ವೇಜ್ಜಾಚರಿಯ ಕಣ್ಡ

೨೮೬. ಆಯುಬೇದಕತಾಭ್ಯಾಸೋ, ಸಬ್ಬೇಸಂ ಪಿಯದಸ್ಸನೋ;

ಅರಿಯಸೀಲಗುಣೋಪೇತೋ, ಏಸ ವೇಜ್ಜೋ ವಿಧೀಯತೇ.

೨೮೭. ನಾನಾಗನ್ಥಜಾನನಞ್ಚ, ಸುದಿಟ್ಠಕಮ್ಮಸಮ್ಪದಾ;

ದಕ್ಖತಾ ಹತ್ಥಸೀಘತಾ, ಪಸಾದಸೂರಸತ್ತಿತಾ.

೨೮೮. ಸಾಭಾವಿಕತಙ್ಖಣಿಕ-ಞಾಣಸುಭಾಸಿತಾಪಿ ಚ;

ಉಸ್ಸಾಹೋ ದಬ್ಬೋ ಸಬ್ಬತಾ, ವೇಜ್ಜಾಚೇರಸ್ಸ ಲಕ್ಖಣಂ;

೨೮೯. ಕಿಲಿಟ್ಠವತ್ಥಂ ಕೋಧೋ ಚ, ಅತಿಮಾನಞ್ಚ ಗಮ್ಮತಾ;

ಅನಿಮನ್ತಿತಗಮನಂ, ಏತೇ ಪಞ್ಚ ವಿವಜ್ಜಿಯಾ.

೨೯೦. ದಿಟ್ಠಕಮ್ಮತಾ ಸೋಚಞ್ಚ, ದಕ್ಖತಾ ವಿದಿತಾಗಮೋ;

ಚತ್ತಾರೋ ಸುಭಿಸಕ್ಕಸ್ಸ, ಸುಗುಣಾ ವಿಞ್ಞುನಾ ಮತಾ.

೨೯೧. ರುಜಾಯ ಜಯಲಕ್ಖಣಂ, ರಸೋ ಚ ಭೇಸಜ್ಜಮ್ಪಿ ಚ;

ತಿಲಕ್ಖಣಭೇದೋ ಚೇವ, ವಿಞ್ಞೇಯ್ಯೋ ಭಿಸಕ್ಕೇನ ವೇ.