್ಸತಿ.

೨೮೪. ಬಹುಪುತ್ತೇ ಪಿತಾ ಏಕೋ, ಅವಸ್ಸಂ ಪೋಸೇತಿ ಸದಾ;

ಬಹುಪುತ್ತಾ ನ ಸಕ್ಕೋನ್ತಿ, ಪೋಸೇತುಂ ಪಿತರೇಕಕಂ.

೨೮೫. ಪುತ್ತಂ ವಾ ಭಾತರಂ ದುಟ್ಠು, ಅನುಸಾಸೇಯ್ಯ ನೋ ಜಹೇ;

ಕಿನ್ನು ಛೇಜ್ಜಂ ಕರಂ ಪಾದಂ, ಲಿತ್ತಂ ಅಸುಚಿನಾ ಸಿಯಾ.