ទិសាលោចនអង្កុសនយទ្វយវណ្ណនា

ឥតិ តិណ្ណំ អត្ថនយានំ សិទ្ធិយា វោហារនយទ្វយម្បិ សិទ្ធមេវ ហោតិ. តថា ហិ អត្ថនយត្តយទិសាភូតធម្មានំ សមាលោចនមេវ ទិសាលោចននយោ. តេសំ សមានយនមេវ អង្កុសនយោ. តស្មា យថាវុត្តនយេន អត្ថនយានំ ទិសាភូតធម្មសមាលោកននយនវសេន តម្បិ នយទ្វយំ យោជេតព្ពន្តិ, តេន វុត្តំ ‘‘វេយ្យាករណេសុ ហិ យេ, កុសលាកុសលា’’តិអាទិ (នេត្តិ. ៤.២០). អយំ បញ្ចនយយោជនា.

បញ្ចវិធនយវណ្ណនា និដ្ឋិតា.