೧೧. ಚತುತ್ಥಅಭಬ್ಬಟ್ಠಾನಸುತ್ತಂ

೯೫. ‘‘ಛಯಿಮಾನಿ, ಭಿಕ್ಖವೇ, ಅಭಬ್ಬಟ್ಠಾನಾನಿ. ಕತಮಾನಿ ಛ? ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಸಯಂಕತಂ ಸುಖದುಕ್ಖಂ ಪಚ್ಚಾಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಪರಂಕತಂ [ಪರಕತಂ (ಸೀ. ಸ್ಯಾ.)] ಸುಖದುಕ್ಖಂ ಪಚ್ಚಾಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಸಯಂಕತಞ್ಚ ಪರಂಕತಞ್ಚ ಸುಖದುಕ್ಖಂ ಪಚ್ಚಾಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಅಸಯಂಕಾರಂ ಅಧಿಚ್ಚಸಮುಪ್ಪನ್ನಂ ಸುಖದುಕ್ಖಂ ಪಚ್ಚಾಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಅಪರಂಕಾರಂ ಅಧಿಚ್ಚಸಮುಪ್ಪನ್ನಂ ಸುಖದುಕ್ಖಂ ಪಚ್ಚಾಗನ್ತುಂ, ಅಭಬ್ಬೋ ದಿಟ್ಠಿಸಮ್ಪನ್ನೋ ಪುಗ್ಗಲೋ ಅಸಯಂಕಾರಞ್ಚ ಅಪರಂಕಾರಞ್ಚ ಅಧಿಚ್ಚಸಮುಪ್ಪನ್ನಂ ಸುಖದುಕ್ಖಂ ಪಚ್ಚಾಗನ್ತುಂ. ತಂ ಕಿಸ್ಸ ಹೇತು? ತಥಾ ಹಿಸ್ಸ, ಭಿಕ್ಖವೇ, ದಿಟ್ಠಿಸಮ್ಪನ್ನಸ್ಸ ಪುಗ್ಗಲಸ್ಸ ಹೇತು ಚ ಸುದಿಟ್ಠೋ ಹೇತುಸಮುಪ್ಪನ್ನಾ ಚ ಧಮ್ಮಾ. ಇಮಾನಿ ಖೋ, ಭಿಕ್ಖವೇ, ಛ ಅಭಬ್ಬಟ್ಠಾನಾನೀ’’ತಿ. ಏಕಾದಸಮಂ.

ಸೀತಿವಗ್ಗೋ ನವಮೋ. [ಚತುತ್ಥೋ (ಸ್ಯಾ. ಕ.)]